Duteronomi 7:25 - ICIGHAN BIBILO

²⁵ Ieev mbi mbaaôndo vev mbi gban a gba la yô, nande nen sha usu; de tem azurfa shin zenaria u a lu sha mi ga; de tee ga, sha er i̱ de hen u sha mi ga yô, gadia ka TER, Aôndo wou, kwagh u ihôngorough je;

Duteronomi 7:25 Iomraidhean Croise

2 Utor 23:14

Shi a hembe mtôm ma awenem man a gber Asherim, a iv ajiir a ve sha akuhe a ior.

1 Kroniku 14:12

Ve undu mbaaôndo vev heregh, nahan Davidi na zwa er i̱ nande ve sha usu.

Ekesodu 20:17

De tem ya u or u wan ndor a we ga, shi de tem kwase u or u wan ndor a we ga, shin or u shiren nan tom, shin kwase u eren nan tom, shin bua u nan, shin jaki i nan kpaa, kwagh môm môm u a lu u or u wan ndor a we yô, de tem ga.

Ekesodu 32:20

Nahan a tôô wanbua u ve er la, a nande sha usu, a wua hingir vuwe, a urugh sha mnger, a na Mbaiserael, ve ma.

Ekesodu 8:26

Kpa Mose kaa er: Doo u eren nahan ga; gadia sé va sôngo Aôndo TER kwagh u ndôhôr Mbaigipiti ishima; tsô aluer sé sôngo kwagh u undôhôr ishima sha ashe a Mbaigipiti nahan vea ta se awen ga ha?

Yesaia 30:22

Nea hôngor ieev you mbi gban a gba mbi i cir mbi azurfa iyol la, man ieev you mbi haan a haa mbi i cir mbi zenaria iyol la; wea haa mbi kera er kwagh u hôngorough nahan; wea kaa a mbi wer: Kar heen kera.

Yesaia 41:24

Nenge, ne mba ma kwagh ga, tom wen kpaa ka gbilinkwagh tsô; or u nan tsough ne la kpaa nan ngu kwagh u ndôhôrshima.

Levitiku 13:52

A̱ nande ikondo, shin a lu zermou, shin a lu abamou, shin a lu i sha ul shin i sha mou, shin hanma kwagh u i er sha ikôv u angev mbu lu sha mi la, gadia ka boimande a̱ nande sha usu.

Levitiku 19:4

De gem nen hen mbaaôndo mba gbiliniv ga, shi de eren nen mbaaôndo mba i ker a ker ga; ka Mo TER M lu Aôndo wen ye.

Sefania 1:3

Me kar a or kua zendenya kera; Me kar a inyon i sha kera, man ishu i shin zegemnger, kua atôakaa a nan gbev mbu nôngon, a mbaaferev imôngo; shi Me tim or sha tar kera, kape TER A kaa la.

Duteronomi 12:3

yôhôl nen atse a ve a nanden nagh sha mi, hembe nen mtôm ma awenem vem, nande nen Asherim ve sha usu; gber nen ieev mbi gban a gba mbi mbaaôndo vev kera; er nen iti ve i̱ hungul hen ijiir la kera.

Duteronomi 13:16

Kohol ishar i ker cii, haa hen atô u tembe na, nande gar la sha usu kua ishar na jimin cii, sha ci u TER, Aôndo wou, a̱ hingir tihialôgh gbem sha won, i̱ de kera shi maan un mayange ga.

Duteronomi 17:1

De ne TER, Aôndo wou, nagh sha bua shin iyôngo, kwagh u a lu a ihogholough iyol, shin u a lu a ma kwagh iyol u vihin kpaa ga, gadia nahan ka TER, Aôndo wou, kwagh u ihôngorough je.

Duteronomi 23:18

De ve a injar i idyakwase, shin injar i iwa, hen ya u TER, Aôndo wou, sha ci u hanma iceghzwa ga, gadia ve uhar cii ka TER, Aôndo wou, kwagh u ihôngorough je.

Duteronomi 27:15

Ifan i̱ kôr or u nan er eev mbu gban shin mbu keren a ker yô, ka TER kwagh u ihôngorough je, ka tomaveegh u or u fan kwaghgban, u nan ver mbu myer yô. Nahan ior cii ve̱ rumun er: Amen.

Duteronomi 7:16

Man ú tim akuraior cii a TER, Aôndo wou, Una gema a, Una na sha ikev you la; ishe you i̱ de zungu ve mhôônom ga, man de civir mbaaôndo vev ga, gadia á va hingir kwagh u hônon we min.

Duteronomi 7:5

Kwagh u né er a yô, yôhôl nen atse a a, a nanden nagh sha mi, hembe nen mtôm ma awenem ma a, gber nen Asherim u a, nande nen ieev mbi gban a gba mbi a sha usu.

Yosua 7:1

Kpa Mbaiserael per tindi sha kwagh u i te icin sha mi la; gadia Akan wan u Karmi, wan u Sabedi, wan u Sera u ken kwe u Yuda, a tôô kwagh sha akaa a i te icin sha mi la; nahan ishima vihi TER a Mbaiserael tsung.

Yosua 7:21

Er m nenge ikondo i cirin iyol i dedoo i Shinar ken ishar i utya man ushekel mba azurfa deri uhar kua ijen i zenaria i iyohov mbu i mbu kom shekel akunduahargber yô, sarem, tsô m tôô akaa la; nenge i yer a, nga shin inya, her atô u tenti wan man azurfa mase shin.

Mpase U Yohane 17:5

Sha icul na yô, i nger iti sha mi lu kwaghmyer je. I nger er: ZEGEBABILON, NGÔ U UDYAMBAKASEV MAN SHI AKAA A NDÔHÔR ISHIMA A SHIN TAR KPAA.