Duteronomi 7:16 - ICIGHAN BIBILO

¹⁶ Man ú tim akuraior cii a TER, Aôndo wou, Una gema a, Una na sha ikev you la; ishe you i̱ de zungu ve mhôônom ga, man de civir mbaaôndo vev ga, gadia á va hingir kwagh u hônon we min.

Duteronomi 7:16 Iomraidhean Croise

Upasalmi 106:34

Ve tim akuraior la er TER kaa ve nahan ga,

Upasalmi 106:36

ve civir ieev vev, kwagh la gema hingir ihônon hen a ve.

Ekesodu 23:33

Ve̱ de kera tem ken tar wou ga, sha u ve̱ de geman we, ú eren kwaghbo ga yô; gadia aluer ú civir mbaaôndo vev yô, á va hingir ihônon i á hôn u a mi je la.

Yeremia 21:7

Ken masetyô la yô, kape TER A kaa ne, Me gema Sedekia tor u Yuda man mbatomov nav, kua ior mba ken gar ne mba ve wer bouange man sanker kua ijen la, Me na ve sha ikev i Nebukadinesar tor u Babilon man sha ikev i mbaihomov vev, kua sha ikev i mba ve keren uma ve, una wua ve sha zwa u sanker, una de ve uma ga, mhôônom maa kôr un a ve ga, man una zungwe ve mhôônom kpaa ga.

Numeri 33:55

Kpa aluer nea zenda mba ve tem ken tar la sha ishigh yenegh kera ga yô, ve mba ne de ve la, vea hingir kwagh u civin ne ken ashe man kwagh u kuman ne ken ihan, vea zaan ne iyol ken tar u ne tema ker la.

1 Mbakorinte 15:33

De tsughun nen ayol a en ga, ujende mba bov mba vihin mbamlu mba dedoo.

Duteronomi 13:8

de rumun kwagh la a na ga, shi de ongo imo na kpaa ga; a̱ de ker u mhôônom ashe ga, de zungu un mhôônom ga, de yeren kwagh na la ga,

Duteronomi 13:9

kpa wua un kpee; uwegh ough ku̱ vande lun sha a na sha u wuan un man ave a ior mbagenev cii aa mase ye.

Duteronomi 19:13

Ishe you i̱ de zungu nan mhôônom ga, kpa dugh ibo i̱ awambe a orishôôgh hen Iserael kera, sha er á kpe u iyol yô.

Duteronomi 19:21

Ishe you i̱ de zungu mhôônom ga; uma sha uma, ishe sha ishe, inyigh sha inyi, uwegh sha uwe, nguhar sha nguhar.

Duteronomi 25:12

tôndo un uwegh kera; ashe ou a̱ de zungu mhôônom ga.

Duteronomi 7:2

man zum u TER, Aôndo wou, Una gema a, Una na sha ikev you man wea hemba a yô, tim a purututu; de ye ikur a a ga, de zungu a mhôônom kpaa ga.

Duteronomi 7:25

Ieev mbi mbaaôndo vev mbi gban a gba la yô, nande nen sha usu; de tem azurfa shin zenaria u a lu sha mi ga; de tee ga, sha er i̱ de hen u sha mi ga yô, gadia ka TER, Aôndo wou, kwagh u ihôngorough je;

Yosua 11:20

Gadia ka TER je, A cighir ve asema er ve̱ mough ityav a Iserael sha er ve̱ tim ve ci ca cii, ve̱ de ker mhôônom ga yô, kpa ve̱ tim ve, er TER kaa a Mose nahan.

Mbaajiriv 2:12

ve undu TER, Aôndo u uter vev, u A due a ve ken tar u Igipiti la, ve gema ve dondo mbaaôndo mbagenev, mbaaôndo mba akuraior a a kase ve la, ve gure, ve civir ve; nahan ve bam TER.

Mbaajiriv 2:3

Ka nahan man M kaa Mer: Me kera zenda ve sha ishigh yenegh kera ga ye, kpa vea hingir mbahendan kwagh a ven; mbaaôndo vev kpaa vea hingir kwagh u hônon ne a min.

Mbaajiriv 3:6

ve er ônov vev mba kasev, ve di kpaa ve na ior mbala ônov vev mba kasev, ve civir mbaaôndo vev kpaa.

Mbaajiriv 8:27

Gidion gema er efodi a mi, ver un ken gar na, Ofera; tsô Iserael cii gba va eren idya heregh sha u civir un; gema hingir kwagh u hônon Gidion a mi kua mba hen ya na.