Duteronomi 7:13 - ICIGHAN BIBILO

¹³ ú doo Un ishima, Una ver u doo doo, Una seer we iyenge, man shi Una ver tse wou doo doo kua iyiagh ki hen tar wou, alakema wou man wain wou, man mkurem ou, mmar u abua a ou, man ônov mba iyôngov ou, ken tar u A bum a uter ou, er Una na u la.

Duteronomi 7:13 Iomraidhean Croise

Nehemia 9:32

Yô, Aôndo wase, u hemban, u ageegh, u cier iyol, u wan ikuryan man erdoo iko; ican ne cii i̱ de luun kwagh u kiriki sha ishigh You ga, ican i i tser se a utor asev man atiator a ase man upristi asev man uprofeti asev man uter asev kua ior Ou cii la, hii sha ayange a utor mba Ashiria je zan zan nyian ne.

Yobu 1:10

U wa un igyar, U kase un a ya na kua akaa a a lu a mi cii gaa? U ver tom u ave na dedoo, uzendenya nav kpaa seer kpishi shin tar.

Yobu 42:12

Nahan TER ver Yobu ken masejime doo doo, hemba mver u tsuaa la; a lu a iyôngo dubu pue kar unyiin, urakumi dubu ataratar, abua a kpelan ikyekye ahar ahar kuma dubu môm, kua anmgbianajaki dubu.

Upasalmi 1:3

Nan ngu er kon u i môôr hen ukungômbamngerev, u u um sha shighe u u yô, ika i u kpaa ngi usu ga; hanma kwagh u nan eren kpaa, nana kure un vough.

Upasalmi 107:38

A ver ve doo doo kpaa, zan zan ve seer ngeen a ngee; A rumun er ilev vev mbi̱ pande a pande ga.

Upasalmi 11:7

Gadia TER ka u perapera je, perapera doo Un ishima; mbamimi yô, vea nenge ishigh Nagh.

Upasalmi 127:3

Nenge, ônov mba nomso ka dyako u TER A ne yô, man kwagh u a dugh ken sagh kpaa ka injar i A ne yô.

Upasalmi 146:8

TER bughun ashe a mbaapirashe, TER kenden a mba ve lu ngugh ngugh la sha, mbaperapera doo TER ishima.

Ekesodu 23:25

Civir TER, Aôndo wen, Un kpaa Una na iveren sha kwaghyan wou kua mngerem ou; shi Me kar a angev hen we kera kpaa.

Anzaakaa 10:22

Iveren i TER ngi ve a inyaregh, tom u nyoonyol seer ma kwagh sha i ga.

Anzaakaa 15:9

Gbenda u iferor ka TER kwagh u ndôhôrshima je, kpa or u zan a perapera ityô yô, nan doo Un ishima.

Levitiku 26:9

Me waan ne iko, Me ngee ne ônov, Me seer a seer ne iyenge, Me taver ikuryan Yam a ven.

Mateu 6:33

Kpa vande keren nen tartor Na man perapera Na, man akaa ne cii á seer ne a ye.

YOHANE 14:21

Or u nan lu a atindi Am, man nan we a iko kpaa yô, ka nan je, M doo nan ishima ye. Or u M doo nan ishima kpaa, nana doo Terem ishima; Mo kpaa nana doom ishima, man Me pase iyol Yam her a nan kpaa.

YOHANE 15:10

Aluer ne wa atindi Am iko yô, né lu ken dooshima Wam; er Mo kpaa M we atindi a Terem iko, man M luun ken dooshima Na nahan.

YOHANE 16:27

gadia Ter iyol Na kpaa, ne doo Un ishima tsung, sha ci u M doo ne ishima, man shi ne ne jighjigh er M dugh hen Ter yô.

Duteronomi 1:8

Nenge, M gema tar la m na ne; yô, nyôr nen, ngohol nen tar la, u TER lu bum a uter enev, Aberaham man Isaka man Yakob, er Una na ve u, kua vor ve u ken ijime ve la.

Duteronomi 13:17

Ma kwagh u i tswer un, de saan a mi ga, sha er TER A̱ de iyugh Na i tsung la, A̱ zungwe u mhôônom, mhôônom ma kôr Un a we, A̱ seer we iyenge er A̱ bum a uter ou nahan,

Duteronomi 28:1

Aluer ú ungwa imo i TER, Aôndo wou, ishima i môm je, ú waan atindi a Na a m we u nyian ne cii iko, ú eren sha mi yô, TER, Aôndo wou, Una kende u sha, ú hemba akuraior a sha won cii,

Duteronomi 28:11

TER Una na u akaadoon wuee, sha tsombor wou man sha ônov mba uzendenya ou, man sha iyiav mbi ken sule wou ken tar u TER bum a uter ou er Una na u u la.

Duteronomi 30:5

TER, Aôndo wou, Una va a we ken tar u uter ou iyange lu ker la, ú ngohol u kpaa; Una er a we dedoo, Una seer we iyenge je ú hemba uter ou.

Duteronomi 7:7

Ka mngee, ne hembe ngeen a ma ikurior igen man TER A pende ishima sha a ven A tsough ne kpaa ga, gadia ne hemba gban ijime a akuraior cii;