Duteronomi 7:12 - ICIGHAN BIBILO

¹² Nahan er ne ver ato sha akaaôron a jirigh ne man ne we iko u eren sha a kpaa yô, TER, Aôndo wou kpaa, Una waan iko sha ikuryan man erdoo a we er A bum a uter ou la;

Duteronomi 7:12 Iomraidhean Croise

1 Utor 8:23

a kaa er: TERE, Aôndo u Iserael, ma Aôndo ugen ngu er We nahan ga, Sha kpaa ga, shin tar kpaa ga, We, u U we iko sha ikuryan man U ver ishima sha erdoo a mbayev Ou, mba ve zenden sha ishigh You a ishima i môm yô;

Nehemia 1:5

m kaa mer: TERE, Aôndo u Sha, Aôndo u hemban, u cier iyol, u wan ikuryan iko man erdoo a mba A doo ve ishima man ve we atindi Na iko yô.

Nehemia 9:32

Yô, Aôndo wase, u hemban, u ageegh, u cier iyol, u wan ikuryan man erdoo iko; ican ne cii i̱ de luun kwagh u kiriki sha ishigh You ga, ican i i tser se a utor asev man atiator a ase man upristi asev man uprofeti asev man uter asev kua ior Ou cii la, hii sha ayange a utor mba Ashiria je zan zan nyian ne.

Upasalmi 103:18

sha mba ve kor ikuryan Na, man mba ve umbur atindi Na, ve eren sha mi kpaa yô.

Upasalmi 149:9

sha u ôron ve ijir i i vande ngeren yô! Kwagh la una hingir icivir i mba i doo Un a ve la cii. Haleluya.

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Yeremia 11:5

sha u Me kure mbum u M bum a uter enev, Mer, Me na ve tar u atumbabua kua iyough ve dumbur ker la, er i lu nyian nahan ne. Tsô m rumun, mer: Amen, TERE.

Daniel 9:4

Tsô m sôn TER, Aôndo wam, m rumun ibo kpaa, m kaa mer: Tere, Aôndo u hemban, u cier iyol, u U we ikuryan man mhôônom ma zungwen iko a mba U doo ve ishima man mba ve eren sha atindiakaa a Ou kpaa yô;

Mika 7:20

Ú tese Yakob mimi man Aberaham di erdoo, u U vande bumun a uter asev hii sha ayange a tsuaa la je yô.

Luka 1:55

Er lu kaa uter asev nahan a Aberaham man tsombor na kpaa, gbem sha won.

Duteronomi 1:8

Nenge, M gema tar la m na ne; yô, nyôr nen, ngohol nen tar la, u TER lu bum a uter enev, Aberaham man Isaka man Yakob, er Una na ve u, kua vor ve u ken ijime ve la.

Duteronomi 11:13

Nahan yô, aluer né ver ato sha gbashima sha atindi a M we ne nyian ne er TER, Aôndo wen, A̱ doo ne ishima, man né er Un tom a ishima yen cii man uma wen cii yô.

Duteronomi 5:10

kpa mba M doo ve ishima man ve we atindi a Am iko yô, M eren a udubu vev imôngo dedoo.

Duteronomi 7:11

Yô, waan iko sha tindi man akaawan man akaaôron a jirigh a M kaan we nyian mer, eren sha mi ne.

Duteronomi 7:9

Yô, fa, TER, Aôndo wou, Un ka Aôndo; Aôndo u jighjigh, u A we iko sha ikuryan man erdoo a mba A doo ve ishima man ve we atindi Na iko, zan zan ikov dubu je yô,