Duteronomi 7:10 - ICIGHAN BIBILO

¹⁰ oron iyev sha mba ve ker Un ihom sha ishiv vev je, timin ve; Una de or u nan ker Un ihom ga, Una or iyev sha nan sha ishigh ki nan je.

Duteronomi 7:10 Iomraidhean Croise

Ekesodu 20:5

De gur ve inya ga, shi de civir ve kpaa ga; gadia Mo TER, Aôndo wou, M ngu Aôndo u gban iwuhe; M tsahan mbayev sha ci u iferkwagh i uter zan zan ikov itiar man inyiin kpaa i mba ve kerem ihom;

Ekesodu 34:7

u eren a ior udubu imôngo dedoo, u deen ifer man tindi u peren man isholibo; kpa u tsahan yô, deen ga, tsahan ônov sha ci u ifer i uter kua ônov mba ônov kpaa, zan zan kov u sha utar man shi u sha unyiin kpaa.

Anzaakaa 11:31

Nenge, orperapera je kpaa, a na nan sha ieren i nan shin tar, man hile iferor vea orisholiboo!

Yesaia 59:18

Er aeren a ve a lu la, kape Una kimbi ve je la: ishimanyoon sha mbaahendanev Nav, iyevoron sha mbaihomov Nav; Una or iyev sha ityar i hen kpe u zegemnger la.

Yeremia 32:18

We u U zungu ior udubu imôngo mhôônom man u oron iyev sha ifer i uter, U haa ônov vev mba ken ijime ve la, ikum; ka Aôndo u vesen, u hemban agee, TER u akum a Sha; ka iti Na je la;

Nahum 1:2

TER Aôndo ka u iwuhegh je, man oron iyev; TER ka u oron iyev man A mgbough a iyugh; TER ka u oron iyev sha mbaahendanev Nav, man ishima vihin Un a mbaihomov Nav.

Numeri 10:35

Zum u areki una mough una gba yemen yô, Mose a kaa er: Mough sha TERE, i̱ sambe mbaihomov Ou; mba ve ker U ihom ve̱ yevese ve̱ kar sha ishigh You kera.

Numeri 14:18

TER we ishima, ngu a erdoo wuee, deen ifer man tindi u peren, kpa u tsahan yô, den ga; tsahan ônov sha ifer i uter zan zan kov u sha utar man shi u sha unyiin kpaa.

Mbaromanu 12:19

Ne mbadoon mo ishima, de oron nen iyev sha kwagh wen ga, kpa na nen iyugh i Aôndo ian, gadia i nger er: Ka Mo Me or iyev ye, ka Mo Me kimbi ye, kape Ter A kaa la.

Duteronomi 32:25

Ken won yô, sanker una wuan kera, ken ayou yô, mciem maa tan iyol; á tim anyekwaor man iniunkwase, man wanikundan kua ormendenivu kpaa.

Duteronomi 32:35

Iyevoron ka i Yam man mkimbi kpaa, shighe u nguhar ve ua lyemen yô; gadia iyange i ican i mtim ve kuma ve, akaa a á va tser ve la, aa va fese je.

Duteronomi 32:41

aluer Me wua sanker Wam u engem, Me kôr ijirôron i bo ave yô, Me or iyev sha mbaahendanev Av, me kimbi ve mba ve kerem ihom la.

Duteronomi 5:9

de gur ve inya ga, man shi de civir ve kpaa ga, gadia Mo, TER, Aôndo wou, M ngu Aôndo u gban iwuhe, M tsahan mbayev sha ci u iferkwagh i uter zan zan kov u sha utar man shi u sha unyiin kpaa, u mba ve kerem ihom;

Duteronomi 7:11

Yô, waan iko sha tindi man akaawan man akaaôron a jirigh a M kaan we nyian mer, eren sha mi ne.

Duteronomi 7:9

Yô, fa, TER, Aôndo wou, Un ka Aôndo; Aôndo u jighjigh, u A we iko sha ikuryan man erdoo a mba A doo ve ishima man ve we atindi Na iko, zan zan ikov dubu je yô,