Duteronomi 6:12 - ICIGHAN BIBILO

¹² shighe la kura iyol you sha er u̱ de hungul TER u A dugh a we ken tar u Igipiti ken ya u ikpan la ga yô.

Duteronomi 6:12 Iomraidhean Croise

2 Utor 17:36

kpa TER, u A due a ven ken tar u Igipiti sha agee a vesen kua sha uwegh ku naregh, ka Un cian nen Un ye, shi ka Un guren civir nen Un ye, man shi ka Un kpaa naan nen Un nagh ye;

2 Utor 17:38

ikuryan i M ya a ven kpaa, i̱ de hungul ne ga; man shi de cie nen mbaaôndo mbagenev ga,

Yobu 8:13

Kape igbenda i mba ve hungul Aôndo cii i lu la; ishimaverenkeghen i or u wan Aôndo iko ga yô, ia saa ishe.

Upasalmi 103:2

Wuese TER, we uma wam, ma kwagh môm ken aeren a Na a doon la cii, a̱ de hungul we ga;

Upasalmi 44:17

Akaa ne cii er se, nahan kpaa U hungul se ga; se nzughul sha ikuryan You kpaa ga.

Upasalmi 59:11

De woo ve ga, sha er á hungul ior av ga yô; sambe ve sha agee Ou, gbihi ve inya, TERE, perutya wase!

Upasalmi 78:7

sha er ve̱ ver asema a ve sha Aôndo, ve̱ de hungul ityom i Aôndo ga, kpa ve̱ waan atindi a Na iko,

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Ekesodu 13:3

Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 6:6

Nahan yô, kaa Mbaiserael wer: Ka Mo TER, Me due a ven ken tom u ican u Mbaigipiti ne kera, man shi Me yima ne sha ican i ikpan i sha ikev ve la kpaa ye; Me paa ne sha uwegh ku naregh, man sha ajiraôron a vesen.

Anzaakaa 30:9

sha er m̱ de idi m̱ nyiman We, m̱ kaan Mer; Ka an nan lu TERE? ga, man shi m̱ de lu oribanave je er me za ii, me gema me ter iti i Aôndo wam gbilin, ga.

Yesaia 17:10

Gadia Aôndo u myom wou hungul we, u kera umbur Vande wou u waren ker la kpaa ga, ka nahan man u lee ahu a mondon a dedoo man u môôr ikon i wain igen kposo ye;

Yesaia 51:13

man TER u A gbe u la hungul we, Un u A samber Usha, man A tim imagh ki taregh la; man u shi cian didi sha ci u iyugh i orkighir, zum u a kohol iyol sha u timin la. Nahan iyugh i orkighir ngi han hegen ase?

Yeremia 34:13

TER, Aôndo u Iserael, ngu kaan nahan er: Mo M ya ikur a uter enev sha iyange i M due a ve ken tar u Igipiti, ken ya u ikpan la, M kaa Mer:

Hosea 2:13

Me tsaha un sha ci u ayange a iniongo a Ubaal a un lu nanden ve nagh ku human doon la, man lu eren hwe sha inyarev mbi ken ato man sha asa a engem, dondon sha mbadoon un ishima la, Mo yô, M gema M hungul un, kape TER a kaa ne.

Numeri 15:39

a̱ lu ne anzôr a né kenger sha mi man né umbur atindi a TER cii, né waan a iko kpaa yô; sha er de zenden nen sha ishima yen man sha ashe a en ga, ka kwagh u a ne ne idya i eren je la;

Duteronomi 32:18

Kpa Vande u u mar u la, u umbur u ga, Aôndo u A mar u la hungul we.

Duteronomi 4:23

Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Duteronomi 4:9

Kura iyol you, ver ishima sha uma wou dedoo sha er akaawan a ashe ou a nenge a mi la, a̱ de hungul we ga, sha er sha ayange ou cii a̱ de karen we ken ishima kera ga yô, kpa tesen ônov ou a, kua shi ônov mba ônov ou kpaa;

Duteronomi 8:10

Ú yaan á kuma u gbing gbing, ú wuese TER, Aôndo wou, sha ci u tar u dedoo u A ne u la.

Mbakolose 2:8

Ver nen ishima, or nana̱ de ker ne yemen a ven sha kwaghfan shin sha atseregh a gbilinigh ga. Akaa ne ka sha inja i ukaaer mba ior la, shi ka sha inja i ujijingi mba taregh mba hiihii, kera ka sha inja i Kristu a lu ga.

Mbaajiriv 2:12

ve undu TER, Aôndo u uter vev, u A due a ve ken tar u Igipiti la, ve gema ve dondo mbaaôndo mbagenev, mbaaôndo mba akuraior a a kase ve la, ve gure, ve civir ve; nahan ve bam TER.