Duteronomi 6:1 - ICIGHAN BIBILO

¹ Ka tindi man akaawan kua akaaôron a jirigh a TER, Aôndo wen, A kaa, er i̱ tese ne a, sha er né za eren sha a ken tar u né per, né za ngohol u la yô;

Duteronomi 6:1 Iomraidhean Croise

Ekesodu 21:1

Ka akaaôron a jirigh a ú ver ve sha ishi ne:

Ekesodu 23:13

Akaa a M kaa ne ne cii, waan nen a iko, de teren nen ati a mbaaôndo mbagenev ga, i̱ de ongo a sha zwa wou ga.

Esekiel 20:19

Mo M ngu TER, Aôndo wen; zenden nen ken akaawan a Am, waan nen akaaôron a Am a jirigh iko, man eren nen sha mi kpaa;

Esekiel 37:24

Wanakiriki Wan Davidi una tema tor sha a ve; ve cii vea lu a orkuran môm; vea zenden ken akaaôron a Am a jirigh, vea waan akaawan a Am iko man vea eren sha mi kpaa.

Levitiku 27:34

Ka atindiakaa a TER lu na Mose sha ci u Mbaiserael hen uwo u Senai je ne.

Numeri 36:13

Ka atindi man akaaôron a jirigh a TER na Mose, Mose gema na Mbaiserael hen ukpuunkpuun mba Moabi hen kpe u Yordan, tiôn u hen Yeriko je ne.

Duteronomi 12:1

Akaawan man akaaôron a jirigh a né waan a iko, né eren sha mi ken tar u TER, Aôndo u uter ou, A ne u er u̱ ngohol u la, sha ayange a né lu uma sha won cii yô, ka a ne:

Duteronomi 3:18

Hen shighe la, m wa ne tindi, mer: TER, Aôndo wen na ne tar ne sha u ne̱ ngohol u; kange nen iyol i utya, per hemen nen anmgbianev enev, Mbaiserael, ne anomaior cii;

Duteronomi 33:3

Mimi je, ikwe la doo Un ishima; uicighanmbaiorov Nav cii ve mba sha ikev You, ve haa hen angahar a Ou; hanmô ve nan ngohol kwagh sha akaaôron a Ou.

Duteronomi 4:1

Hegen yô, we Iserael, ungwa akaawan man atindi a m lu tesen ne mer, eren nen sha mi, sha er né lu uma né nyôr né ngohol tar u TER, Aôndo u uter enev, A lu nan ne la yô.

Duteronomi 4:14

Hen shighe la, TER kaa a mo er, m̱ tese ne akaawan man atindi sha er né er sha a ken tar u ne lu zan sha u za ngohol u la.

Duteronomi 4:45

Ka mbampase man akaawan man atindi a Mose ôr Mbaiserael zum u ve due ken tar u Igipiti la,

Duteronomi 4:5

Nenge, m tese ne akaawan man atindi, er TER, Aôndo wam, A kaam yô, sha u né za eren sha a, ken tar u né lu zan sha u za ngohol u la.

Duteronomi 5:31

Kpa we yô, tile a Mo heen, Mo Me ôr u atindi cii man akaawan kua akaaôron a jirigh a ú za tese ve sha u ve̱ eren sha a ken tar u M lu nan ve Mer ve̱ ngohol u la.

Duteronomi 5:33

Zende nen sha igbenda i TER, Aôndo wen, A kaa ne la cii, sha er né lu uma, á kpe ne iyol, man á seer ne ayange ken tar u né za ngohol u la yô.

Duteronomi 6:2

sha er u̱ cia TER, Aôndo wou, u̱ waan akaawan a Na iko cii, a m we u a, we man wan wou man wan u wan wou sha ayange a uma wou cii, sha er á seer we ayange yô.