Duteronomi 5:5 - ICIGHAN BIBILO

⁵ (ka mo je, yan m tile hen atô u TER a ven hen shighe la ye, sha u me pase ne kwaghôron u TER yô; gadia ne lu cian usu la; m-undu kpaa, ne unde sha uwo la ga), A kaa er:

Duteronomi 5:5 Iomraidhean Croise

Genese 18:22

Tsô ior mbala undu ijiir la gba yemen ken Sodom, kpa Aberaham tile her sha ishigh ki TER.

2 Utor 18:4

A vihi ajiir a taven sha la kera, a hembe mtôm ma awenem, a gber Asherim kera; shi a hembe iyô i togula i Mose lu er la; gadia zan zan hen shighe la je kpaa Mbaiserael lu nanden kwaghhumandoon sha ci u i; i yila i er Nehushetan.

Upasalmi 106:23

Ka nahan man A kaa er, Una tim ve kera ye; ka Mose, icuwanor Na la, va tile Un sha ishi a zamber, sha u goom a iyugh Na kera, sha er A̱ de timin ve ga ye.

Ekesodu 19:16

Tsô sha iyange i atar la, sev mbu av yô, idyuran man inyiar kua ibeenegh ki iligh kpaa lu sha uwo la, man imo i ikpamkor lu kaan taver taver; ior mba hen afo cii gbidye akarkase iyol.

Ekesodu 19:21

Tsô TER kaa a Mose er: Hungwa, za kaa ior, ve̱ de aver ve̱ zaan hen TER er vea va kenger man ior kpishi vea gema vea tim ga.

Ekesodu 19:25

Tsô Mose hungwa va hen ior va kaa ve.

Yeremia 30:21

Ortaregh ve á lu or u ken a ve ayol a ve, man or u nan tem tor ken a ve kpaa nana due ken a ve, Me kporom a nan, nana mgbôghom a Mo; gadia ka an je nana cihi nana kporom her a Mo? Kape TER A kaa ne.

Numeri 16:48

Tsô til hen atô u mbakpenev a mbaumav yô, bouange la maa de.

Mbagalatia 3:19

Nahan atindi nga a inja sha nyi? Ka sha ci u mbamper mba i per tindi la man i seer a ye, zan zan vor u i tende zwa sha mi la ua kar van. I na a sha mkaa u mbatyomov mba Shaav sha ikev i orhimen.

Duteronomi 5:27

Yô, we gba kporom tsô, ungwa akaa a TER, Aôndo wase, Una ôr cii, nahan we ú gema ú ôr se kwagh u TER, Aôndo wase, Una ôr u cii, se, sé ungwa, sé er sha mi.

Mbaheberu 9:24

Gadia Kristu kera nyôr ken icighanjiir u i er sha ave a ior ga, u a lu eev mbu u mimi la kpaa ga, kpa lu Sha jim jim, sha u Una ande sha ishigh ki Aôndo sha ci wase,