Duteronomi 5:2 - ICIGHAN BIBILO

² TER, Aôndo wase, ya ikur a vese hen Horebi.

Duteronomi 5:2 Iomraidhean Croise

2 Utor 17:35

mba TER ya ikur a ve, man A wa ve kwagh er: De cie nen mbaaôndo mbagenev ga, man shi de gur civir nen ve ga, de eren nen ve tom ga, de ne nen ve nagh kpaa ga;

Ekesodu 19:1

Sha uwer u sha utar u mdugh u Mbaiserael ken tar u Igipiti sha iyange la je, ve nyôr ken desereti u Senai.

Ekesodu 24:8

Tsô Mose tôô awambe la, mishi sha ior, a kaa er: Ka awambe a ikuryan i TER A ye a ven sha akaaôron ne cii je ne.

Ekesodu 34:10

Tsô A kaa er: Nenge, yan Yam ikur ne, Me er akaakpilighyol sha ishigh ki ior ou, inja i mayange je i lu a er sha won je ga yô, shin hen hanma ikurior kpaa ga; ior mba u lu hen atô ve cii vea nenge a tom u TER; gadia kwagh u M lu eren a we ne, ka kwagh u cieryol je.

Yeremia 11:4

a M ôr uter enev sha iyange i M due a ve ken tar u Igipiti, shin adum u soughon iyôgh la, M kaa Mer: Ungwa nen imo Yam, er nen er M we ne kwagh nahan cii; ka nahan man né hingir ior Av ye, Mo kpaa Me lu Aôndo wen;

Yeremia 31:32

kpa ia kera lu sha inja i ikuryan i M ya a uter vev ayange a M kôr ve uwegh sha u duen a ve ken tar u Igipiti la ga—ikuryan Yam i ve vihi la, shin er M lu ter ve je nahan kpaa, kape TER A kaa ne.

Yeremia 34:13

TER, Aôndo u Iserael, ngu kaan nahan er: Mo M ya ikur a uter enev sha iyange i M due a ve ken tar u Igipiti, ken ya u ikpan la, M kaa Mer:

Malaki 4:4

Umbur nen atindiakaa a wanakiriki wam Mose, a M wa Un sha uwo u Horebi sha ci u Mbaiserael cii, ka akaawan man ajiraôron je la.

Duteronomi 1:6

TER, Aôndo wase, ôr kwagh a vese hen Horebi, A kaa er: Ne tsa hen uwo ne kuma ve;

Duteronomi 29:1

Angan ka akaaôron a ikuryan i TER kaa Mose er a̱ ya i a Mbaiserael ken tar u Moabi, seer sha ikuryan i A ya a ve hen Horebi la.

Duteronomi 4:13

Man A pase ne ikuryan Na, i A kaa er ne̱ er sha mi la, ka Atindiakaa a pue la; shi A nger a sha ikpande i awen ihiar.

Duteronomi 4:23

Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Duteronomi 5:1

Tsô Mose yila Mbaiserael cii, a kaa a ve er: Ne Mbaiserael ungwa nen akaawan man atindi a me ôr ne a sha ato a en nyian ne, sha er ne henen a, man ne waan iko u eren sha mi kpaa yô,