Duteronomi 5:10 - ICIGHAN BIBILO

¹⁰ kpa mba M doo ve ishima man ve we atindi a Am iko yô, M eren a udubu vev imôngo dedoo.

Duteronomi 5:10 Iomraidhean Croise

Upasalmi 103:17

Kpa erdoo u TER yô, ngu sha mba ve cie Un hii sha uicôronmbaashighev zan zan gbem sha won; perapera Na kpaa ngu zan zan sha ônov mba ônov je,

Ekesodu 20:5

De gur ve inya ga, shi de civir ve kpaa ga; gadia Mo TER, Aôndo wou, M ngu Aôndo u gban iwuhe; M tsahan mbayev sha ci u iferkwagh i uter zan zan ikov itiar man inyiin kpaa i mba ve kerem ihom;

Ekesodu 34:7

u eren a ior udubu imôngo dedoo, u deen ifer man tindi u peren man isholibo; kpa u tsahan yô, deen ga, tsahan ônov sha ci u ifer i uter kua ônov mba ônov kpaa, zan zan kov u sha utar man shi u sha unyiin kpaa.

Yeremia 32:18

We u U zungu ior udubu imôngo mhôônom man u oron iyev sha ifer i uter, U haa ônov vev mba ken ijime ve la, ikum; ka Aôndo u vesen, u hemban agee, TER u akum a Sha; ka iti Na je la;

Daniel 9:4

Tsô m sôn TER, Aôndo wam, m rumun ibo kpaa, m kaa mer: Tere, Aôndo u hemban, u cier iyol, u U we ikuryan man mhôônom ma zungwen iko a mba U doo ve ishima man mba ve eren sha atindiakaa a Ou kpaa yô;

Numeri 14:18

TER we ishima, ngu a erdoo wuee, deen ifer man tindi u peren, kpa u tsahan yô, den ga; tsahan ônov sha ifer i uter zan zan kov u sha utar man shi u sha unyiin kpaa.

YOHANE 14:15

Aluer Mea doo ne ishima yô, né kuran atindi Am.

YOHANE 15:14

Aluer ne eren kwagh u M we ne tindi sha mi yô, ne mba akar Am je.

Mbaromanu 8:28

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Duteronomi 4:40

Yô, ver ishima sha akaawan a Na, man atindi a Na a m we u nyian ne, sha er á kpe u iyol yô, we kua ônov ou mba ken ijime, sha er á seer we ayange a ou ken tar u TER, Aôndo wou, A lu nan we er u̱ lu u wou gbem sha won la.

Duteronomi 7:12

Nahan er ne ver ato sha akaaôron a jirigh ne man ne we iko u eren sha a kpaa yô, TER, Aôndo wou kpaa, Una waan iko sha ikuryan man erdoo a we er A bum a uter ou la;

Duteronomi 7:9

Yô, fa, TER, Aôndo wou, Un ka Aôndo; Aôndo u jighjigh, u A we iko sha ikuryan man erdoo a mba A doo ve ishima man ve we atindi Na iko, zan zan ikov dubu je yô,

Yakobu 1:25

Kpa or u nan kenger sha tindi u vough u a pasen se a toho la shi nan veren ishima yô, á saan nan iyol ken aeren a nan cii, gadia u ungwan kwagh yô, nan ngu or u kwagh hungul nan fefa ga, kpa nan ngu or u eren tom je.

Yosua 22:5

Yô, ver nen ishima, er nen sha kwaghwan man tindi u Mose wanakiriki u TER A we ne yô, er TER, Aôndo wen, A̱ doo ne ishima man né zenden sha igbenda Na cii, né waan atindi a Na iko, né var a Na man né eren Un tom a ishima yen cii kua uma wen cii kpaa.

1 Yohane 1:7

Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.