Duteronomi 4:9 - ICIGHAN BIBILO

⁹ Kura iyol you, ver ishima sha uma wou dedoo sha er akaawan a ashe ou a nenge a mi la, a̱ de hungul we ga, sha er sha ayange ou cii a̱ de karen we ken ishima kera ga yô, kpa tesen ônov ou a, kua shi ônov mba ônov ou kpaa;

Duteronomi 4:9 Iomraidhean Croise

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

Upasalmi 119:11

M kusu mkaanem Ou ken ishima yam, sha er me er U isholibo ga yô.

Upasalmi 71:18

Een, zan zan shighe u m bee iyol, m mende ivu kpaa, de undun mo ga, Aôndo, saa me kar pasen agee a Ou hen kov u ua va la, man tahav Ou kpaa hen hanma or u nana va lu la.

Ekesodu 10:2

man shi sha u, ú ôr sha ato a wan wou man wan u wan wou kpaa, akaa a M er Mbaigipiti, man uivande Av mba M er hen a ve, sha er ne̱ fa er Mo M lu TER yô.

Ekesodu 23:13

Akaa a M kaa ne ne cii, waan nen a iko, de teren nen ati a mbaaôndo mbagenev ga, i̱ de ongo a sha zwa wou ga.

Anzaakaa 1:8

Wan wam, ungwan ityesen i teru, tindi u ngôu kpaa, de te un kera ga;

Anzaakaa 23:26

Wan wam, nam ishima you, i̱ saan ashe ou iyol sha igbenda yam.

Anzaakaa 3:21

Wan wam, de kera deen ve, ve̱ karen hen ashe ou kera ga, waan kwaghfan u mimi iko man m-er u sha inja kpaa,

Anzaakaa 7:1

Wan wam, wa akaaôron am iko, atindi am kpaa, koso a her a we.

Yesaia 38:19

Or u uma, or u uma, ka nan je nana wuese We ye, er mo m eren nyian nahan; ter ka a tese ônov nav jighjigh Wou.

Yesaia 42:20

U nenge a akaa kpishi, kpa u ver ishima ga, ato ou lu ivegher je, kpa u ungwa ga.

Yeremia 17:21

TER ngu kaan nahan er: Ver nen ishima sha ci u uma wen, de tee nen ma ikav sha iyange i memen ga, man shi de nyer nen a mi sha ihinda i Yerusalem kpaa ga.

Luka 8:18

Nahan yô, ver nen ishima sha m-ongo u ne ongo ne, gadia hanma or u nan lu a kwagh yô, ka nan man á na nan ye; man shi hanma or u nan lu a kwagh ga yô, kwagh u nan henen er nan ngu a mi la je kpaa, á ngohol un kera.

Mbaefese 6:4

Ne uter kpaa, de eren nen a ônov enev er vea yuwe ga kpa yese nen ve sha mkôôm man kwaghwan u Ter.

Duteronomi 11:19

Man tesen ônov ou a, ôron kwagh u a, zum u wea tema hen ya wou, man zum u wea zenden sha gbenda, man zum u wea yav inya man zum u wea moughon sha kpaa.

Duteronomi 12:1

Akaawan man akaaôron a jirigh a né waan a iko, né eren sha mi ken tar u TER, Aôndo u uter ou, A ne u er u̱ ngohol u la, sha ayange a né lu uma sha won cii yô, ka a ne:

Duteronomi 16:3

De kera ye bredi u i we kwa sha mi a na imôngo ga; ayange ataankarahar la cii, yaan bredi u i we kwa sha mi ga yô, a na imôngo, ka bredi u ican je la; gadia iyange u due ken tar u Igipiti fele fe fele; sha er u̱ umbur iyange i u due ken tar u Igipiti la sha ayange a uma wou cii yô.

Duteronomi 17:19

nana̱ lu a mi, nana̱ ôron ker sha ayange a uma u nan cii; sha u nana̱ hen u cian TER, Aôndo u nan, man u wan akaaôron a tindi ne cii kua akaawan ne iko, nana̱ eren sha mi;

Duteronomi 29:29

Akaamyer ka a TER, Aôndo wase, kpa akaa a i pase yô, ka a ase kua a ônov asev gbem sha won cii, sha er ne er sha akaaôron a tindi ne cii yô.

Duteronomi 31:19

Yô, nger nen icam ne sha ci wen, tese nen ônov mba Iserael i, wa ve i ken zwa sha er icam ne i̱ hingir Mo shiada sha Mbaiserael yô.

Duteronomi 32:46

a kaa a ve er: Ver nen ishima sha akaaôron a m pase ne nyian ne cii; sha er ne wa ônov enev kwagh, ve̱ waan akaaôron a tindi ne cii iko, ve̱ eren sha mi yô.

Duteronomi 4:10

iyange i u tile sha ishigh ki TER, Aôndo wou, hen Horebi la, shighe u TER kaa a mo er: Kohol Mo ior cii, M̱ ôr ve akaaôron Am, ve ungwa, sha u ve̱ hen u cian Mo sha ayange a vea tsa sha won cii man sha u ve̱ tesen ônov vev a kpaa.

Duteronomi 4:15

Kura nen ayol a en dedoo je, gadia iyange i TER ôr kwagh a ven hen Horebi hen atô u usu la ne nenge a ma kwagh sha ashe ga;

Duteronomi 4:23

Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Duteronomi 6:12

shighe la kura iyol you sha er u̱ de hungul TER u A dugh a we ken tar u Igipiti ken ya u ikpan la ga yô.

Duteronomi 6:2

sha er u̱ cia TER, Aôndo wou, u̱ waan akaawan a Na iko cii, a m we u a, we man wan wou man wan u wan wou sha ayange a uma wou cii, sha er á seer we ayange yô.

Duteronomi 6:20

Zum u wan wou nana va pine u sha ayange a ken hemen la, er: Mbampase man akaawan ne man akaaôron a jirigh a TER, Aôndo wase, A ne ne, ne yô, inja ve ka nana?

Duteronomi 6:7

tesen ônov ou a sha gbashima je, ôron kwagh u a, zum u wea tema hen ya wou man zum u wea zenden sha gbenda man zum u wea yav inya man zum u wea moughon sha.

Duteronomi 8:11

Kura iyol you, TER, Aôndo wou, A̱ de hungul we er ú kera waan atindi Na man akaaôron a Na a jirigh kua akaawan a Na, a m we u kwagh sha mi nyian ne iko ga ze;

Duteronomi 8:14

Ú gba moron iyol je, TER, Aôndo wou, u A dugh a we ken tar u Igipiti ken ya u ikpan la Una hungul we,

Mbaheberu 2:1

Nahan yô, ka u sé hemba veren ishima sha akaa a se vanden ungwan la keng sha u se̱ de kuwan karen ihongo ga yô.

Mbaheberu 2:3

nahan se sé war nana aluer sé kera wa myom u vesen ne iko ga yôô? Ka Ter A hii u pasen un ye, mba ve ungwa un la kpaa, ve va taver un hen vese.

Yakobu 2:22

U nenge er jighjigh u nan a lu eren tom a aeren a na imôngo, nahan jighjigh u nan hingir vough sha aeren la.

Yosua 1:18

Hanma or u nan nyiman imo you, man nan ver ato sha akaaôron a ou, a u kaa nan cii la ga yô, i̱ wua nan; gba lun dông tsô, taver ishima.

Yosua 23:11

Nahan kura nen ayol a en dedoo, TER, Aôndo wen, A̱ doo ne ishima.

Yosua 4:21

A ôr kwagh a Mbaiserael, a kaa er: Sha ayange a ken hemen zum u ônov enev vea pine uter vev, er: Inja i awen ne yô, ka nyi?

Mpase U Yohane 3:3

Nahan yô, umbur akaa a u ngohol shi u ongo a la, kusu a, gema ishima. Aluer u lu per ga yô, Me va er ormbaiv nahan, ú fa shighe u Me va hen a we ga.

Mbaajiriv 3:7

Mbaiserael er kwaghbo sha ishigh ki TER; TER, Aôndo ve, hungul ve, ve gema ve civir Ubaal man Mbaashetaroti.

Mbaajiriv 8:34

Mbaiserael kera umbur TER, Aôndo ve, u A yem ve sha ikev i mbaihomov vev mba ve kase ve cii ga;