Duteronomi 4:7 - ICIGHAN BIBILO

⁷ Gadia ka hanma zegeikurior je, i lu a Aôndo ikua ikua a i, er TER, Aôndo wase, zum u ka sea yila Un nahana?

Duteronomi 4:7 Iomraidhean Croise

2 Samuel 7:23

Ka hanma ikurior igen sha won i lu er ior Ou Iserael nahana, i Aôndo A za yem i er i̱ hingir ior Nav jim, sha u iti Na i̱ za sha won, man sha u Una er uzegembaakaav sha ci ve kua akaa a cieryol sha ci u tar Wou, sha ishigh ki ior Ou, mba U yem ve sha ci Wou ken Igipiti sha ikev i atôatyev man mbaaôndo veve?

Upasalmi 145:18

TER ngu ikua ikua a mba ve yer Un cii, mba ve yer Un sha mimi la cii.

Upasalmi 147:20

Akuraior agen cii, A er a i mô nahan ga, a fa ajiraôron a Na kpaa ga. Haleluya.

Upasalmi 148:14

A kende a korough sha, sha ci u ior Nav, ka iwuese sha ci u mba i doo Un a ve la cii, ka ônov mba Iserael mba ve mgbôghom a na ikua je la. Haleluya.

Upasalmi 34:17

Ve yila; TER ungwa ve, A dugh ve ken atsan a ve cii.

Upasalmi 34:18

TER ngu ikua a mba asema a vihin ve la, yem mba ve lu a ishima i zamber yô.

Upasalmi 46:1

Aôndo ka ijiir yase i waren ker man agee ase kpaa, ka iwasen i i lu ikua ikua ken ican je.

Upasalmi 73:28

Kpa mo yô, doom u mgbôghom a Aôndo; m gema Ter AÔNDO hingir mo ijiir yam i yeren ker, sha er me ôr kwagh u aeren a Ou cii yô. Ka ityesen i Asav

Upasalmi 85:9

Mimi je, myom Na ngu ikua ikua a mbacian Un, sha er iengem ma i lu ken tar wase yô.

Yesaia 43:4

Er u lum kwagh yum, man kwagh u icivirigh, shi u doom ishima kpaa yô, sha ci u nahan yô, Me na ior sha ityough you, man akuraior sha ci u paan uma wou.

Yesaia 55:6

Ker nen TER er ian i zuan a Na i lu her yô, yila nen Un er A lu ikua ikua ne.

Numeri 23:21

I nenge a ifer ken Yakob ga, shi i nenge a injughul ken Iserael kpaa ga; TER, Aôndo na, ngu a na imôngo, awer a gbiren a ember tor nga her a ve.

Numeri 23:9

Gadia er m til sha ityough ki avande yô, m nenge a na; er m til sha agungu yô, m kav un; nenge, ka ikurior i teman tseke ve, mba nongo a akuraior agen ga.

Aerenakaa A Mbaapostoli 17:27

sha u ve̱ ker Aôndo shin alaghga vea pev Un vea zua a Na kpaa, shin er A lu ica a hanmô wase ga nahan kpaa.

Duteronomi 26:19

nahan Una kende u sha, ú hemba akuraior a A gbe a cii iwuese man gwa u zan man icivir, ú lu TER, Aôndo wou, icighanikurior er A kaa nahan.

Duteronomi 33:29

Saan we iyol Iserael, ka an nan lu er we nahan? ikurior i TER A yem i perutya u iwasen you, man sanker u mhembe wou; mbaihomov ou vea var u inya, we, ú ndyar sha ajiir a ve a taven.

Duteronomi 4:32

Yô, pine ase hegen, sha ayange a a kar la, a u lu a lu ga la, hii sha iyange i Aôndo gba or sha won la, man hii hen ikighir i Sha ne, zan zan za ar ikighir i ngila, i vande eren ma kwagh u vesen er ngun nahan mayange vee, shin i vande ungwan injakwagh ne nahan mayange kpa?

Duteronomi 5:26

Gadia uumace cii, ka an je nan vande ungwan imo i Aôndo u uma lu ôron kwagh ken atô u usu, er se nahan, man shi nan lu uma heree?

Yakobu 4:8

Kporom nen hen Aôndo, Un kpaa, Una kporom her a ven. Wanger nen ave a en, ne mbaasorabo, man shi kile nen asema a en, ne mba asema a lu ne ahar ne.