Biblia Todo Logo
Bìoball air-loidhne

- Sanasan -




Duteronomi 4:26 - ICIGHAN BIBILO

26 m yila Sha man tar ve̱ lu shiada sha a ven nyian, né per Yordan sha u za ngohol u la je ga; né tsa ayange kpishi ken u ga, tsô né tim purututu.

Faic an caibideil Dèan lethbhreac




Duteronomi 4:26
32 Iomraidhean Croise  

gadia timin yase ijiir ne, sha ci u mliam ma i vaa ve gba ikôr sha ishigh ki TER, nahan TER tindi se sha u se̱ va tim i.


Me dugh Iserael ken tar u M ne ve ne kera, man iyou i M tsegh sha ci u iti Yam ne, Me kar a i sha ishigh Yagh kera; Iserael una hingir kwagh u wan ishenge a min ken akuraior cii;


Ungwa nen, ne Usha; ver ato we tar kpaa, gadia TER ôr kwagh er: M koso ônov, m yese ve, kpa ve je, ve gema ve hingir iyongo a Mo.


Tsô m kaa mer: Zan zan hanma iyange je, Tere? A gema A kaa er: Zan zan agar aa kar hingir atse ve, or á kera lu ker ga, ayou kpaa or á lu ker ga man tar ua hingir toho dang ve;


nahan yô, Me gbihi ne ken tar ne kera, né yem ken tar u ne kua uter enev kpaa ne fe u ga yô; ka keela né eren mbaaôndo mbagenev tom tugh man tetan ye; gadia Me zungwe ne mhôônom côhin tsô kpaa ga.


Ne Usha, i̱ cier ne iyol sha kwagh ne, cia nen tsung, i̱ kondo ne iyol, kape TER A kaa ne.


We tar, tara, tara, ungwa ase imo i TER.


nenge, atihianyaagh a tav je, za ar sha gar sha u ngohol un; i gema gar i na sha ikev i mbakaldi mba ve nenge ityav a na ne, sha sanker man ijen kua bouange; kwagh u U er kpaa a kure sha mi vough; man nenge, U ngu nengen a mi kpaa.


Zan zan TER kera fatyô u wan ishima ga, sha ci u iferkwagh i aeren a en, man sha ci u akaa a ndôhôrshima a ne er la; ka sha ci u nahan tar wen hingir ice, man kwagh u cieryol man kwagh u ityuhwanev, or kera tema ker ga ye, er i lu nyian nahan.


Ungwa, we tar, nenge, M ngu van a kwaghbo sha ior mban, ka atam a mbamhen vev je la; gadia ve ver ato sha akaaôron a Am ga, tindi wam kpaa, ve venda un.


Me gema tar ne ua hingir ice man kwagh u kpilighyol, man imanger i agee a u la ia kar kera; iwo i Iserael kpaa ia hingir ice, ma or nana kar sha i ga.


nahan ne iwo i Iserael, ungwa nen kwaghôron u Ter AÔNDO. Ter AÔNDO ngu kaan a iwo man a agungu man iwagh man apev, man atihi a alôgh, man agar a i undu a, a a hingir ishar man kwagh u aheenegh hen akuraior a a shi her a kase ve la,


sha er tar u̱ de soo ne kera, zum u ne hôngor a u, er lu u suwa akuraior a a vande a ven la nahan ga.


Ungwa nen, ne ior cii; ver ato, we tar man akaa a a lu ken u cii; Ter AÔNDO A̱ lu shiada u hendan a ven, Ter ken icighantempel Na je.


Ungwa nen ijir i TER A yer yô, ne iwo, man ne amagh a taregh a tsan sha won, gadia TER ngu yilan ior Nav ijir, Una ôr Iserael ijir.


Vea kpe ku u ishôm; á yem a ve uikangen hen atôatyev cii; Yerusalem kpaa atôatyev á ndyar un shin angahar zan zan shighe u atôatyev á kar kuman.


gayô, ishima á vihi TER a ven tsung, Una cir Sha, ura ua kera nôô ga, inya kpaa ia kera doo iyiagh ga, nahan né tim fese sha tar u dedoo u TER A lu nan ne ne.


TER Una tindi u a ifan man anzughul man myange sha akaa a u kôr ave sha mi cii, zan zan ú tim ú saa ishe fese, sha ci u ifer i aeren a ou er u gbihim kera yô,


TER Una tsaha u sha houghbar man angev mbu tseeyol man kwambe man iyol i hian man icegh ki zan man mhie u uyia man yien, vea zer a we zan zan ú tim.


Ifan ne cii ia va sha a we, ia zaan a we ityô, ia kôr u zan zan ú tim; sha ci u, u kera ver ato sha imo i TER, Aôndo wou, u we atindi a Na kua akaawan a Na a A we u la iko ga yô;


Man hanma angev kpaa, man hanma ican i i nger i ken ruamabera u tindi ne ga kpaa, TER Una va u a mi zan zan ú tim.


TER wuhe ve ken tar ve kera sha iyugh man ishima i vihin man ishima i nyoon i tsung, A gbihi ve ken tar ugen er i lu nyian nahan.


Kohol nen mbatamen mba sha ikwe yen cii man mbahemenev enev her a mo, ôr akaa ne sha ato ve je; m yila Sha man tar ve̱ lu shiada sha ve.


Ver nen ato ne Usha, me ôr kwagh; tar u̱ ungwa akaaôron a zwa wam.


Gadia vea gema ônov ou vea de u dondon Mo, vea gema á civir mbaaôndo mbagenev; nahan ishima á vihi TER a ven, Una tim u fese je.


Tsô aluer TER, Aôndo wou, á hungul we, wea gema wea dondo mbaaôndo mbagenev, wea eren ve tom, wea guren, wea civir ve yô, m pase ne nyian ne, né tim kpee.


Er akuraior a TER A lu timin a sha ishigh yenegh la nahan, kape nea tim la, sha ci u ne vende u ungwan imo i TER, Aôndo wen, yô.


Aluer nea vihi ikuryan i TER, Aôndo wen, A ye a ven la, né yem né za civir mbaaôndo mbagenev, né gure ve inya yô, ishima ia vihi TER a ven, né tim ken tar u dedoo u A ne u ne, fese je.


Aluer ne undu TER né civir mbaaôndo mbagenev yô, Una gema Una er ne kwagh u bo, Una tim ne, shin er A vande veren ne doo doo nahan kpaa.


Lean sinn:

Sanasan


Sanasan