Duteronomi 4:23 - ICIGHAN BIBILO

²³ Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Duteronomi 4:23 Iomraidhean Croise

2 Utor 17:38

ikuryan i M ya a ven kpaa, i̱ de hungul ne ga; man shi de cie nen mbaaôndo mbagenev ga,

1 Kroniku 16:15

Umbur nen ikuryan Na gbem; ka mkaanem ma A kaa sha ci u ikov dubu je la;

Ekesodu 23:13

Akaa a M kaa ne ne cii, waan nen a iko, de teren nen ati a mbaaôndo mbagenev ga, i̱ de ongo a sha zwa wou ga.

Yesaia 24:5

Tar iyol i u je kpaa u hôngor sha ci u mba ve tem sha u la; gadia ve per atindi, ve wa aeren a sha ba iko ga, ve vihi ikuryan i tsôron.

Yeremia 31:22

Shi nan je man ú de u tan akpelan, we wankwase u u undu mimi wou ne? Gadia TER gba kwagh ugen u he shin tar: kwase nana kura nomsoor!

Esekiel 16:59

Gadia Ter AÔNDO ngu kaan nahan er: Me er a we sha ieren you la, we u u lahan mbum u vihi ikuryan ne.

Esekiel 8:10

Nahan m nyôr, m nenge; nenge, hanma kwagh u kpelan iyav inya, man ishôso i ndôhôrshima, man ieev i ya u Iserael cii, i kpela foto ve sha kpekpe, ningir tser.

Malaki 4:4

Umbur nen atindiakaa a wanakiriki wam Mose, a M wa Un sha uwo u Horebi sha ci u Mbaiserael cii, ka akaawan man ajiraôron je la.

Numeri 15:39

a̱ lu ne anzôr a né kenger sha mi man né umbur atindi a TER cii, né waan a iko kpaa yô; sha er de zenden nen sha ishima yen man sha ashe a en ga, ka kwagh u a ne ne idya i eren je la;

Mateu 24:4

Yesu gema kaa a ve er: Ver nen ishima, ma or nana̱ de tsughun ne ga.

Luka 12:15

Tsô A kaa a ve er: Ver nen ishima, kura nen ayol a en sha hanma hua; gadia ka sha u ngeen a akaa kpishi la man or nana lu a uma ga.

Luka 21:8

A kaa er: Ver nen ishima, i̱ de tsughun ne ga; gadia ior kpishi vea va ken iti Yam, vea kaan er: Ka mo Un je ne; man shi: Shighe mgbôghom; de ze nen a ve ityô ga.

Duteronomi 16:22

Man shi de timin ma ityôgh ki iwenegh ga, kwagh u a vihi TER, Aôndo wou, la.

Duteronomi 27:15

Ifan i̱ kôr or u nan er eev mbu gban shin mbu keren a ker yô, ka TER kwagh u ihôngorough je, ka tomaveegh u or u fan kwaghgban, u nan ver mbu myer yô. Nahan ior cii ve̱ rumun er: Amen.

Duteronomi 27:9

Tsô Mose kua upristi mba Mbalevi, ve ôr kwagh a Iserael cii, ve kaa er: Huan ving, Iserael, ver ato. Nyian u hingir ikurior i TER, Aôndo wou, ve.

Duteronomi 29:25

Nahan ior vea kaa er: Ka sha ci u ve undu ikuryan i TER, Aôndo u uter vev yô, i A ya a ve, zum u A due a ve ken tar u Igipiti la;

Duteronomi 31:20

Gadia zum u Me va a ve ken tar u M bum a uter vev, tar u dumbur a atumbabua man iyough la, vea yaan, vea iden, vea kehen, nahan vea gema vea za hen mbaaôndo mbagenev vea civir ve, vea laham, vea vihi ikuryan Yam.

Duteronomi 4:25

Zum u ú mar ônov kua ônov mba ônov ou man nea tsa ken tar la kpishi man nea va gema eren dang sha u gban eev mbu been ma kwagh, nea er kwagh u ifer sha ashe a TER, Aôndo wou, sha u bamen Un yô,

Duteronomi 4:9

Kura iyol you, ver ishima sha uma wou dedoo sha er akaawan a ashe ou a nenge a mi la, a̱ de hungul we ga, sha er sha ayange ou cii a̱ de karen we ken ishima kera ga yô, kpa tesen ônov ou a, kua shi ônov mba ônov ou kpaa;

Duteronomi 5:2

TER, Aôndo wase, ya ikur a vese hen Horebi.

Duteronomi 6:12

shighe la kura iyol you sha er u̱ de hungul TER u A dugh a we ken tar u Igipiti ken ya u ikpan la ga yô.

Mbaheberu 3:12

Ver nen ishima, anmgbianev, sha u boshima u nan jighjigh ga a̱ de luun ken hanmô wen sha u né undu Aôndo u uma ga.

Yosua 23:11

Nahan kura nen ayol a en dedoo, TER, Aôndo wen, A̱ doo ne ishima.

Yosua 23:16

Aluer nea vihi ikuryan i TER, Aôndo wen, A ye a ven la, né yem né za civir mbaaôndo mbagenev, né gure ve inya yô, ishima ia vihi TER a ven, né tim ken tar u dedoo u A ne u ne, fese je.