Duteronomi 4:16 - ICIGHAN BIBILO

¹⁶ sha er né de kera eren dang de dang sha u gban eev mbu been a bee ma kwagh ga, er mlu u nomsoor shin kwase nahan,

Duteronomi 4:16 Iomraidhean Croise

Ekesodu 32:7

Tsô TER ôr kwagh a Mose, kaa er: Mough, hungwa, gadia ior ou mba u dugh a ve ken tar u Igipiti la, ve hôngor ayol a ve ve,

Yesaia 40:18

Tsô né kar Aôndo sha ana? Man ka hanma mluyol a kom u karen sha a Naa?

Yesaia 44:13

Orgbankwagh ka nan ta kor u karen kwagh a mi nan kpela mbu hwange sha pensel, nan sôr mbu sha mbaityôv, nan nger mbu sha iyôgh ki karen kwagh, nan er mbu sha inja i mlu u or, sha inja i mluashe u or, sha er mbu̱ lu ken iyou yô.

Esekiel 8:10

Nahan m nyôr, m nenge; nenge, hanma kwagh u kpelan iyav inya, man ishôso i ndôhôrshima, man ieev i ya u Iserael cii, i kpela foto ve sha kpekpe, ningir tser.

Levitiku 19:4

De gem nen hen mbaaôndo mba gbiliniv ga, shi de eren nen mbaaôndo mba i ker a ker ga; ka Mo TER M lu Aôndo wen ye.

Levitiku 26:1

De eren nen mbaaôndo mba gbiliniv ga, shi de gbe nen eev timin nen mbu sha ga, shin ityôgh ki iwenegh kpaa ga, shi de timin nen ma iwen i i lu a eev sha mi ken tar wen ner, né guren né civir i ga; gadia ka Mo TER M lu Aôndo wen ye.,

YOHANE 4:24

Aôndo ka jijingi je; mba ve civir Un yô, ka u ve̱ civir ken jijingi kua ken mimi kpaa keng.

Aerenakaa A Mbaapostoli 17:29

Man er se lu tsombor u Aôndo je yô, doo u sé hen ser, Aôndo ngu er zenaria shin azurfa shin ma iwen i i koo i a kua sha kwaghfan man sha mhen u or nahan ga.

Duteronomi 16:22

Man shi de timin ma ityôgh ki iwenegh ga, kwagh u a vihi TER, Aôndo wou, la.

Duteronomi 27:15

Ifan i̱ kôr or u nan er eev mbu gban shin mbu keren a ker yô, ka TER kwagh u ihôngorough je, ka tomaveegh u or u fan kwaghgban, u nan ver mbu myer yô. Nahan ior cii ve̱ rumun er: Amen.

Duteronomi 31:29

Gadia m fa ken ijime i ku wam, né er dang, né undu gbenda u m kaa ne ne; kwaghbo una tser ne sha ayange a masetyô, sha ci u nea er kwaghbo sha ishigh ki TER, sha u bamen Un sha tom u ave a en.

Duteronomi 4:23

Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Duteronomi 4:25

Zum u ú mar ônov kua ônov mba ônov ou man nea tsa ken tar la kpishi man nea va gema eren dang sha u gban eev mbu been ma kwagh, nea er kwagh u ifer sha ashe a TER, Aôndo wou, sha u bamen Un yô,

Duteronomi 5:8

De gbe eev ga, shin ma kwagh u a bee kwagh u a lu sha kwavaôndo shin u a lu shin inya, shin u a lu shin mngerem ma shin mkur u inyaagh kpaa ga;

Duteronomi 5:9

de gur ve inya ga, man shi de civir ve kpaa ga, gadia Mo, TER, Aôndo wou, M ngu Aôndo u gban iwuhe, M tsahan mbayev sha ci u iferkwagh i uter zan zan kov u sha utar man shi u sha unyiin kpaa, u mba ve kerem ihom;

Duteronomi 9:12

TER kaa a mo er: Mough heen, hungwa fese, gadia ior ou mba u dugh a ve ken Igipiti la, ve er kwagh u dang ve; ve undu gbenda u M kaa ve la fese je, ve gema ve ker eev.

1 Timoteu 1:17

Icivir man iengem i̱ lu i Tor u tsôron u A lu u kpen ga, u i nengen a Na kpaa ga, u A lu Aôndo, Un tswen, gbem sha won. Amen.