Duteronomi 4:13 - ICIGHAN BIBILO

¹³ Man A pase ne ikuryan Na, i A kaa er ne̱ er sha mi la, ka Atindiakaa a pue la; shi A nger a sha ikpande i awen ihiar.

Duteronomi 4:13 Iomraidhean Croise

1 Utor 8:9

Ma kwagh ugen lu ken areki ga, saa ikpande i awen ihiar i Mose wa kimi hen Horebi, zum u TER ya ikur a Mbaiserael shighe u ve due ken tar u Igipiti la.

Upasalmi 119:4

We, U na uiniezwa Ou, sha er á waan ve iko a ishima i môm yô.

Ekesodu 19:5

Hegen yô, aluer né veren ato sha kwaghôron Wam mimi je, shi né waan ikuryan Yam iko kpaa yô, nahan akuraior a sha won cii, ka ne né hingir kwagh Wam iyol Yam je ye; gadia tar cii, ka u Wam je.

Ekesodu 24:12

Tsô TER kaa a Mose er: Unde va her a Mo sha uwo, lu sha mi; yô, Me na u ikpande i awen man atindiakaa kua akaawan a M nger sha u tesen ve a yô.

Ekesodu 31:18

Tsô zum u A kure kwaghôron a Mose sha uwo u Senai yô, A na un ikpande i Shiada ihiar la, ka ikpande i awen i i nger i sha ihôwe u Aôndo yô.

Ekesodu 34:1

Tsô TER kaa a Mose er: Er ikpande i awen ihiar, i̱ lu er i tsuaa la nahan; ikpande la, Me nger akaaôron sha mi a a lu sha ikpande i tsuaa i u hembe i la.

Ekesodu 34:28

A lu her, a TER imôngo ayange akunduahar man aime akunduahar; a ya kwagh ga, mngerem tsô kpaa, a ma ga. Nahan a nger akaaôron a ikuryan la sha ikpande, ka Akaaôron a pue je la.

Mbaromanu 9:4

Ve yô, ka Mbaiserael, ka ve ve lu a mlu u uôn man iengem man uikurmbayan man atindi a i na la, man tom u civir Aôndo man uityendezwa kpaa ye.

2 Mbakorinte 3:7

Aluer tom u u lu zan ken ku, u i nger asangeakaa sha iwen la, u hingir u engem je, ônov mba Iserael kera fatyô u kenger ishigh ki Mose ga sha ci u iengem i ishigh nagh i i lu i karen kera la yô,

Duteronomi 4:12

TER ôr kwagh a ven, imo Na due ken atô u usu; ne ungwa imo i akaaôron, kpa ne nenge a ma kwagh sha ashe ga, saa imo la tseegh.

Duteronomi 4:14

Hen shighe la, TER kaa a mo er, m̱ tese ne akaawan man atindi sha er né er sha a ken tar u ne lu zan sha u za ngohol u la.

Duteronomi 5:22

Akaaôron ne TER ôr mkohol u ior enev cii genger genger sha uwo, ken atô u usu man u ibeenegh man u angôghime, A seer ma kwagh gen sha mi ga. Shi A nger a sha ikpande i awen ihiar, A nam i.

Mbaheberu 9:4

lu a atse a zenaria a nanden kwaghhumandoon sha mi man shi areki u ikuryan, i cir un zenaria iyol cii. Ityegh ki sha zenaria ki ki lu a mana shimi lu ker, kua gbough ku Aron ku ku kpar la man shi ikpande i awen i ikuryan kpaa.