Duteronomi 4:10 - ICIGHAN BIBILO

¹⁰ iyange i u tile sha ishigh ki TER, Aôndo wou, hen Horebi la, shighe u TER kaa a mo er: Kohol Mo ior cii, M̱ ôr ve akaaôron Am, ve ungwa, sha u ve̱ hen u cian Mo sha ayange a vea tsa sha won cii man sha u ve̱ tesen ônov vev a kpaa.

Duteronomi 4:10 Iomraidhean Croise

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

Upasalmi 145:4

Kov ugen ua wuese ityom You a kov ugen, ua pase aeren a Ou a ageegh.

Ekesodu 19:1

Sha uwer u sha utar u mdugh u Mbaiserael ken tar u Igipiti sha iyange la je, ve nyôr ken desereti u Senai.

Ekesodu 19:11

man shi ve̱ kohol iyol er ayange atar a lu a kuma ga la, gadia sha iyange i sha utar la, TER Una sen sha uwo u Senai sha ashe a ior cii.

Ekesodu 19:16

Tsô sha iyange i atar la, sev mbu av yô, idyuran man inyiar kua ibeenegh ki iligh kpaa lu sha uwo la, man imo i ikpamkor lu kaan taver taver; ior mba hen afo cii gbidye akarkase iyol.

Ekesodu 19:9

Nahan TER kaa a Mose er: Nenge, M ngu van hen a we ken ibeenegh ki iligh sha shighe u Me ôron kwagh a we yô, ior ve̱ ungwa, ve̱ gema, ve̱ naan we jighjigh gbem. Mose ôr TER akaaôron a ior la.

Ekesodu 20:18

Ior cii lu nengen a idyuran man inyiar man imo i ikpamkor kua uwo u u lu duen mnyim la; er ior nenge a mi nahan yô, ve gbidye akarkase iyol, ve tile ca je.

Ekesodu 20:20

Tsô Mose kaa a ior er: De cie nen ga, gadia Aôndo va sha u va karen ne a kar tsô, mciem ma cian Un ma lu ne sha ishi, sha er né er isholibo ga yô.

Orpasenkwagh 12:13

Ngun ka mkur u kwagh, u i vande ungwan la cii: Cia Aôndo, waan atindi Na iko; gadia ngun ka kwagh u ior cii ma ve er je ne.

Yesaia 38:19

Or u uma, or u uma, ka nan je nana wuese We ye, er mo m eren nyian nahan; ter ka a tese ônov nav jighjigh Wou.

Luka 1:50

Mhôônom Nam ma zungwen kpaa ma sha mba ve cie Un la, sha ikov ikov zan zan.

Duteronomi 11:19

Man tesen ônov ou a, ôron kwagh u a, zum u wea tema hen ya wou, man zum u wea zenden sha gbenda, man zum u wea yav inya man zum u wea moughon sha kpaa.

Duteronomi 12:1

Akaawan man akaaôron a jirigh a né waan a iko, né eren sha mi ken tar u TER, Aôndo u uter ou, A ne u er u̱ ngohol u la, sha ayange a né lu uma sha won cii yô, ka a ne:

Duteronomi 14:23

Ijiir i TER, Aôndo wou, Una tsuwa sha u veren iti Na i̱ luun ker yô, ka hen i, ú yaan môm-ken-upue u iyiav you sha ishigh ki TER, Aôndo wou ye, kua u wain wou man u mkurem ou man ônovmbaiundav mba ibua you man iyôngo you kpaa, sha er ú hen u cian TER, Aôndo wou, gbem yô.

Duteronomi 17:19

nana̱ lu a mi, nana̱ ôron ker sha ayange a uma u nan cii; sha u nana̱ hen u cian TER, Aôndo u nan, man u wan akaaôron a tindi ne cii kua akaawan ne iko, nana̱ eren sha mi;

Duteronomi 4:9

Kura iyol you, ver ishima sha uma wou dedoo sha er akaawan a ashe ou a nenge a mi la, a̱ de hungul we ga, sha er sha ayange ou cii a̱ de karen we ken ishima kera ga yô, kpa tesen ônov ou a, kua shi ônov mba ônov ou kpaa;

Duteronomi 5:2

TER, Aôndo wase, ya ikur a vese hen Horebi.

Duteronomi 5:29

Ma ve lu ase a imbashima i cian Mo waan atindi Am cii iko gbem la, sha er á kpe ve iyol a ônov vev cii gbem sha won yô.

Duteronomi 6:2

sha er u̱ cia TER, Aôndo wou, u̱ waan akaawan a Na iko cii, a m we u a, we man wan wou man wan u wan wou sha ayange a uma wou cii, sha er á seer we ayange yô.

Duteronomi 6:7

tesen ônov ou a sha gbashima je, ôron kwagh u a, zum u wea tema hen ya wou man zum u wea zenden sha gbenda man zum u wea yav inya man zum u wea moughon sha.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Mpase U Yohane 19:5

Imo kpaa due ken ikônough ki torough kila kaa er: Wuese nen Aôndo wase, ne mbatomov Nav cii, ne mba ne cie Un ne, mbakiriki kua mbavesen cii.

1 Samuel 12:24

Ka TER cian nen Un ye, civir nen Un sha mimi a ishima yen cii; gadia nenge nen uzegembaakaav mba A er sha ci wen yô.