Duteronomi 4:1 - ICIGHAN BIBILO

¹ Hegen yô, we Iserael, ungwa akaawan man atindi a m lu tesen ne mer, eren nen sha mi, sha er né lu uma né nyôr né ngohol tar u TER, Aôndo u uter enev, A lu nan ne la yô.

Duteronomi 4:1 Iomraidhean Croise

Upasalmi 105:45

sha er ve̱ wa iko sha akaawan a Na, man ve̱ ver ishima sha atindi a Na kpaa. Haleluya.

Upasalmi 119:4

We, U na uiniezwa Ou, sha er á waan ve iko a ishima i môm yô.

Ekesodu 18:20

Man ú tesen ve akaawan man atindi, shi ú pasen ve gbenda u vea zaan sha mi, kua tom u vea eren kpaa.

Yeremia 11:6

TER shi kaa a mo er: Yôô akaaôron ne ken agar a Yuda cii, man sha igbenda i Yerusalem, kaa wer: Ungwa nen akaaôron a ikuryan ne, er nen sha a kpaa.

Esekiel 11:20

sha u vea zende sha akaawan a Am man vea waan akaaôron a jirigh a Am iko, vea er sha a yô; vea hingir ior Av, Mo kpaa Me lu Aôndo ve.

Esekiel 20:11

M na ve akaawan a Am man M tese ve akaaôron a Am a jirigh, a or nana er sha mi man nana lu uma yô.

Esekiel 20:21

Nahan kpaa ônov mbala hendan a Mo, ve zende sha akaawan a Am ga, man ve wa akaaôron a Am a jirigh iko sha u vea er sha mi kpaa ga, a or nana er sha mi, man nana lu uma yô; ve hôngor a ayange a memen a Am; nahan M kaa Mer, Me haa iyugh Yam sha a ve, sha u kuren ishimavihin Yam jimin cii sha a ve ken desereti.

Esekiel 36:27

Me ver Jijingi Wam ker a ven, M na er né zenden ken akaawan a Am man né waan akaaôron Am a jirigh iko, né eren sha a vough kpaa.

Esekiel 37:24

Wanakiriki Wan Davidi una tema tor sha a ve; ve cii vea lu a orkuran môm; vea zenden ken akaaôron a Am a jirigh, vea waan akaawan a Am iko man vea eren sha mi kpaa.

Levitiku 18:5

Yô, waan nen akaawan a Am man akaaôron a Am a jirigh iko, a or á er sha mi yô, nana lu uma sha a; ka Mo TER.

Levitiku 19:19

Waan nen akaawan a Am iko, de deen uzendenya ou anza ahar, ve̱ unden nungwa nungwa ga; de te ivor anza ahar ken sule wou ga; man de hee riga u i kor un sha akondo atô ahar iyol ga.

Levitiku 19:37

Akaawan Am cii kua akaaôron Am a jirigh cii, waan nen a iko eren nen sha mi; ka Mo TER.

Levitiku 20:8

Waan nen akaawan a Am iko, eren nen sha a; ka Mo TER M tsegh ne ye.

Levitiku 22:31

Waan nen atindi a Am iko, eren nen sha mi; ka Mo TER.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

YOHANE 15:14

Aluer ne eren kwagh u M we ne tindi sha mi yô, ne mba akar Am je.

Mbaromanu 10:5

Mose nger er: Or u nan eren perapera u sha atindi la yô, nana lu uma sha mi.

Duteronomi 1:3

Tsô sha inyom i akunduahar la, uwer u sha pue kar môm sha iyange i hiihii i uwer la, Mose ôr Mbaiserael akaa a TER A kaa Un er a̱ ôr ve a la cii;

Duteronomi 1:8

Nenge, M gema tar la m na ne; yô, nyôr nen, ngohol nen tar la, u TER lu bum a uter enev, Aberaham man Isaka man Yakob, er Una na ve u, kua vor ve u ken ijime ve la.

Duteronomi 11:1

Nahan yô, TER, Aôndo wou, A̱ doo u ishima, waan kwagh u A we u la iko gbem kua akaawan a Na man akaaôron a jirigh a Na man atindi a Na kpaa.

Duteronomi 11:32

Ver nen ishima waan nen akaawan man akaaôron a jirigh a m ver ne sha ishi nyian ne cii iko.

Duteronomi 13:1

Aluer ma profeti una mough her a we, shin or u mnyam ma cien nan, una tese u ma ivande shin kwagh u kpilighyol,

Duteronomi 16:20

Ka mimi tseegh ú keren ye, sha er ú lu uma, ú ya dyako u tar u TER, Aôndo wou, Una na u yô.

Duteronomi 30:16

er m lu kaan a we nyian mer: TER, Aôndo wou, A̱ doo u ishima, zenden sha igbenda Na, waan atindi a Na man akaaôron a Na a jirigh iko sha er u̱ lu uma, u̱ seer iyenge; man shi sha er TER, Aôndo wou, Una ver u doo doo ken tar u ú lu nyôron sha u za ngohol u la yô.

Duteronomi 30:19

M yila Sha man tar, ve̱ lu shiada sha a ven nyian, er m ver uma man ku sha ishigh you, man shi iveren man ifan; yô, tsuwa uma sha er ú lu uma, we a tsombor wou;

Duteronomi 30:20

er TER, Aôndo wou, A̱ doo u ishima, u̱ ungwan imo Na, u̱ var a Na, gadia ka uma wou man ayange ou a ngeen je la, sha er u̱ tema ken tar u TER bum a uter ou, Aberaham man Isaka man Yakob, er Una na ve u la.

Duteronomi 4:40

Yô, ver ishima sha akaawan a Na, man atindi a Na a m we u nyian ne, sha er á kpe u iyol yô, we kua ônov ou mba ken ijime, sha er á seer we ayange a ou ken tar u TER, Aôndo wou, A lu nan we er u̱ lu u wou gbem sha won la.

Duteronomi 4:45

Ka mbampase man akaawan man atindi a Mose ôr Mbaiserael zum u ve due ken tar u Igipiti la,

Duteronomi 4:8

Man ka hanma zegeikurior je i lu a akaawan man atindi a perapera er atindi ne nahan cii, a m lu veren ne sha ishi nyian nee?

Duteronomi 5:1

Tsô Mose yila Mbaiserael cii, a kaa a ve er: Ne Mbaiserael ungwa nen akaawan man atindi a me ôr ne a sha ato a en nyian ne, sha er ne henen a, man ne waan iko u eren sha mi kpaa yô,

Duteronomi 5:33

Zende nen sha igbenda i TER, Aôndo wen, A kaa ne la cii, sha er né lu uma, á kpe ne iyol, man á seer ne ayange ken tar u né za ngohol u la yô.

Duteronomi 6:1

Ka tindi man akaawan kua akaaôron a jirigh a TER, Aôndo wen, A kaa, er i̱ tese ne a, sha er né za eren sha a ken tar u né per, né za ngohol u la yô;

Duteronomi 6:24

TER kaa se er, se̱ er sha akaawan ne cii, se̱ cian TER, Aôndo wase, sha er á kpe se iyol gbem, man sha er Una kura se se̱ lu uma her, er i lu nyian nahan.

Duteronomi 7:11

Yô, waan iko sha tindi man akaawan man akaaôron a jirigh a M kaan we nyian mer, eren sha mi ne.

Duteronomi 8:1

Hanma tindi u m we u nyian yô, waan nen iko eren nen sha mi, sha er né lu uma, né seer iyenge, né nyôr, né ngohol tar u TER lu bum a uter enev er Una na u yô.

Duteronomi 8:11

Kura iyol you, TER, Aôndo wou, A̱ de hungul we er ú kera waan atindi Na man akaaôron a Na a jirigh kua akaawan a Na, a m we u kwagh sha mi nyian ne iko ga ze;

Duteronomi 9:1

Ver ato Iserael, nyian u ngu peren Yordan sha u u̱ nyôr u̱ za ngohol akuraior a a hembe u iyenge man agee kpaa, agar a vesen a vesen a i maa a ugir tav za tagher sha aôndo je,

Yosua 3:9

Tsô Yosua kaa a Mbaiserael er: Va, va ungwa nen akaaôron a TER, Aôndo wen.