Duteronomi 32:7 - ICIGHAN BIBILO

⁷ Umbur ayange a ngise, ver ishima sha anyom a sha ikov ikov la; pine teru, a̱ kaa u, mbatamen ou kpaa, ve̱ ôr u.

Duteronomi 32:7 Iomraidhean Croise

Upasalmi 10:6

Ken ishima na yô, ngu a kaan er: Me tenger ga, zan zan sha ikov ikov kpaa, ican ia tserem mayange ga.

Upasalmi 119:52

M umbur akaaôron a Ou a jirigh a ngise la, TERE, nahan ishima pever mo.

Upasalmi 44:1

Se ungwa sha ato ase je, Aôndo, uter asev ôr se, tom u U er sha ayange a ve, sha ayange a ngise la.

Upasalmi 44:2

U zenda akuraior sha uwegh Ough je; ve yô, U gema U môôr ve; U er ior mbala ican; ve yô, U gema u ngee ve.

Upasalmi 77:8

Erdoo Na bee kera purututu jee? Ityendezwa Na kpaa bunde kera gbem sha wono?

Upasalmi 78:5

Gadia A ver shiada ken Yakob, A wa tindi ken Yakob, u A ne uter asev, sha er ve̱ tese ônov vev, ve̱ fa yô;

Ekesodu 12:26

Man aluer ônov enev vea pine ne er: Kwagh u ne eren ne yô, inja na nana?

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Yesaia 46:9

Umbur nen aerenakaa a tsuaa la; gadia Mo M ngu Aôndo, mô ugen ngu ga; Mo Aôndo je, mô ugen ngu er Mo nahan ga,

Yesaia 63:11

Kpa A umbur ayange a tsuaa la, man Mose kua ior Nav kpaa. Wen u A dugh orkuran u ikumuile Na shin zegemnger la, ngu hana? Wen u A ver Icighan Jijingi Na hen atô ve la, ngu hana?

Duteronomi 4:32

Yô, pine ase hegen, sha ayange a a kar la, a u lu a lu ga la, hii sha iyange i Aôndo gba or sha won la, man hii hen ikighir i Sha ne, zan zan za ar ikighir i ngila, i vande eren ma kwagh u vesen er ngun nahan mayange vee, shin i vande ungwan injakwagh ne nahan mayange kpa?

Duteronomi 8:2

Man shi umbur gbenda la cii, u TER, Aôndo wou, hemen we anyom akunduahar ken desereti sha u hiren a iyol you ijime, man u karen we, sha u fan kwagh u a lu u ken ishima, shin ú waan atindi Na ikoou, shin ú waan a iko gaou.

Mbaajiriv 6:13

Tsô Gidion gema kaa a na er: Ku! Terem, aluer TER Una lu a vese yô, er nan man akaa ne cii a tser se nahana? Man aeren a Na a kpilighyol cii nga hana, a uter asev lu ôr se la, er: Ka TER iyange due a vese ken Igipiti ye ga? Kpa ahegen yô, TER gbihi se, A gema se, A na sha ikev i Mbamidian.