Duteronomi 32:6 - ICIGHAN BIBILO

⁶ Ka TER je, ne gem ne eren a Na nahan yee; ne ior i geseghee i lun kpe ne! Ka Teru u A gbe u ne ka Un A er u, A maa u ye gaa?

Duteronomi 32:6 Iomraidhean Croise

2 Samuel 7:24

Shi U ver ior Ou Iserael Wer, ve̱ lu ior Ou gbem sha won; We TER, U hingir Aôndo ve.

Yobu 10:8

Ave Ou erem, a maghem kpaa, a zuam cii doo doo; nahan kpaa, Ú gema Ú timin keraa?

Upasalmi 100:3

Fa nen er TER A lu Aôndo yô; ka Un A er se ye, se mba u Nav je; se mba ior Nav je, man iyôngo Na i A koson yô.

Upasalmi 116:12

Ka nyi me na TER sha ci u akaa a Na a dedoo a A erem cii laa?

Upasalmi 149:2

Iserael a̱ ember ken Un u A gbe un la, ônov mba Shion kpaa, ve̱ ember Tor ve.

Upasalmi 74:18

TERE, umbur er orihom a hee U, man er ior mba lanen kwagh ve toho iti You yô.

Upasalmi 74:2

Umbur nongo Wou u U yam ica i gba je, u U paa Wer, u̱ hingir ior i dyako Wou, kua uwo u Shion u U tem sha u la.

Upasalmi 95:6

Va, sé gure, sé civir, sé ngurum nen, sé gure nen inya sha ishigh ki TER u A gbe se la.

Ekesodu 15:16

Iwondo man mciem haa ve iyol; sha mtaver u uwegh Ough, ve huan ving, er iwen yô, shighe u ior Ou lu karen la TERE, shighe u ior mba U yam la ve lu karen yô,

Ekesodu 4:22

Man kaa a Farao wer: TER kaa nahan er: Iserael ka wan Wam u iunda je.

Yesaia 1:2

Ungwa nen, ne Usha; ver ato we tar kpaa, gadia TER ôr kwagh er: M koso ônov, m yese ve, kpa ve je, ve gema ve hingir iyongo a Mo.

Yesaia 27:11

Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Yesaia 43:1

Kpa ahegen yô, TER u A gbe u, we Yakob, Un u A maa u, we Iserael, ngu kaan nahan er: De cie ga, gadia M paa u, M yila u sha iti, uwe u ngu u Wam je.

Yesaia 43:7

hanmô u i yer nan sha iti Yam, u M gbe nan sha ci u icivir Yam, u M maa nan, u M er nan la.

Yesaia 44:2

TER u A er u, A maa u ken uya je, man A wasen we la, ngu kaan nahan er: De cie ga, we Yakob, wanakiriki wam, man we, Yeshurun u M tsough ne.

Yesaia 63:16

Gadia We U ngu Ter wase je, shin er Aberaham a kera fe se ga, man Iserael kpaa a kera rumun se ga; kpa We TER, U ngu Ter wase, man Orpaan wase, ka iti You ngise je la.

Yesaia 64:8

Kpa hegen yô, TERE, U ngu Ter wase je, se mba inyaityuu man We U ngu Ormaan se; se cii se mba tom u ave Ou.

Yeremia 4:22

Gadia ior Av lan kwagh, ve fam ga; ka ônov mba lanen kwagh, mba a mkav ga; ve fa u eren iferkwagh, kpa u eren kwagh u dedoo yô, ve fa ga.

Yeremia 5:21

Shi ungwa nen kwagh ne, ne ior mba lanen kwagh man mbakavenkwagh kpaa ga; ne mba ne lu a ashe, kpa ne mba nengen ga; ne mba ne lu a ato, kpa ne ongo ga ne.

Hosea 13:13

Martoghol kôr un; un ka wan u fan kwagh ga, gadia zum u shighe kuma yô, a kera due ga.

Malaki 1:6

Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

YOHANE 8:41

Ne mba eren aeren a ter wen. Ve kaa a Na er: Se yô, ka sha idya i mar se ga; se mba a Ter môm tsô, ka Aôndo je.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Mbaromanu 8:15

Gadia ne ngohol jijingi u kpan u né shi né cia kwagh ga kpa ne ngohol jijingi u mlu u wan, ka sha mi je se yer ser Aba, Tere ye.

1 Mbakorinte 6:20

Gadia i yam ne a yam sha ishe je. Civir nen Aôndo ken iyol yen.

Mbagalatia 3:26

Gadia ne cii, ne mba ônov mba Aôndo sha jighjigh u nan ken Kristu Yesu.

Mbagalatia 4:6

Man sha ci u ne lu ônov yô, Aôndo tindi Jijingi u Wan Na ken asema a en, ngu genger imo er: Aba, Tere.

Duteronomi 1:31

kua ken desereti kpaa, henpe u nenge er TER, Aôndo wou, A tôô u sha, er or ka nan tôô wan u nan nahan, sha igbenda i ne lu karen la cii zan zan ne va ar hen ijiir ne.

Duteronomi 14:1

Ne mba ônov mba TER, Aôndo wen, je; nahan yô, de gberen nen avav iyol ga, shi de torough nen ityough hen icul sha ci u or u nan kpe ga.

Duteronomi 32:15

Kpa Yeshurun kehe, a ker apande; u kehe, u gba ikôr, u wa ahôm; tsô a gbihi Aôndo u A er un la, a laha Vande u myom na kpaa.

Duteronomi 32:18

Kpa Vande u u mar u la, u umbur u ga, Aôndo u A mar u la hungul we.

Duteronomi 32:28

Gadia ve ka ikurior i mhen ve a saa yô, ma mkav u kaven kwagh kpaa ngu ken a ve ga.

2 Peteru 2:1

Kpa mbaprofeti mba aiev iyange ve due hen nongoior la di er ken a ven kpaa mbatesen mba aiev vea va lu nahan. Vea nyôr a ityesen i kahan i dang myer, Ter u A paa ve la je kpaa vea nyiman Un, mba van a mtim sha ayol a ve fefa je.

1 Yohane 3:1

Nenge imba dooshima u se doo Ter ishima ne; mba yilan se je er ônov mba Aôndo, man kape se lu je la. Ka nahan man tar u fe se ga ye, sha ci u u fe Un ga yô.