Duteronomi 32:16 - ICIGHAN BIBILO

¹⁶ Ve kpoghol iwuhe Na sha mbaaôndo mbagenev; ka akaa a ihôngorough ve bam Un mi ye.

Duteronomi 32:16 Iomraidhean Croise

1 Utor 14:22

Yuda er kwaghbo sha ashe a TER, ve kpoghol iwuhe Na sha asorabo a ve er la, gande kwagh u uter vev ve er cii.

1 Utor 14:9

kpa we yô, u er ifer hemba mba ve vande hemen a we cii, je u gema u za er mbaaôndo mbagenev iyol you, man ieev mbi keren a ker, sha u u bamem yô, shi u gbihim ken ijime you kpaa;

2 Utor 17:11

ka sha her sha ajiir a taven sha la cii, ve nanden kwaghhumandoon, vough er akuraior a TER lu kura a sha ishiv vev yem a a kera la, lu eren nahan; ve er akaabo, ve bam TER,

2 Utor 17:17

Ve er ônov vev mba nomso kua mba kasev, ve kar ken usu, ve kpehe asor, shi ve er ahir, ve tee ayol a ve sha u eren ifer sha ishigh ki TER, bamen Un.

2 Utor 21:6

Shi a er wan na kar ken atô u usu, a eren ahir, man lu veren ishima sha ishor i kpehen, a ver mba ve lu a ujijingi mba mbakpenev kua mbatsenganpasen akaa; a er ifer kpishi sha ishigh ki TER, sha u bamen Un.

2 Utor 23:13

Tor shi hôngor ajiir a taven sha a a lu sha ishigh ki Yerusalem, a a lu uwo u hôngorough vegher u ken uwegh ku yanegh la, a Solomon tor u Iserael maa a sha ci u Ashetaroti, kwaghhôngorough u Mbashidon la, man sha ci u Kemoshi, kwaghhôngorough u Moabi kua sha ci u Milkom, kwaghhôngorough u Mbaamon la kpaa.

Upasalmi 106:29

Kape ve bam Un sha aeren a ve, man bouange kôr ve la.

Upasalmi 78:58

Gadia ve bam Un sha ajiir a ve a taven sha la; ve kpoghol iwuhe Na sha ieev vev mbi gban la.

Yesaia 43:12

Mo M pase, M yima, man shi M yôô kpaa; ma aôndo ugen lu her a ven ga, ka nahan man ne ne lu mbashiada Av ye, kape TER A kaa ne; ka Mo M lu Aôndo ye.

Yeremia 2:11

Ikurior igen ngi i musan mbaaôndo vev mayange kpa? shin er ve lu mbaaôndo mba mimi ga nahan kpaa. Kpa ior Av ve tôô icivir ve, ve musan akaa a a fatyô u nan or ma kwagh u injaa ga la a mi.

Yeremia 2:25

De rumun wer nguhar wou u̱ tsuwa ikôvough kera ga, man gôngor wou kpaa a̱ de om imura ga; kpa u kaa wer: Gbenda ngu ga, ei, gadia mbaaôndo mbagenev doom ishima, ka ve me dondo ve ye.

Yeremia 7:18

Mbayev kohol ikon, uter keer usu, kasev hôr mwem, sha u kaan torkwase u Sha la kuese a min, man sha u toon mbaaôndo mbagenev iniav mbi man, sha u vea bamem yô.

Yeremia 8:19

Ungwa! Imo i mlia i wankwase u ior Av ken tar u icaa tsung je; TER kera ngu ken Shion gaa? Tor na kera ngu keregh gaa? Ka nyi man ve bamen Mo sha ieev vev mbi gban man sha akaagbilinigh a tar ugene?

Esekiel 8:3

Tsô A naregh kwagh, lu er ka uwegh nahan, a kôrom sha ice i sha ityou; tsô Jijingi kendem sha gbihi tar shin, gbihi kwavaôndo sha, man A yem a mo hen Yerusalem ken mbampase mba Aôndo, hen ijiir i nyôron hen hundagar u ker atô, u u ver ishigh ken imbusutarimese la, henpe eev mbu nan iwuhe lu, mbu bamen sha iwuhe la.

Levitiku 18:27

Gadia akaahôngorough ne cii ior mba ken tar la er a, ve mba ve vande teman a ven her la, nahan tar hôngor je;

1 Mbakorinte 10:22

Shin se mba bamen Ter ser, A̱ er iwuhee? Shin se hemba Un agee ase?

Duteronomi 32:21

Ve kpoghol iwuhe Yam sha kwagh u a lu Aôndo ga je, ve bamem sha akaa a ve a gbilinigh. Mo kpaa Me kpoghol iwuhe ve sha mba ve lu ikurior ga je, me bam ve sha ikurior i lanen kwagh.

Duteronomi 5:9

de gur ve inya ga, man shi de civir ve kpaa ga, gadia Mo, TER, Aôndo wou, M ngu Aôndo u gban iwuhe, M tsahan mbayev sha ci u iferkwagh i uter zan zan kov u sha utar man shi u sha unyiin kpaa, u mba ve kerem ihom;

Duteronomi 7:25

Ieev mbi mbaaôndo vev mbi gban a gba la yô, nande nen sha usu; de tem azurfa shin zenaria u a lu sha mi ga; de tee ga, sha er i̱ de hen u sha mi ga yô, gadia ka TER, Aôndo wou, kwagh u ihôngorough je;