Duteronomi 30:3 - ICIGHAN BIBILO

³ nahan TER, Aôndo wou, Una gema mlu wou, Una zungwe u mhôônom, Una shi á kohol we ken akuraior cii, henpe TER, Aôndo wou, vande samben we u za lu la.

Duteronomi 30:3 Iomraidhean Croise

Genese 28:15

Nenge, M ngu a we, Me kuran we henpe ú za cii, Me shi Me hide a we ken tar ne kpaa; gadia Me undu u ga, saa Me kure kwagh u M kaa u ne ve.

Genese 48:21

Tsô Iserael kaa a Yosev er: Nenge, m ngu kpen, kpa Aôndo Una lu a ven, shi Una hide a ven ken tar u uter enev kpaa.

1 Kroniku 16:35

Yô, kaa nen ner: Yima se, Aôndo u myom wase, kohol se imôngo, yima se sha ikev i akuraior, sha er sé wuese icighanti Wou man sé ta ihagh sha iwuese You yô.

Nehemia 1:9

kpa aluer shi ne gema her a Mo, ne wa atindi a Am iko, ne eren sha a kpaa yô, shin ior ou mba i tsende ve kera la, vea lu sha ikighir i Sha je kpaa, nahan kpaa Me za kohol ve her, Me hide a ve ken ijiir i M tsough Mer iti Yam i̱ lu her la.

Yobu 42:10

Nahan TER dugh Yobu ken ican na kera, zum u a er msen sha ci u akar a na la; TER shi na Yobu akaa kuma er a tsuaa la nahan kwa har.

Upasalmi 107:3

mba A kohol ve ken ityar kposo kposo, A hidi a ve yô, sha ityoughkitaregh man shin ityôtar, man shi ken imbusutarimese man iyan.

Upasalmi 147:2

TER maan Yerusalem, ka A kohol mba i te ve ken Iserael kera la, imôngo.

Yesaia 27:12

Sha iyange la TER Una gbidye alakema, hii hen ifi u Uferati zan zan ar hen uwagh u Igipiti, man á sange ne môm môm á kohol ne, ne ônov mba Iserael.

Yesaia 43:5

De cie ga, gadia M ngu a we; Me za va a tsombor wou sha ityoughkitaregh, Me za kura u shin ityôtar kera;

Yesaia 54:7

M gbihi u kera sha anshighe kpeghee tsô, kpa Me hide a we sha mhôônom ma zungwen ma vesen.

Yesaia 56:8

Ter AÔNDO u A kohol Iserael mba ve sambe la, ngu kaan er: Mbagenev kpaa Me kohol ve, á seer ve sha mba nav mba i vande kohol la.

Yeremia 12:14

TER ngu kaan nahan er: Mba ve we ndor a Mo, ve eren kwaghbo ne cii, ve benden dyako, u M ver ior Av Iserael, ave ne, nenge, Me tsuwe ve ken tar ve kera, man Me tsuwe ya u Yuda ken atô ve kpaa.

Yeremia 23:3

Mo Me kohol asande a ikumuile Yam a a shi her la, ken ityar i M zende i i yem ker la cii, Me shi Me hire a i hen ajiir a i; ia ngee kpishi, ia seer a seer.

Yeremia 29:14

Me rumun er ne̱ zua a Mo kpaa, kape TER A kaa ne, Me gema mlu wen, Me kohol ne ken akuraior cii, man ken ajiir a Me zenda ne ne yem ker la cii, kape TER A kaa ne; Me shi Me hide a ven hen ijiir i lu M na, i kura ne her kera, i yem a ven uikangen la.

Yeremia 31:10

Ungwa nen imo i TER, ne akuraior, pase nen i hen ityar i hen kpe u zegemnger i ken ica la; kaa nen ner: Wen u A sambe Iserael la, Una kohol un, una kura un er orkuranilev ka nan kura ikumuile nahan.

Ukwelegh 3:22

Ka sha erdoo u TER man i tim se ga ye, sha ci u mhôônom Nam ma zungwen ma been mayange ga,

Ukwelegh 3:32

Gadia shin er A na ishima i vihin, nahan kpaa mhôônom maa kôr Un sha mngee u erdoo Na la.

Esekiel 11:17

Sha ci u nahan yô, kaa wer: Ter AÔNDO ngu kaan nahan er: Me kohol ne ken akuraior, Me due a ven ken ityar i i sambe ne ker la, Me na ne tar u Iserael.

Esekiel 36:24

Gadia Me sange ne ken akuraior, Me kura ne ken ityar ityar cii, Me va a ven ken tar wen.

Esekiel 39:28

Nahan vea fa er Mo M lu TER, Aôndo ve, sha ci u M na, ve yem uikangen ken akuraior, man shi M kohol ve, M hide a ve ken tar ve kpaa; Me kera undu mô ve môm keela ga;

Mika 7:19

Shi Una zungwe se mhôônom; Una ndyar afer a ase shin angahar man Ú haa asorabo ase cii shin aiv a zegemnger.

Sekaria 10:9

Shin er M tsenda ve ken akuraior nahan kpaa, vea umbur Mo ken ityar i caa; vea lu uma her a ônov vev, man vea hide kpaa.

Mbaromanu 11:23

Mbala kpaa aluer vea taver sha mban u jighjigh ga yô ve kpaa á zua ve ker, gadia Aôndo ngu a tahav ú shi zuan ve ker.

Mbaromanu 11:26

Kape Iserael cii vea war la. Kape i nger kpaa la er: Ka ken Shion man Oryiman Una due ye, Una kar a mvende u i lu vendan Aôndo la ken Yakob kera.

Mbaromanu 11:31

kape ve kpaa, hegen ve lu hemban ato sha u i̱ zungwe ve mhôônom sha mhôônom ma i zungu ne la.

Duteronomi 13:17

Ma kwagh u i tswer un, de saan a mi ga, sha er TER A̱ de iyugh Na i tsung la, A̱ zungwe u mhôônom, mhôônom ma kôr Un a we, A̱ seer we iyenge er A̱ bum a uter ou nahan,

Duteronomi 4:27

Shi TER Una sambe ne ken ior, ior enev vea mase shin kpeghee ken akuraior, henpe TER Una za haa ve la.