Duteronomi 30:2 - ICIGHAN BIBILO

² man wea hide hen TER, Aôndo wou, wea ungwa imo Na, sha akaa a m kaa u nyian ne cii, we kua ônov ou, a ishima you cii man a uma wou cii yô,

Duteronomi 30:2 Iomraidhean Croise

1 Kroniku 29:17

Shi m fa kpaa, Aôndo wam, U kar ishima, perapera doo U. Mo iyol yam yô, ka sha ishima yam i wang je, m ne akaa ne cii gbar gbar ye; hegen yô, ka sha iember je, m nenge ior Ou, mba ve kohol heen, ve ne U akaa gbar gbar ye.

1 Kroniku 29:9

Tsô ior ember, er ve na gbar gbar nahan, gadia ve na TER iwua a ishima i môm gbar gbar; tor Davidi kpaa lu saan saan.

2 Kroniku 30:9

Gadia aluer shi nea gema hen TER yô, anmgbianev enev kua ônov enev vea zua a mhôônom ma zungwen hen mba ve yem a ve uikangen la, shi vea hide hen tar ne je, gadia TER, Aôndo wen, ngu a erdoo, man shi zungu mhôônom kpaa, man Una gema ishigh Nagh her a ven kera ga, aluer né gema ishima né hire her a Na yô.

Nehemia 1:9

kpa aluer shi ne gema her a Mo, ne wa atindi a Am iko, ne eren sha a kpaa yô, shin ior ou mba i tsende ve kera la, vea lu sha ikighir i Sha je kpaa, nahan kpaa Me za kohol ve her, Me hide a ve ken ijiir i M tsough Mer iti Yam i̱ lu her la.

Upasalmi 119:2

Mba i saan ve iyol yô, ka mba ve we mbampase Nav iko, ve keren Un a ishima ve cii la;

Upasalmi 119:80

Ishima yam i̱ lu vough ken akaawan a Ou, sha er kunya u̱ de kerem ga yô.

Upasalmi 41:12

Kpa mo yô, U suwem ken mimi wam, U veren mo sha ishigh You gbem.

Yeremia 29:13

Nahan né kerem, man né zua a Mo kpaa, zum u né kerem a ishima i môm la.

Yeremia 3:10

Nahan kpaa, anngô na u kwase Yuda, u a lu a jighjigh ga la, hide her a Mo, kpa ka sha ishima i môm ga, ka sha igyer tsô, kape TER A kaa ne.

Yeremia 36:3

Alaghga ya u Yuda una ungwa kwaghbo u M we ishima u eren ve la cii yô, vea gema, hanmô ve nana undu gbenda u nan u bo sha u M̱ de ve ifer ve man isholibo ve yô.

Yeremia 4:14

Ôô iferkwagh ken ishima you kera, we Yerusalem, sha u u̱ war. Ka hanma shighe je man mhen wou u sha ifer u a tem a we ne, una kuree?

Ukwelegh 3:32

Gadia shin er A na ishima i vihin, nahan kpaa mhôônom maa kôr Un sha mngee u erdoo Na la.

Ukwelegh 3:40

Sé time nen sé kar igbenda yase, man shi sé hide nen hen TER.

Esekiel 6:9

Ve mba ve wer ken a ven la, vea umbur Mo ken akuraior henpe á yem a ve uikangen la, zum u Me vihi ishima ve i idya i i pav a Mo la kera, kua ashe a ve kpaa, a a za idya sha akombo a ve la, nahan ishima ia ndôhôr ve a ayol a ve sha ci u aferakaa a ve er sha akaa ve a ndôhôrshima la cii.

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Levitiku 26:40

Zum la vea pase afer a ve man afer a uter vev sha mimi ga ve, u ve er a Mo sha mimin ga la, man shi er ve lu hendan a Mo kpaa yô,

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

2 Mbakorinte 3:16

Kpa zum u or ka nana gema hen Ter yô, i bugh ikondo i yisan la kera.

Mbaefese 6:24

Mrumun u sha mhôôn a̱ lu sha a ve mba Ter wase Yesu a doo ve ishima sha dooshima u been ga la, cii.

Duteronomi 13:3

yô, de veren ato sha akaaôron a profeti la, shin or u mnyam ma cie nan la ga; gadia TER, Aôndo wen, ngu karen ne a kar sha er Una fa shin TER, Aôndo wen, doo ne ishima a ishima yen cii man a uma wen cii kpaou.

Duteronomi 6:5

Nahan yô, TER Aôndo A̱ doo u ishima a ishima you cii man a uma wou cii man a agee ou cii.

1 Yohane 1:9

Aluer se pase asorabo ase yô, Un ngu jighjigh man u perapera Una de se asorabo man Una wanger se aferakaa kera cii.