Duteronomi 3:22 - ICIGHAN BIBILO

²² De cie nen ve ga, gadia TER, Aôndo wen, ka Un, A nenge ityav sha ci wen ye.

Duteronomi 3:22 Iomraidhean Croise

2 Kroniku 13:12

Nenge, Aôndo ngu a vese, ngu hemen se kua upristi Nav a ikor i tôngon sha u nôngon ityav a ven. Ne ônov mba Iserael, de nenge nen ityav a TER, Aôndo u uter enev, ga; gadia á kpe ne iyol ga.

2 Kroniku 20:17

Ka ne né nôngo ityav mbin ga; wa nen ago iyol, tile nen ving, tsô né nenge myem u TER Una yima ne, we Yuda man Yerusalem; de cie nen ga, asema a̱ de yen ne kpaa ga; kper, due nen, nôngo nen ityav a ve, gadia TER ngu a ven.

2 Kroniku 20:29

Mcieryol u TER haa sha utor mba sha tar cii, zum u ve ungwa er TER A nenge ityav a mbaihomov mba Iserael yô.

Nehemia 4:20

yô, sha hanma ijiir i ne ongo korough imo yô, va kohol nen se heregh. Aôndo wase Una nôngo ityav sha ci wase.

Upasalmi 44:3

Gadia lu sha sanker ve ayol a ve, ve ngohol tar la ga, man lu ikasewe ve, i war ve kpaa ga, kpa lu uwegh Ough ku yanegh a ikasewe You man iwanger i ishigh You, sha ci u doo U a ve yô.

Ekesodu 14:14

TER Una nôngo ityav sha ci wen, lu nen ving tsô.

Ekesodu 14:25

A er inya kange sha akaver a akeke ve, ve gba yemen hemen sha ican je; tsô Mbaigipiti kaa er: Sé yevese nen Mbaiserael, gadia TER ta ikaa ken ve, ngu ihom a Mbaigipiti.

Numeri 21:34

TER kaa a Mose er: De cie un ga, gadia M na un sha ikev you; ior nav cii kua tar na kpaa, ú er a na er u er a Shihon, tor u Mbaamor u a tema ken Heshebon la nahan.

Duteronomi 1:30

TER, Aôndo wen, u A hemen ne ne, Un Una nôngo ityav sha ci wen, vough er A vande eren sha ci wen ken tar u Igipiti sha ashe a en la,

Duteronomi 20:1

Zum u ú za ityav mbi nôngon a mbaihomov ou, man ú nenge anyinya man akeke a nyinya kua ior mba ve hembe u iyenge kpaa, de cie ve ga; gadia TER, Aôndo wou, u A dugh a we ken tar u Igipiti la, ngu a we imôngo.

Duteronomi 20:4

gadia TER, Aôndo wou, ngu zan a ven imôngo sha u nôngon ityav sha ci wen a mbaihomov enev, sha u Una na ne né hemba ve.

Duteronomi 3:21

Hen shighe la m kaa a Yosua mer: Ashe a ou nenge akaa a TER, Aôndo wen, A er a utor mba uhar mban cii, kape TER Una er a ityartor i né per né nyôron ken i cii la.

Duteronomi 3:23

Mo kpaa m zamber a TER hen shighe la, m kaa mer:

Yosua 10:42

Yosua ngohol utor mban cii kua tar ve icin i môm tsô, sha ci u TER, Aôndo u Iserael, nôngo ityav sha ci u Iserael yô.

Yosua 23:10

Or wen môm kpaa ka nan zenda ior dubu; gadia TER, Aôndo wen, ka Un je A nenge ityav sha ci wen ye, er lu kaa ne nahan.