Duteronomi 3:2 - ICIGHAN BIBILO

² Tsô TER kaa a mo er: De cie un ga, gadia M na un sha ikev you a ior nav cii kua tar na kpaa; er a na er u er a Shihon tor u Mbaamor u a tema hen Heshebon la nahan.

Duteronomi 3:2 Iomraidhean Croise

2 Kroniku 20:17

Ka ne né nôngo ityav mbin ga; wa nen ago iyol, tile nen ving, tsô né nenge myem u TER Una yima ne, we Yuda man Yerusalem; de cie nen ga, asema a̱ de yen ne kpaa ga; kper, due nen, nôngo nen ityav a ve, gadia TER ngu a ven.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 43:5

De cie ga, gadia M ngu a we; Me za va a tsombor wou sha ityoughkitaregh, Me za kura u shin ityôtar kera;

Numeri 14:9

Ka mhendan tsô, de hendan nen a TER ga ye, de cie nen ior i tar la kpaa ga; gadia ve ka kwaghyan wase je; mure ve kar sha ve kera. TER ngu a vese; de cie nen ve ga.

Numeri 21:34

TER kaa a Mose er: De cie un ga, gadia M na un sha ikev you; ior nav cii kua tar na kpaa, ú er a na er u er a Shihon, tor u Mbaamor u a tema ken Heshebon la nahan.

Aerenakaa A Mbaapostoli 18:9

Tsô Ter ôr kwagh a Paulu tugh ken mpase u sha mnenge kaa er: De cie ga, kpa gba ôron kwagh tsô, de huan ga;

Aerenakaa A Mbaapostoli 27:24

A kaa er: De cie ga, Paulu; tilen you sha ishigh ki Shisar kpee je; nenge, Aôndo kpaa na u mba ve lu zan a we imôngo la cii sha ikev.

Duteronomi 20:3

a̱ kaa a ve er: Ungwa nen, ne Iserael, nyian ne va sha u nôngon ityav a mbaihomov enev; ishima i̱ de yen ne ga, de cie nen ga, de gbidyen nen ikarikase iyol ga, shi de cie nen sulugha sha ci ve ga;

Duteronomi 3:1

Tsô se gema, se kôr gbenda u zan sha Bashan. Ogo tor u Bashan due gba van hen vese a ishima i num, un a ior nav cii, sha u va nôngon ityav hen Ederei.

Duteronomi 3:11

(Gadia Ogo tor u Bashan la, ka un tseegh mase shin ken Mbarefai ye; gambe na lu gambeiyô; ka ken Raba u ken ônov mba Mbaamon a lu ye gaa? Ityaven na ka aseva ataankaranyiin je, igbangese na gema ka aseva anyiin je, sha ishiva i karen kwagh a mi keke la.)

Duteronomi 3:3

Tsô TER, Aôndo wase, gema Ogo tor u Bashan na un sha ikev yase, un a ior nav cii; se hemba un je or na môm tsô kpaa nan war ga.

Yosua 10:8

TER kaa a Yosua er: De cie ve ga, gadia M na ve sha ikev you; ma nomsoor ve môm nan ngu, u nana cihi nana tile u sha ishi ga.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.