Duteronomi 28:1 - ICIGHAN BIBILO

¹ Aluer ú ungwa imo i TER, Aôndo wou, ishima i môm je, ú waan atindi a Na a m we u nyian ne cii iko, ú eren sha mi yô, TER, Aôndo wou, Una kende u sha, ú hemba akuraior a sha won cii,

Duteronomi 28:1 Iomraidhean Croise

1 Kroniku 14:2

Nahan Davidi kav er TER A ver un tor sha Iserael yô, gadia i kende a tor na sha kpishi, sha ci u ior nav Iserael.

Upasalmi 106:3

Mba i saan ve iyol yô, ka mba ve we ajiraôron a mimi la iko, mba ve eren perapera gbem yô.

Upasalmi 111:10

Mcie u cian Aôndo ka mhii u kwaghfan je la, mbaeren sha mi cii yô, mba a mkav u dedoo; iwuese Na ngi gbem sha won.

Upasalmi 119:128

Ka nahan man me ver angahar a am jighilii sha uiniezwa Ou cii ye, shi m ker hanma gbenda u aiegh ihom.

Upasalmi 119:6

Nahan ma m ve ahenge ga, er m veren ishima sha atindi a Ou ne cii yô.

Upasalmi 148:14

A kende a korough sha, sha ci u ior Nav, ka iwuese sha ci u mba i doo Un a ve la cii, ka ônov mba Iserael mba ve mgbôghom a na ikua je la. Haleluya.

Upasalmi 91:14

Er M doo un ishima tsung yô, ka nahan man Me war un ye; Me kende un sha, sha ci u a fe iti Yam yô.

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Ekesodu 23:22

Aluer ú ver ato sha imo Na mimi je, ú er akaa a M kaa cii yô, Me hingir orihom u mbaihomov ou, man shi orhendan a mbaahendanev ou.

Ekesodu 23:25

Civir TER, Aôndo wen, Un kpaa Una na iveren sha kwaghyan wou kua mngerem ou; shi Me kar a angev hen we kera kpaa.

Yesaia 1:19

Aluer nea rumun nea ver ato yô, né ya mdoom ma tar la;

Yesaia 3:10

Ter nen orperapera, kaa nen ner, á kpe nan iyol, gadia nana ya atam a aeren a nan.

Yeremia 11:4

a M ôr uter enev sha iyange i M due a ve ken tar u Igipiti, shin adum u soughon iyôgh la, M kaa Mer: Ungwa nen imo Yam, er nen er M we ne kwagh nahan cii; ka nahan man né hingir ior Av ye, Mo kpaa Me lu Aôndo wen;

Yeremia 12:16

Tsô, aluer vea hen igbenda i ior Av sha gbashima, sha u bumun iti Yam kaan er: Er TER A lu u uma yô, er ve kpaa ve tese ior Av u bumun Baal nahan, nahan á maa ve ken atô u ior Av.

Yeremia 17:24

Tsô, aluer nea ungwam mimi mimi, kape TER A kaa ne, man nea kera nyôron a ikav sha ihinda i gar ne sha iyange i memen ga, kpa nea tsegha iyange i memen, sha u eren ma tom sha i ga yô;

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

Luka 11:28

Kpa A kaa er: Kpa jim yô, i saan mba ve ongo kwaghôron u Aôndo man ve eren sha mi kpaa la, iyol.

Luka 9:48

A kaa a ve er: Anti or u nana rumun wanye ne ken iti Yam yô, ka Mo je nan rumun ye, man shi anti or u nan rumun Mo yô, nan ngu rumun Un u A tindim la kpaa. Gadia ka or u nan hembe ndahar ken a ven la, ka nan nan lu orvesen ye.

YOHANE 15:14

Aluer ne eren kwagh u M we ne tindi sha mi yô, ne mba akar Am je.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

Mbagalatia 3:10

Mba ve suur sha aeren a sha tindi cii, mba a ifan iyol. Gadia i nger er: Hanma or u nan we akaa a i nger a ken ruamabera u atindigh la cii iko sha u eren a ga yô, nan ngu a ifan iyol.

Duteronomi 11:13

Nahan yô, aluer né ver ato sha gbashima sha atindi a M we ne nyian ne er TER, Aôndo wen, A̱ doo ne ishima, man né er Un tom a ishima yen cii man uma wen cii yô.

Duteronomi 11:27

aluer né waan atindi a TER, Aôndo wen, a m ne ne nyian ne iko yô, ka iveren;

Duteronomi 15:5

aluer u ver ato dedoo sha imo i TER, Aôndo wou, ú waan atindi a m we u nyian ne cii iko yô.

Duteronomi 26:18

Nyian kpaa TER rumun er we, u̱ lu ikurior Na iyol Na jim, er A kaa a we nahan, man ú waan atindi Na cii iko;

Duteronomi 26:19

nahan Una kende u sha, ú hemba akuraior a A gbe a cii iwuese man gwa u zan man icivir, ú lu TER, Aôndo wou, icighanikurior er A kaa nahan.

Duteronomi 28:13

TER Una er u ú lu ityough, ú lu tsa ga, ú zaan sha gbem, ú gba shin ga, aluer ú ver ato sha atindi a TER, Aôndo wou, a m we u nyian ne, ú waan a iko u eren sha mi kpaa,