Duteronomi 27:7 - ICIGHAN BIBILO

⁷ Sôngo iniav mbi bem kpaa, ya her; ember sha ishigh ki TER, Aôndo wou.

Duteronomi 27:7 Iomraidhean Croise

Nehemia 8:10

Shi a kaa a ve er: Gba yemen nen tsô, za ya nen tar, ma nen kwaghnyohon, tindi nen mba i er kwagh sha ci ve ga la a kwar; gadia nyian ka icighaniyange i TER wase je, ishima i̱ de kera vihin ne ga; gadia iember i ne ember TER la ka agee a en je.

Yesaia 12:3

Nahan yô, ka sha iember je né tsugh mngerem shin azôr a myom ye.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yesaia 61:3

Shi M̱ ver mba ve zungu ken Shion la, tsar u hweegh sha ityough ki mtwe, mkurem ma msaanyol sha ityough ki mzungu; ikondo i cirin i iwuese sha ityough ki ishima i zunguluu; sha u á yila ve er, ikon i ouki i perapera, ka mmôôr u TER, sha er i̱ civir Un yô.

Habaku 3:18

nahan kpaa, mo me ember ken TER, me ember ken Aôndo u myom wam.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Mbaromanu 5:1

Nahan yô, er i ne se ishô sha jighjigh u nan yô, se mba bem bem a Aôndo sha Ter wase Yesu Kristu.

Mbaromanu 5:10

Aluer i hime se a Aôndo sha ku u Wan Na zum u se lu mbaihomov la yô, nahan hegen er i him se kera yô, á va hemba yiman se sha uma Na cii.

Duteronomi 12:12

né ember sha ishigh ki TER, Aôndo wen, ne a ônov enev mba nomso man mba kasev man ikpan yen i nomso man i ukase man Orlevi u nan va nyer u a nyôr, sha ci u nan lu a kwar shin dyako a ven imôngo ga yô.

Duteronomi 12:7

Shi ka her né yaan kwagh sha ishigh ki TER, Aôndo wen, ne a ior enev, né ember sha hanma kwagh u ne ker ave sha mi, u TER, Aôndo wou, A ne u iveren sha mi yô.

Duteronomi 16:11

ember sha ishigh ki TER, Aôndo wou, we man wan wou u nomso man wan wou u kwase man kpan wou u nomso man kpan wou u kwase man Orlevi u nan nyer u a nyôr, man shiror man ancôghol kua kwasecôghol mba ve lu a we, hen ijiir i TER, Aôndo wou, Una tsuwa sha u Una ver iti Na i̱ lu ker la.

Duteronomi 16:14

Ember sha iniongo you, we man wan wou u nomso man wan wou u kwase man kpan wou u nomso man kpan wou u kwase man Orlevi man shiror man ancôghol kua kwasecôghol mba ve nyer u a nyôr yô.

Duteronomi 27:6

Ka sha awen a i koo a ga, ú ta atse a TER, Aôndo wou, ye; na TER, Aôndo wou, iniav mbi nanden sha a.

Duteronomi 27:8

Man shi gema akaaôron a tindi ne cii nger a wanger wanger sha awen la.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Mbafilipi 4:4

Ember nen ken Ter gbem, shi me kaa mer, ember nen.

Mbakolose 1:20

Man er A va a bem sha awambe a sha terankon Na la yô, lu sha a Na je man Aôndo hime akaa cii a iyol Na ye, akaa a a lu shin tar man akaa a a lu Sha kpaa.