Duteronomi 27:16 - ICIGHAN BIBILO

¹⁶ Ifan i̱ kôr or u nan laha ter shin ngô u nan la. Ior cii ve̱ rumun er: Amen.

Duteronomi 27:16 Iomraidhean Croise

Genese 9:25

akaa er: Ifan i̱ kôr Kanaan; a̱ hingir kpan u ikpan i anngôôv nav.

Ekesodu 20:12

Civir teru man ngôu, er á seer we ayange ken tar u TER, Aôndo wou, A lu nan we yô.

Ekesodu 21:17

Or u nan toho ter u nan shin ngô u nan yô, i̱ wua nan kpee je.

Yesaia 45:10

Kwagh á tser un u a kaa a ter er: Ka nyi u mara? Shin a kwase er: Ka nyi u toghol mara?

Esekiel 22:7

I civir ter man ngô ken a we ga; shiror kpaa i er nan ican, ken a we; ancôghol man kwasecôghol kpaa i nzughul a ve ken a we.

Levitiku 19:3

Hanmô wen nana̱ cian ngô u nan kua ter u nan; waan nen ayange a memen a Am ikô; ka Mo TER M lu Aôndo wen ye.

Levitiku 20:9

Gadia hanma or u nan toho ter u nan shin ngô u nan yô, i̱ wua nan kpee je, nan tuhwa ter u nan shin ngô u nan je; awambe a nan a̱ lu sha ityough ki nan.

Duteronomi 5:16

Civir teru man ngôu er TER, Aôndo wou, A kaa u nahan, sha er á seer we ayange man á kpe u iyol ken tar u TER, Aôndo wou, A lu nan we yô.