Duteronomi 26:8 - ICIGHAN BIBILO

⁸ nahan TER due a vese ken Igipiti sha uwegh ku ageegh man uwegh ku naregh man akaacieryol a vesen man uivande kua akaakpilighyol;

Duteronomi 26:8 Iomraidhean Croise

Ekesodu 12:37

Tsô Mbaiserael mough hen Ramese gba yemen hen Sukoti; ior lu er dubu deri ataratar nahan, ve lu zan angahar, nomso tseegh; i wa mbayev ker ga.

Ekesodu 12:41

Tsô anyom deri unyiin man ikundugber nga kar yô, sha iyange la je, akumaior a TER cii due ken tar u Igipiti.

Ekesodu 12:51

Tsô sha iyange la je, TER due a Mbaiserael ken tar Igipiti akum akum.

Ekesodu 13:3

Tsô Mose kaa a ior er: Umbur nen iyange i ne due ken Igipiti ken ya u ikpan ne; gadia ka sha uwegh ku ageegh je TER due a ven ken ajiir ne ye; i̱ de ye bredi u lun a kwa ga.

Ekesodu 6:6

Nahan yô, kaa Mbaiserael wer: Ka Mo TER, Me due a ven ken tom u ican u Mbaigipiti ne kera, man shi Me yima ne sha ican i ikpan i sha ikev ve la kpaa ye; Me paa ne sha uwegh ku naregh, man sha ajiraôron a vesen.

Yesaia 63:12

Wen u lu na uwegh Nagh ku icivirigh ku zan a uwegh ku yanegh ku Mose imôngo man A pav mngerem sha ishigh vegh, sha u Una er iti Na i̱ tsôr sha won;

Yeremia 32:21

U due a ior Ou Iserael ken tar u Igipiti sha uivande man akaakpilighyol man sha uwegh ku ageegh man sha uwegh ku naregh, kua sha mciem ma tan iyol ma vesen;

Duteronomi 34:11

sha uivande cii man akaakpilighyol a TER tindi un sha u eren a ken tar u Igipiti a Farao man mbayev nav cii,

Duteronomi 34:12

man sha uwegh ku ageegh cii, kua akaacieryol a Mose er sha ishigh ki Iserael la cii.

Duteronomi 4:34

Ma aôndo nôngo u za tôôn ikurior sha ci na ker atô u ikurior igen sha ikaren man sha uivande man akaakpilighyol man sha utya man sha uwegh ku ageegh man uwegh ku naregh man sha akaacieryol, er TER, Aôndo wen, lu er sha ci wen ken tar u Igipiti sha ashe a en la, mayange je kpa?

Duteronomi 5:15

Yô, umbur, er ngise u lu kpan ken tar u Igipiti man er TER, Aôndo wou due a we ker sha uwegh ku ageegh man sha uwegh ku naregh; ka nahan man TER, Aôndo wou, A kaa u er u̱ waan iyange i memen iko ye.