Duteronomi 26:15 - ICIGHAN BIBILO

¹⁵ Sha icighanjiir Wou u teman u Sha la, shir ashe Ou nenge, man ver ior Ou Iserael doo doo kua tar u U ne se er U bum a uter asev yô, tar u u dumbur a atumbabua man iyough ne.

Duteronomi 26:15 Iomraidhean Croise

1 Utor 8:27

Aôndo Una tema shin tar mimi jee? Nenge, Sha man Sha u a hembe gban ca la je kpa fatyô u ngohol We ga, man hide iyou i m maa ne?

1 Utor 8:43

ungwa Sha, hen ijiir You i teman la, er akaa a orvanava la nan sen U cii; sha er akuraior sha won cii a̱ fa iti You man a̱ cia U, er ior Ou Iserael nahan, man shi a̱ fa er iyou ingin i m maa ne ka iti You i yer i min ye.

2 Kroniku 30:27

Tsô upristi man Mbalevi mough, ver ior doo doo. Nahan i ungwa imo ve, msen ve kpaa kôndo ar sha icighanjiir Na u teman, za ar Sha je.

Upasalmi 28:9

Yima ior Ou, ver dyako Wou doo doo, koson ve kpaa, zeren kenden a ve sha gbem. Ka Pasalmi u Davidi

Upasalmi 51:18

Er dedoo a Shion, sha mdoo u i doo U a na la; maa ugilgar mba Yerusalem.

Upasalmi 68:5

Aôndo ka ter u ancôgholov, man orjir u kasev mba côgholov, ken icighanyou Na la.

Upasalmi 80:14

Aôndo u akum a Sha, shi hide, shir ashe shin, nenge, wa kon u wain ne iko,

Upasalmi 80:15

kwagh u uwegh Ough ku yanegh ku môôr ne, man wan u U koso un sha ci Wou iyol You la.

Upasalmi 90:17

Mdoom ma TER Aôndo wase; ma lu a vese, taver tom u ave ase sha a vese, een, tom u ave ase la, taver u.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Yesaia 63:15

Hen ijiir You i teman i tseghan kua i icivirigh la, shir ashe shin, nenge. Gbashima Wou kua aeren a Ou a utaha nga hana? Mhôônom Ou ma kôron tsung ma ken ishima kua mhôônom Ou ma zungwen la kera ma a mo ga.

Yeremia 31:23

TER u akum a Sha, Aôndo u Iserael, ngu kaan nahan er: Shi vea ôron kwagh ne ken tar u Yuda man ken agar a na, zum u Me gema mlu ve la er: TER A̱ ver u doo doo, we ya u perapera, we icighanwo.

Sekaria 2:13

Huan nen ving sha ishigh ki TER, ne uuma cii; gadia A mough hen icighanjiir Na.

Mateu 6:9

Yô, eren nen msen nahan, ner: Ter wase u Sha, i̱ tsegha iti You,

Aerenakaa A Mbaapostoli 7:49

Sha ka ikônough Yagh ki torough, tar yô, gema ka kwagh Wam u pendan angahar sha mi. Ka nyi iyou je né maama? Kape Ter A kaa la. Shin ijiir Yam i memen yô, ka nyi?

Duteronomi 1:8

Nenge, M gema tar la m na ne; yô, nyôr nen, ngohol nen tar la, u TER lu bum a uter enev, Aberaham man Isaka man Yakob, er Una na ve u, kua vor ve u ken ijime ve la.

Duteronomi 26:14

M pande kwagh ker m ya, zum u m lu zungwen ku ga; m tôô ma kwagh u ker kera, zum u m lu wang ga la kpaa ga; shi m pande ma kwagh m na mbakpenev kpaa ga, m wa imo i TER, Aôndo wam, iko, m er akaa a U kaam cii.

Duteronomi 26:7

tsô se vaa a TER, Aôndo u uter asev; TER kpaa ungwa mliam asem, A nenge ican yase man tom wase u ican kua mkighir u i lu kighir se la;

Duteronomi 26:9

A va a vese hen ijiir ne, A va na se tar ne, tar u dumbur a atumbabua man iyough.

Duteronomi 6:3

Yô, ver ato Iserael, ver ishima u eren sha mi, sha er á kpe u iyol ú seer iyenge kpishi er TER, Aôndo u uter ou, tôndo zwa a we nahan ken tar u atumbabua kua iyough ve dumbur ker yô.