Duteronomi 26:13 - ICIGHAN BIBILO

¹³ tsô ú kaa sha ishigh ki TER, Aôndo wou, wer: M due a uicighanmbaakaav hen ya wam kera, m na Orlevi man shiror man ancôghol kua kwasecôghol sha imo You i U kaam cii yô, m per ma tindi môm ken atindi Ou ga, m hungul a kpaa ga.

Duteronomi 26:13 Iomraidhean Croise

Upasalmi 119:139

Gbashima wam wuam, sha ci u mbaahendanev av hungul akaaôron a Ou yô.

Upasalmi 119:141

M ngu kpeghee man i laham kpaa, nahan kpaa uiniezwa Ou hungul mo ga.

Upasalmi 119:153

Nenge ican yam, yimam, gadia atindiakaa a Ou hungul mo ga.

Upasalmi 119:176

M tsume er iyôngo i i saa yô, ker wanakiriki Wou, gadia atindi a Ou hungul mo ga.

Upasalmi 119:93

Uiniezwa Ou vea hungul mo mayange ga, gadia ka sha a ve U taver uma wam ye.

Upasalmi 26:6

Me nyian ishô iyol; ka nahan man me ningir sha atse a Ou a nanden nagh sha mi ye, TERE;

Anzaakaa 3:1

Wan wam, ityesen yam i̱ de hungul we ga, ishima you i̱ waan atindi am iko,

Aerenakaa A Mbaapostoli 24:16

Sha kwagh ne yô, m ngu nôngon u lun a imo i dedoo ken ishima gbem her Aôndo kua hen ior kpaa.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

2 Mbakorinte 11:31

Aôndo Ter u Ter Yesu Kristu u i wuese Un gbem sha won ne, A fa er i lu aie m eren ga yô.

Duteronomi 14:29

Orlevi (sha er nan lu a kwar shin dyako a we imôngo ga yô) man shiror man ancôghol man kwasecôghol mba ve nyer u a nyôr yô, ve̱ va ya, i̱ kuma ve; sha er TER, Aôndo wou A̱ ver u dedoo ken tom u u eren sha ave ou cii yô.

Duteronomi 26:12

Zum u u dugh môm-ken-upue u iyiagh you cii, u bee, ken inyom i sha utar la yô, ka inyom i dughun môm-ken-upue je la, gema na Orlevi man shiror man ancôghol kua kwasecôghol, ve̱ ya ken ihindagar you i̱ kuma ve;

Duteronomi 26:14

M pande kwagh ker m ya, zum u m lu zungwen ku ga; m tôô ma kwagh u ker kera, zum u m lu wang ga la kpaa ga; shi m pande ma kwagh m na mbakpenev kpaa ga, m wa imo i TER, Aôndo wam, iko, m er akaa a U kaam cii.

1 Mbatesalonika 2:10

Ka ne je ne lu mbashiada kua Aôndo kpaa ye, er mlu wase her a ven, ne mba ne ne jighjigh la, lu wang man perapera man a acôghol a wan iyol ga.