Duteronomi 26:12 - ICIGHAN BIBILO

¹² Zum u u dugh môm-ken-upue u iyiagh you cii, u bee, ken inyom i sha utar la yô, ka inyom i dughun môm-ken-upue je la, gema na Orlevi man shiror man ancôghol kua kwasecôghol, ve̱ ya ken ihindagar you i̱ kuma ve;

Duteronomi 26:12 Iomraidhean Croise

Genese 47:24

Zum u á gema sundan yô, né tsuwa tihi môm ken atihi ataan, né na Farao, atihi anyiin yô, a̱ lu a en, sha ci u ivor i ken sule man sha ci u kwaghyan wen kua mba hen uya enev, man sha ci u kwaghyan u ônov enev mba kiriki.

Genese 47:26

Yosev maa wa tindi sha ishule i Igipiti zan zan nyian, er Farao a̱ zuan a tihi môm ken atihi ataan; saa tar u upristi tsegh u hingir u Farao ga ye.

Anzaakaa 14:21

Or u nan lahan or u nan we ndor a nan yô, nan ngu eren kwaghbo, kpa or u mhôônom ma ker nan a mbaatsanev yô, saan nan iyol.

Levitiku 27:30

Môm-ken-upue u inyaregh cii, shin a lu iyiagh ki inyaagh, shin atam a ikon, ka u TER je; ka icighankwagh u TER.

Numeri 18:24

Gadia môm-ken-upue u Mbaiserael u ve ne TER nagh ku cian mi la, M na Mbalevi, hingir dyako ve; ka nahan man M kaa Mer, ken Mbaiserael yô, vea zua a ma dyako ga ye.

Duteronomi 16:14

Ember sha iniongo you, we man wan wou u nomso man wan wou u kwase man kpan wou u nomso man kpan wou u kwase man Orlevi man shiror man ancôghol kua kwasecôghol mba ve nyer u a nyôr yô.

Mbaheberu 7:5

Mba ken ônov mba Levi mba ve zough a tom u pristi la yô, tindi kaa er ve̱ ngohol môm-ken-upue hen nongoior la, ka hen anmgbianev vev je la, shin er ve lu mba ken tsombor u Aberaham nahan kpaa.

Mbaheberu 7:9

Jim je yô, á fatyô u kaan er Levi u a ngohol môm-ken-upue la je kpaa a gema a na môm-ken-upue ken Aberaham,