Duteronomi 26:10 - ICIGHAN BIBILO

¹⁰ Hegen yô, nenge, m va a atam a tsutswa a iyiagh ki hen inya ne, ki u nem yô, TERE. Nahan ver a sha ishigh ki TER, Aôndo wou; gure inya sha ishigh ki, TER, Aôndo wou.

Duteronomi 26:10 Iomraidhean Croise

1 Kroniku 29:14

Kpa mo m ngu an je, man ior av mba di nyi je, u se taver se na iwua sha ishima i gbar gbar nahana? Gadia akaa cii ka hen a We a dugh ye, ka kwagh Wou se hidi a mi, se ne U ye.

Upasalmi 22:27

Akighir a tar cii aa umbur, aa gema aa rumun TER; icombor i akuraior cii ia gure sha ishigh You ia civir We;

Upasalmi 22:29

Mba ve gbe akôr sha won cii, vea ya kwagh, vea gure, vea civir; mba ve lu hingir vuulevu cii yô, vea gure sha ishigh Nagh, ka u nan fetyô u lun uma ga je kpaa.

Upasalmi 86:9

Tere, akuraior a U er cii, aa va, aa va gure U inya, aa civir iti You kpaa.

Upasalmi 95:6

Va, sé gure, sé civir, sé ngurum nen, sé gure nen inya sha ishigh ki TER u A gbe se la.

Ekesodu 22:29

De ngôôr u nan nagh ku iyiav youv mbi ken sule wou ga, kua wain wou kpaa ga. Waniunda u ken ônov ou mba nomso ú naan Mo.

Ekesodu 23:19

Iyiav mbi tsutswav mbi hemban doon mbi ken sule wou, ú za a mi ken iyou i TER, Aôndo wou. De jiir wanivo sha atumba a ngô na ga.

Anzaakaa 10:22

Iveren i TER ngi ve a inyaregh, tom u nyoonyol seer ma kwagh sha i ga.

Anzaakaa 3:9

Civir TER sha inyaregh you, man sha iyiav mbi tsutswav mbi u zough a mi cii,

Yesaia 66:23

Tsô hii sha uwer u he ne zan zan ar sha uwer u he ugen, man hii sha iyange i memen ne zan zan ar sha iyange i memen igen, uuma cii vea va gure sha ishigh Yagh, kape TER A kaa la.

Mbaromanu 2:1

Nahan yô, we or u ka u gba nan or ibo tsô ne, wea lu nan nan kpaa u ngu a ityôkwagh i lun a ishô ga gadia kwagh u u lu nan orgen ibo sha mi la, we iyol you kpaa u ngu a ibo sha mi, gadia we u u lu nan ibo la kpaa u ngu eren akaa angara je.

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

Duteronomi 18:4

Iyiav mbi tsutswav you, alakema wou man wain wou man mkurem ou man aive a tôndon a hiihii a iyôngo you, ú na un.

Duteronomi 26:17

Nyian u rumun er TER A lu Aôndo wou ve, ú zaan sha gbenda Na ú waan akaawan a Na man atindi Na kua akaaôron a jirigh a Na iko man ú ungwan imo Na kpaa.

Duteronomi 26:2

pande atam a tsutswa a iyiagh ki tar la cii, a u kur a mi ken sule wou, u TER, Aôndo wou, A ne u la, haa a shin ikese, za a mi hen ijiir i TER, Aôndo wou, Una tsuwa sha u veren Iti Na er i̱ lu ker la.

Duteronomi 26:4

Nahan pristi a̱ ngohol ikese la, sha uwegh ough, a̱ ver i sha ishigh ki atse a nanden nagh sha mi a TER, Aôndo wou.

Duteronomi 8:18

Kpa umbur TER, Aôndo wou, ka Un A ne u tahav mbu zuan a inyaregh ye, sha er Una er sha ikuryan Na i A bum a uter ou, er i lu nyian nahan.

Mpase U Yohane 22:9

Kpa a kaa a mo er: De eren nahan ga. M ngu ortom a we imôngo kua anmgbianev ou kpaa, ka uprofeti je la, man shi mbala mba ve we akaaôron a ken takerada ne iko yô. Civir Aôndo.