Duteronomi 24:2 - ICIGHAN BIBILO

² Zum u una due hen ya u nan kera yô, a̱ yem, a̱ za lu kwase u orgen;

Duteronomi 24:2 Iomraidhean Croise

Esekiel 44:22

Man shi ve̱ de eren kwasecôghol ga, shin kwase u i pav a nan kpaa ga; kpa i̱ lu anuunaukase a megh megh a ken tsombor u ya u Iserael, shin kwasecôghol u nan lu kwasecôghol u ma pristi yô.

Levitiku 21:14

Kwasecôghol shin kwase u a dugh hen nom, shin iniunkwase i i vihi i shin idyakwase, mbala yô, a̱ de eren ga; kpa i̱ lu iniunkwase i ken nongo na, a̱ er i ye.

Levitiku 21:7

Ve̱ de eren kwase u a lu idyakwase ga, shin iniunkwase i i vande vihin i kpaa ga, shi ve̱ de eren kwase u a dugh hen nom u nan kpaa ga; gadia un ngu icighanor u Aôndo je.

Levitiku 22:13

Kpa aluer wan u pristi u kwase nana hingir kwasecôghol shin nana due ken nom man nana lu a wan ga, man nana hide hen ya u ter u nan, er yan nan lu iyev la nahan yô, nana yaan kwaghyan u ter u nan la, kpa ma or u ken inya yô, nana̱ de ye ga.

Numeri 30:9

Kpa iceghzwa i kwasecôghol shin i kwase u nan dugh hen nom yô, hanma kwagh u nan kighir ishima i nan inya sha mi yô, una lu her dông.

Mateu 5:32

Mo yô, M kaan ne Mer: Hanma or u nana pav a kwase u nan, á lu sha ityôikaa i idya ga yô, nan ngu nan un sha u a̱ hingir idyakwase; man shi hanma or u nana er un u i pav a na la yô, nan kpaa nan er idya je ve.

Marku 10:11

A kaa a ve er: Hanma or u nana pav a kwase u nan, nana gema á er ugen yô, ka idya je nan er a na ye.

1 Mbakorinte 7:15

Kpa aluer u nan ne jighjigh ga la nan soo u paven yô, i̱ de nan nana̱ pav. Sha imbagbenda ne yô, i kighir anmgbian u nomso shin anmgbian u kwase la ga. Gadia ka sha u lun bem bem je Aôndo A ver ne ye.

Duteronomi 24:1

Aluer or nana er kwase, nana vôso un man i kera doo nan a kwase la ga, sha ci u nan zough a kwagh u doon ga hen kwase la yô, nahan nana̱ nger un takerada u paven, nana̱ na un sha ikev, nana̱ na un gbenda a̱ due hen ya u nan kera.

Duteronomi 24:3

aluer nom u dondon la kpaa nana venda un yô, nana̱ nger un takerada u paven, nana̱ na un sha ikev, nana̱ na un gbenda er a̱ due hen ya u nan kera yô, shin aluer nom u dondon u nan er un la, nana kpe yô,