Duteronomi 23:5 - ICIGHAN BIBILO

⁵ Nahan kpaa, TER, Aôndo wou, rumun u ungwan imo i Balaam ga, kpa TER, Aôndo wou, gema ifan la, hingir we iveren, gadia u doo TER, Aôndo wou, ishima.

Duteronomi 23:5 Iomraidhean Croise

2 Samuel 16:12

Alaghga Aôndo Una nenge ican yam, man TER Una gema á er a mo dedoo sha ci u ityuhwanev mbi a tohom nyian ne.

Nehemia 13:2

gadia ve kegh Mbaiserael gbenda a kwaghyan man mngerem ga, ve gema ve ôr tôndo a Balaam er a̱ wa ve ifan; kpa Aôndo wase gema ifan la hingir iveren.

Upasalmi 73:1

Mimi je, Aôndo eren dedoo a Iserael, a mba ve lu a asema a wang yô.

Anzaakaa 26:2

Er atsator a zenden daa daa man er gbargbar di a purugh sha nahan, kape ifan i lun a ityôikaa ga, i ker ga la.

Yeremia 31:3

TER ande her a mo ken ica je, kaa er: Een, u doom ishima sha dooshima u tsôron je, ka sha ci u nahan M udugh we sha erdoo ye.

Esekiel 16:8

Nahan zum u M kar her a we, man M kenger we yô, nenge, shighe wou u doon ishima kuma; nahan M haa u riga wam iyol, M cir u idyelegh wou; een, M bum a we man M tôndo zwa a we, kape Ter AÔNDO A kaa ne, nahan u hingir u Wam.

Mika 6:5

Ne ior Av, umbur nen ase kwagh u Balaki tor u Moabi ngise hen la, man kwagh u Balaam wan u Beor gema kaa a na la; shi kwagh u a er hii hen Shitim zan zan ar hen Gilgal la, sha u ne̱ fa aeren a perapera a TER yô.

Malaki 1:2

Ne doom ishima, kape TER A kaa ne. Nahan kpaa ne mba pin ner: se doo U ishima hana? Isou ka anngô u Yakob gaa? Kape TER A kaa ne. Nahan kpaa Yakob doom ishima;

Numeri 22:35

Ortyom u TER la kaa a Balaam er: Yem a ior mban; kpa ka kwagh u Me kaa u la tseegh, za er ye; tsô Balaam yem a atiator a Balaki la imôngo.

Numeri 22:5

A tindi mbatyomov hen Balaam wan u Beor, hen Petor, u a lu hen kpe Ifi hen tar u ônov mba ior nav la er, i̱ yila un; a kaa er: Nenge, ior mbagenev za mough ken Igipiti, man nenge, ve va cir tar cii, ve va haa ikua ikua a mo je.

Numeri 24:9

A gure a yav inya er begha nahan, man er ngôbegha nahan; ka an je nana num unu? Hanma or u nan ver u doo doo yô, á ver nan doo doo. Hanma or u nan we u ifan yô, á wa nan di ifan je.

Mbaromanu 11:28

Sha kwagh u Loho u Dedoo yô ve mba mbaihomov, ka sha ci wen je, kpa sha kwagh u mtsough yô, ve mba mbadoonshima sha ci u uter vev mbala.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

Mbaromanu 9:13

Ka vough er i nger nahan er: Yakob doom ishima kpa Isou yô, M kôr un ihom.

2 Mbakorinte 4:17

Gadia ancan u peesa u sha anshighe kpeghee ne ngu sôron se a sôr iengem i tsôron i vesen i ganden cii.

Duteronomi 2:29

er ônov mba Isou mba ve tem hen Seir, man Mbamoabi mba ve tem ken Ar, ve er a mo la nahan, zan zan me per Yordan me nyôr ken tar u TER, Aôndo wase, A lu nan se la.

Duteronomi 33:3

Mimi je, ikwe la doo Un ishima; uicighanmbaiorov Nav cii ve mba sha ikev You, ve haa hen angahar a Ou; hanmô ve nan ngohol kwagh sha akaaôron a Ou.

Duteronomi 4:37

Ka sha ci u uter ou lu doo Un ishima man A tsuwa tsombor ve u ken ijime, man Un iyol Na A due a we sha agee Na a hemban la ken Igipiti ye,

Yosua 24:10

Kpa M rumun M ver ato hen Balaam ga; nahan a gema a ver ne doo doo; M yima ne sha ikev na.