Duteronomi 20:6 - ICIGHAN BIBILO

⁶ Shin ma or ngu u nan môôr ikon i wain, nan lu a ya atam a i ga ase? Yô, nana̱ hide hen ya u nan, sha er nana̱ de za kpeen ken utya, orgen nana̱ ya atam a i ga yô.

Duteronomi 20:6 Iomraidhean Croise

Yesaia 65:22

Mayange vea maa ya, orgen á kar á tema ker ga, vea lôô, man orgen á kar á ya, ga; gadia er ayange a ikon a lu nahan kape ayange a ior Av kpaa aa lu la; uicuwan Av kpaa vea ya tom u ave ve zan zan je.

Yeremia 31:5

Ú shi ú môôr ikon i wain sha iwo i Samaria; mbamôôr vea môôr man shi vea ya atam a i kpaa.

Sefania 1:13

Akaa a ve aa hingir ishar, man ayou a ve kpaa á yôhôl a kera; shin vea maa ayou kpaa, vea tema ken a ga; shin vea môôr ikon i wain kpaa, vea ma zar u i ga.

1 Mbakorinte 9:7

Ka an nana nyôr tom u nôngon ityav man shi nana koson iyol i nana? Ka an nana er sule u wain man nana kera ya atam a u ga? Ka an nana kura ilev man nana kera ma atumba a mbi ga ase?

Duteronomi 20:5

Mbavesen kpaa ve̱ ôr kwagh a ior, ve̱ kaa er: Shin ma or ngu u nan maa iyou i he, nan lu a nyôr ker ga ase? Yô, nana̱ hide hen iyou i nan, sha er nana̱ de za kpeen ken utya, orgen nana̱ nyôr ker ga yô.

Duteronomi 20:7

Shin ma or ngu u nan sôôr kwase nan lu a er un ga ase? Yô, nana̱ hide hen ya u nan, sha er nana̱ de za kpeen ken utya, orgen nana̱ er un ga yô.