Duteronomi 20:4 - ICIGHAN BIBILO

⁴ gadia TER, Aôndo wou, ngu zan a ven imôngo sha u nôngon ityav sha ci wen a mbaihomov enev, sha u Una na ne né hemba ve.

Duteronomi 20:4 Iomraidhean Croise

1 Kroniku 14:15

Tsô zum u ú ungwa acin sha ityouv mbi ikon i balsem yô, due nôngo ityav, gadia Aôndo kar hemen we sha u za hemban akumautya a Mbafiliti ve.

2 Kroniku 13:12

Nenge, Aôndo ngu a vese, ngu hemen se kua upristi Nav a ikor i tôngon sha u nôngon ityav a ven. Ne ônov mba Iserael, de nenge nen ityav a TER, Aôndo u uter enev, ga; gadia á kpe ne iyol ga.

Ekesodu 14:14

TER Una nôngo ityav sha ci wen, lu nen ving tsô.

Mbaromanu 8:37

Kpa ken akaa ne cii se hemba tser tser sha ci u Un u se doo Un ishima la.

Duteronomi 1:30

TER, Aôndo wen, u A hemen ne ne, Un Una nôngo ityav sha ci wen, vough er A vande eren sha ci wen ken tar u Igipiti sha ashe a en la,

Duteronomi 11:25

Ma or nana fatyô u tilen ne sha ishi ga; TER, Aôndo wen, Una haa mcieryol wou man mciem ma á cian we sha tar u né za ndyar sha u la cii, er A kaa ne nahan.

Duteronomi 3:22

De cie nen ve ga, gadia TER, Aôndo wen, ka Un, A nenge ityav sha ci wen ye.

Duteronomi 31:6

Taver ishima lu icihi, de cie ga, de luun a mciem iyol sha kwagh ve kpaa ga; gadia TER, Aôndo wou, ka Un A ze a we imôngo ye; Una kende u ga, Una undu u kpaa ga.

Duteronomi 32:30

Á er nan man or môm nana zenda ior dubu, ior ihiar kpaa vea er ior dubu pue ve a yevese, saa Vande ve ua tee ve, TER kpaa A na ve sha ikev i ior, gaa?

Yosua 10:11

Tsô zum u ve lu yevese Iserael la, er ve lu senen hen soughsough u Bete-horon yô, TER ta ve uzegembaawombov mba ve due Sha zan zan za ar hen Aseka, nahan ve kpe; mba ve kpe akpoghol a awombo la hemba mba Iserael wua sha sanker la iyenge.

Yosua 10:42

Yosua ngohol utor mban cii kua tar ve icin i môm tsô, sha ci u TER, Aôndo u Iserael, nôngo ityav sha ci u Iserael yô.

Yosua 23:10

Or wen môm kpaa ka nan zenda ior dubu; gadia TER, Aôndo wen, ka Un je A nenge ityav sha ci wen ye, er lu kaa ne nahan.

1 Samuel 14:23

Nahan TER yima Mbaiserael sha iyange la; ityav kar yem ken hemen u Bete-aven.