Duteronomi 20:10 - ICIGHAN BIBILO

¹⁰ Zum u ú mgbôghom a ma gar sha u nôngon ityav a na yô, ôr kwagh a na sha gbenda u bem.

Duteronomi 20:10 Iomraidhean Croise

Yesaia 57:19

M gba atam a ityumbuzwaagh; bem, bem sha ci u u nan lu ca la kua sha ci u u nan lu ikua ikua la kpaa, kape TER A kaa la; Me sôr nan nana wanger.

Sekaria 9:10

Me tim akekeautya hen Eferaim kera, man anyinya a utya kpaa ken Yerusalem, man á kar a adautya kera kpaa; Una yôô bem hen akuraior cii, Una tema tor á hii hen zegemnger á za ar hen zegemnger man á hii hen Ifi la zan zan á za ar sha akighir a tar.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

2 Mbakorinte 5:18

Akaa ne cii ka hen Aôndo A dugh ye, Un u A him se a iyol Na ken Kristu, shi A ne se tom u mhim la sha ikev kpaa la.

Mbaefese 2:17

Man A va a Loho u Dedoo A yôô bem sha ci wen mba ne lu ica man bem sha ci u mba ve lu ikua ikua kpaa.

Duteronomi 2:26

Ken desereti u Kedemoti la, m tindi mbatyomov hen Shihon tor u Heshebon, a akaaôron a bem, m kaa mer:

Duteronomi 20:11

Tsô aluer una rumun bem, una bugh u yô, nahan ior mba á kohol ve ker la cii vea hingir sha ikev you, vea eren we tom.

Duteronomi 20:9

Tsô zum u mbavesen mbala vea kuren kwaghôron a ior yô, i̱ ver ukurmbautyav sha ior.

Mbaajiriv 11:12

Tsô Yefeta tindi mbatyomov hen tor u Mbaamon a kaa er: Ka nyi i zough u a mo, u ve her a mo sha u va nôngon ityav a tar wama?

Mbaajiriv 21:13

Nahan mkohol u ior cii tindi, i za ôr kwagh a Mbabenyamin mba ve lu hen vande u Rimon la, er i hime a ve ve.