Duteronomi 20:1 - ICIGHAN BIBILO

¹ Zum u ú za ityav mbi nôngon a mbaihomov ou, man ú nenge anyinya man akeke a nyinya kua ior mba ve hembe u iyenge kpaa, de cie ve ga; gadia TER, Aôndo wou, u A dugh a we ken tar u Igipiti la, ngu a we imôngo.

Duteronomi 20:1 Iomraidhean Croise

Genese 26:3

Lu shir ken tar ne, Mo kpaa Me lu a we, Me ver u doo doo; gadia ka we kua tsombor wou Me na ne ityar ne cii ye, Me taver mbum Wam, u M bum a teru Aberaham la;

2 Kroniku 14:10

Nahan Asa due u za zuan ityav a na, maa ve samber ityav shin pev u Sefata hen Maresha.

2 Kroniku 14:11

Tsô Asa genger imo yila TER, Aôndo na, a kaa er: TERE, ma orwasen u nana nyôr hen atô u or u ageegh vea isheeror nan ngu ga, saa We; wase se TERE, Aôndo wase, gadia se mba suur sha a We, man ka ken iti You kpaa se ve ityav hen ikpelaior ne ye. TERE, ka We U lu Aôndo wase ye; or a̱ de hembe ga, saa We tseegh.

2 Kroniku 20:12

Aôndo wase, Ú shi ôr ve ijir gaa? Gadia se mba a agee sha ikpelaior i vesen i i ve ityav hen vese ne ga, man se kera fa kwagh u sé er ga, kpa ashe ase nga sha awe.

2 Kroniku 20:15

nahan a kaa er; Ver nen ato, ne Mbayuda cii, man ne mba ne tem ken Yerusalem, man we tor Yehoshafati kpaa; TER ngu kaan a ven nahan er: De cie nen ga, asema kpaa a̱ de yen ne sha ci u ikpelaior i vesen ne ga; gadia ityav ka mbi yenev ga, ka mbi Aôndo je.

Upasalmi 118:6

TER ta ikaa a mo, me kera cia ga, ka nyi je or á ereme?

Upasalmi 20:7

Mbagenev mba suur sha akekeautya, mbagenev yô, sha anyinya, kpa se yô, sea ter iti i TER, Aôndo wase.

Upasalmi 23:4

Shin mea karen ken pev u mure u kuugh kpaa, me cia kwagh u bo ga, sha ci u We U lu a mo yô; aga Wou man gbough Ough ka ve surun mo ishima.

Upasalmi 46:11

TER u akum a Sha ngu a vese, Aôndo u Yakob ka ijiir yase i yeren. Sela. Ngun ka sha ci u orhemen u mbawanatsam. Ka Pasalmi u ônov mba Kora

Upasalmi 46:7

TER u akum a Sha ngu a vese; Aôndo u Yakob ka ijiir yase i yeren. Sela.

Upasalmi 46:8

Va, va nenge nen ityom i TER, A er akaacieryol shin tar,

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 43:2

Zum u wea peren gidamnger yô, Me lu a we; wea peren uifi kpaa, vea uve u ga; wea zenden ker atô usu kpaa, ua hia u ga; nomborusu kpaa ua kôr u ga.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yeremia 16:14

Nahan yô, nenge, ayange nga van, kape TER A kaa ne, a á kera kaa er: Er TER u A dugh a Mbaiserael ken tar u Igipiti A lu u uma ne, ga;

Sekaria 10:5

Vea hingir er mbaageev mba ve ndyar angahar shin angbiôr a sha akômaigbinda ken utya yô; vea nôngo ityav, gadia TER ngu a ve; mbaanyinyav vea va ahenge.

Numeri 10:9

Zum u né mough hen tar wen u za nôngon ityav a mbaihomov enev mba ve eren ne ican yô, tôngo nen ukakaki puusu puusu, tsô á umbur ne sha ishigh ki TER, Aôndo wen, á yima ne sha ikev i mbaihomov enev.

Numeri 23:21

I nenge a ifer ken Yakob ga, shi i nenge a injughul ken Iserael kpaa ga; TER, Aôndo na, ngu a na imôngo, awer a gbiren a ember tor nga her a ve.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

Duteronomi 1:29

Zum la m kaa a ven mer: Ishima i̱ de yen ne ga, man de cie nen ve kpaa ga.

Duteronomi 2:7

Gadia TER, Aôndo wou, ver u doo doo sha tom wou u aveegh cii; A fa zende wou u ken zegedeserti ne; anyom akunduahar ne, TER, Aôndo wou, lu a we imôngo; ma kwagh ban u ga.

Duteronomi 20:2

Tsô, shighe u né za mgbôghom hen ijiir i utya yô, pristi a̱ kporom a̱ ôr kwagh a ior,

Duteronomi 20:3

a̱ kaa a ve er: Ungwa nen, ne Iserael, nyian ne va sha u nôngon ityav a mbaihomov enev; ishima i̱ de yen ne ga, de cie nen ga, de gbidyen nen ikarikase iyol ga, shi de cie nen sulugha sha ci ve ga;

Duteronomi 31:6

Taver ishima lu icihi, de cie ga, de luun a mciem iyol sha kwagh ve kpaa ga; gadia TER, Aôndo wou, ka Un A ze a we imôngo ye; Una kende u ga, Una undu u kpaa ga.

Duteronomi 31:8

Ka TER Una hemen we ye; Una lu a we, Una kende u ga, Una undu u kpaa ga; de cie ga, de luun a mciem iyol kpaa ga.

Duteronomi 7:1

Zum u TER, Aôndo wou, Una nyôr a we ken tar u u ze sha u za ngohol u la yô, man Una zenda akuraior kpishi sha ishigh you kera, ka Mbahiti man Mbagirgashi man Mbaamor man Mbakanaan man Mbaperishi man Mbahivi man Mbayebushi, akuraior ataankarahar a a hembe u iyenge man agee kpaa yô,

Duteronomi 7:18

Yô, de cie ve ga; umbur kwagh u TER, Aôndo wou, lu er a Farao kua Igipiti cii la;

Duteronomi 7:21

Ishima i̱ de te u kwe sha ci ve ga; gadia TER, Aôndo wou, ngu u hen atô, ka Aôndo u hemban man u cier iyol.

Duteronomi 9:3

Yô, fa nyian, TER, Aôndo wou, ka Un je A lu peren hemen ne, er usu u hian nahan ye; Una tim ve, Una er ve vea var inya sha ishigh you; nahan ú tim ve fese, er TER A kaa nahan.

Yosua 1:5

Ma or nana fatyô u tilen sha ishigh you sha ayange a u lu uma ne ga; er M lu a Mose nahan, kape we kpaa Me lu a we la; Me kende u ga, Me undu u kpaa ga.

Yosua 1:9

M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.

Yosua 11:9

Yosua er a ve er TER kaa un nahan; a tôndo anyinya ve igbela i akishiangahar, a nande akeke ve sha usu.

Mbaajiriv 6:12

Tsô Ortyom u TER va ande her a na, kaa a na er: TER ngu a we, we orageegh u tseen ishima sha kwagh.

Mbaajiriv 6:16

Tsô TER kaa a na er: Mimi je, Me lu a we, ú hemba Mbamidian er ka or môm nahan.

1 Samuel 17:32

Nahan Davidi kaa a Saulu er: Or môm môm, ishima i̱ de kera yen nan sha ci u or la ga, wanye wou una za nôngo a Orfiliti la.