Duteronomi 2:7 - ICIGHAN BIBILO

⁷ Gadia TER, Aôndo wou, ver u doo doo sha tom wou u aveegh cii; A fa zende wou u ken zegedeserti ne; anyom akunduahar ne, TER, Aôndo wou, lu a we imôngo; ma kwagh ban u ga.

Duteronomi 2:7 Iomraidhean Croise

Genese 12:2

Me er u, ú hingir ikurior i vesen, Me ver u doo doo, Me er iti you i̱ za gwa man shi ú lu iveren kpaa.

Genese 24:35

TER ver terem doo doo tsung je, a hingir shagbaor; shi A na un akum a iyôngo kua abua man azurfa kua zenaria man ikpan i nomso man i ukase man urakumi kua ujaki.

Genese 26:12

Isaka lôô iyiav ken tar la; hen inyom la, iyiav tser kwa akunduataan, gadia TER ver un doo doo.

Genese 30:27

Tsô Laban kaa a na er: Aluer a shi doo u a mo yô, m nenge ikav er TER A verem doo doo sha ci wou yô.

Genese 39:3

Ter na kav er TER A lu a na yô, man shi er hanma kwagh u a ker ave mi cii TER A veren un doo doo yô,

Genese 39:5

Tsô hii hen shighe u a ver un or u nengen un ya kua sha akaa a a lu a mi cii la yô, TER ver ya u Origipiti la doo doo sha ci u Yosev; iveren i TER lu sha akaa a a lu a mi cii, a ken ya kua a ken won kpaa.

Nehemia 9:21

Een, anyom akunduahar je, U lu koson ve ken desereti, kwagh ban ve ga; akondo a ve bee iyol ga, angahar a ve kpaa mura ga.

Yobu 23:10

Gadia A fa er zende wam u lu yô; aluer Una karem kpaa, me due er zenaria nahan.

Upasalmi 1:6

gadia TER fa gbenda u mbaperapera, kpa gbenda u mbaaferev yô, ua saa ishe.

Upasalmi 107:4

Mbagenev zende wue wue ken desereti, gbenda kpaa lu ga, ve zua a gar u teman ker ga;

Upasalmi 31:7

Me ember, me ember tsung sha erdoo Wou, gadia U nenge ican yam, U fa er i lu zan uma wam iyol yum yô.

Upasalmi 90:17

Mdoom ma TER Aôndo wase; ma lu a vese, taver tom u ave ase sha a vese, een, tom u ave ase la, taver u.

Ekesodu 16:35

Mbaiserael lu yan mana la anyom akunduahar zan zan ve za nyôr ken tar u ior ve tem ker yô; ve ya mana la zan zan ve za ar hen ikighirtar i Kanaan.

Yeremia 2:2

Za, za yila sha ato a Yerusalem, kaa Wer: TER ngu kaan nahan er: Sha kwagh wou yô, M umbur erdoo u iyev ou man dooshima u ivaa you, er u dondo sha a Mo ken taaikôngo, hen tar u i lee kwagh her ga yô.

Hosea 13:5

Ka Mo M fa u ken desereti, ken tar u ombor ye.

Amoshi 2:10

Shi Mo kpaa M due a ve ken tar u Igipiti, M hemen ve ken desereti anyom akunduahar sha u u̱ ngohol tar u Amor yô.

Numeri 1:1

TER ôr kwagh a Mose ken desereti u Senai ken tenti u kohol ker la, sha iyange i hiihii i uwer u sha uhar, sha inyom i sha uhar er ve due ken tar u Igipiti kera la, A kaa er:

Numeri 14:33

Ônov enev vea hingir mba zenden ken desereti wue wue er mbakuranilev nahan, zan zan anyom akunduahar je; vea tôô ibo i idya yen zan zan akom a en aa saa ishe ken desereti cii ve.

Numeri 14:34

Iyenge i ayange a ne lu nengen tar la mker, ayange akunduahar la, inyom i môm sha ityough ki hanma iyange, né tôô afer a en, ka anyom akunduahar je la, ka nahan man né fa er i kera doom a ven ga ye.

Numeri 22:12

Aôndo kaa a Balaam er: De ze a ve imôngo ga; man de we ior mbala ifan kpaa ga, gadia ka mba lun a iveren je.

Numeri 32:13

Ishima vihi TER a Iserael tsung je. A er ve, ve gba zenden ken desereti wue wue anyom akunduahar, zan zan kov u u er ifer sha ishigh ki TER la tim kera cii.

Luka 22:35

A kaa a ve er: Zum u M tindi ne a asukunyar ga, a ikpa man akôvangahar kpaa ga, nahan ma kwagh ban ne kpa? Ve kaa er: Kwagh ban ga.

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.

Duteronomi 1:19

Tsô se hembe hen Horebi, se nyôr zegedeserti u cier iyol u ne nenge a mi sha gbenda u zan ken tar u iwoogh u Mbaamor la, er TER, Aôndo wase, kaa se nahan; se va ar hen Kadeshi-barnea.

Duteronomi 1:46

Nahan ne tsa hen Kadeshi ayange kpishi, sha iyenge i ayange a ne tema ker la.

Duteronomi 2:14

Ayange a zende wase cii, hii hen Kadeshi-barnea zan zan per uwagh u Seredi yô, lu anyom ikundugber kar anigheni zan zan mbautyav mba kov la cii ve kpe ve bee ken afo er TER bum a ve yô.

Duteronomi 2:6

Yam nen kwaghyan a ve sha inyar sha u né yaan yô; mngerem kpaa, yam nen a ve sha inyar sha u né maan yô.

Duteronomi 29:4

kpa zan zan hegen TER ngu a na ne ishima i kaven man ashe a nengen man ato a ungwan ga.

Duteronomi 29:5

Anyom akunduahar M hemen ne ken desereti; akondo a ne lu a mi iyol la, bee iyol ga, ikôvough ki shin nguhar ou kpaa, bee iyol ga.

Yosua 5:6

Gadia Mbaiserael zende ken toho anyom akunduahar zan zan ior cii, ka nomso mbanôngontyav mba ve due ken Igipiti je la, ve saa kera, sha ci u ve ungwa imo i TER ga yô; TER kpaa bum a ve er, Una de ve, ve̱ nenge tar u TER lu bum a uter vev, er Una na se la, ga, tar u dumbur a atumbabua man iyough la.