Duteronomi 2:34 - ICIGHAN BIBILO

³⁴ Se ngohol agar a na cii hen shighe la, se tim hanma gar purututu, nomsombaiorov mba keregh man kasev man mbayev mba kiriki kpaa se de or môm nan war ga,

Duteronomi 2:34 Iomraidhean Croise

Duteronomi 3:6

Se tim ve purututu, er se er a Shihon tor u Heshebon nahan; se tim hanma gar purututu a nomsombaiorov keregh man mbayev mba kiriki kpaa.

Duteronomi 7:2

man zum u TER, Aôndo wou, Una gema a, Una na sha ikev you man wea hemba a yô, tim a purututu; de ye ikur a a ga, de zungu a mhôônom kpaa ga.

Duteronomi 7:26

man de ve a kwagh u ihôngorough ken ya wou ga, sha er ú hingir a ifan iyol er un nahan ga yô, kpa nyagh un tsembelee je, i̱ lu u kwagh u ndôhôrshima, gadia ka kwagh u i we un ifan yô.

Yosua 10:28

Sha iyange la je Yosua ngohol Makeda, hemba un sha zwa u sanker, kua tor na; a tim un ci ca cii kua mbaumav mba ve lu ker cii, a shi ma or môm kimi ga; a er a tor u Makeda er lu er a tor u Yeriko nahan.

Yosua 10:40

Kape Yosua hemba tar la cii la, tar u iwoogh man tar u Imbusutariyan la, man tar u delaa, man tar u soughsough, a utor vev cii; a shi ma or ga; kpa a tim ve ci ca cii, hanma kwagh u ôôn cii a tim ci ca cii er TER, Aôndo u Iserael, kaa yô.

Yosua 11:14

Ishar i sha agar la cii kua ilev mbi a, Mbaiserael ya, hingir akaa a ve; kpaa ve wua hanma or sha zwa u sanker zan zan je ve tim ve, ve shi ma kwagh u ôôn ken a ga.

Yosua 6:21

Ve tim akaa a ken gar la sha zwa u sanker ca ca, nomso kua kasev, man mbayev kua ior mba been iyol, man ibua man iyôngo kua ujaki.

Yosua 7:11

Iserael er isholibo; een, ve aver ikuryan Yam je, i M ye a ve la; een, ve tôô kwagh sha akaa a i te icin sha mi la; iv kpaa ve ii, icugh kpaa ve tsugh man ve ver un ken ikav vev je.

Yosua 9:24

Ve gema ve kaa a Yosua er: I ôr ikpan you er TER, Aôndo wou, kaa a wanakiriki Na Mose er a̱ na ne tar ne cii kpee, né tim mba ve tem ken tar ne cii sha ishigh yenegh kera, nahan yô, se cia ne tsung sha ci u uuma asev, kape i lu man se er nahan ne.

1 Samuel 15:3

Hegen yô, za, za ta num sha Amaleki, tim akaa a ve lu a mi cii, mhôônom ma de ker u a ve ga. Wua nomsoor kua kwase, wanye kua wanikundan u man atumba, bua kua iyôngo, man rakumi kua jaki kpaa.