Duteronomi 2:11 - ICIGHAN BIBILO

¹¹ mban kpaa i nengen ve er ka Mbarefai, vough er Mbaanaki nahan; kpa Mbamoabi yilan ve er Mbaemi.

Duteronomi 2:11 Iomraidhean Croise

Genese 14:5

Sha inyom i sha pue kar unyiin la, Kedor-laomer va a utor mba ve lu a na ityô, ve va hemba Mbarefai ityav ken Asheteroti-Karnaim, man Mbashushi shin Ham, man Mbaemi ken Shave Kiriataim,

Genese 6:4

Akôraior lu sha won sha ayange la, kua ken masejime kpaa, zum u ônov mba Aôndo tsa a ônkasev mba iorov, mar a ve la; mbala lu ior mba ageev, mba sha ayange a ngise la, mbaduenati je.

2 Samuel 21:16

Ishebi-benobi u a lu môm ken ônov mba Rafa, u myohom ma iwange na kuma ushekel mba togula deri utar la, a kange sanker u he shin iwenge, a lu henen er una wua Davidi.

Numeri 13:22

Ve kôndo sha Imbusutariyan la, ve va nyôr sha Heberon; Ahiman man Sesai man Talmai, ônov mba Anaki lu ker. Er i maa Heberon yô, anyom kar ataankarahar man i mase maan Soan ken Igipiti ye.

Numeri 13:28

Kpa mba ve tem ken tar la, ka ior mba ageev, agar kpaa i maa a gir, a kehe kpishi, shi se nenge a ônov mba Anaki ker kpaa.

Numeri 13:33

Se nenge mbagbanakôr ker, ônov mba Anaki, tsombor u mbagbanakôr; se gema se nenge ayol ase yô, se lu er mbaahungwa nahan, kape ve kpaa ve lu nengen se je la.

Duteronomi 1:28

Ka han sé yemene? Anmgbianev asev na se asema a yinan sha er ve kaa er: Ior mbala hemba se ikôr i gban man ityaven kpaa, agar kpaa ka a tamen, i maa a ugil tav za tagher sha aôndo je; se nenge a Mbaanaki keregh kpaa.

Duteronomi 2:20

(U kpaa i nenge u er ka tar u Mbarefai; Mbarefai tema ker tsuaa la, kpa Mbaamon yô, ve yilan ve er Mbasamsumi;

Duteronomi 3:11

(Gadia Ogo tor u Bashan la, ka un tseegh mase shin ken Mbarefai ye; gambe na lu gambeiyô; ka ken Raba u ken ônov mba Mbaamon a lu ye gaa? Ityaven na ka aseva ataankaranyiin je, igbangese na gema ka aseva anyiin je, sha ishiva i karen kwagh a mi keke la.)

Duteronomi 9:2

ior mba gban akôr, mba taven, Mbaanaki, mba u fe ve, mba u ongo, i er kwagh ve er: Ka an nana fatyô u tilen sha ishigh ki Mbaanaki laa?