Duteronomi 19:8 - ICIGHAN BIBILO

⁸ Aluer TER, Aôndo wou, Una seer we tar er A bum a uter ou, man Una na u tar u A tende zwa a uter ou er Una na ve u la cii—

Duteronomi 19:8 Iomraidhean Croise

Genese 28:14

Tsombor wou ua hingir er vuulevu u hen inya yô, ú samber je ú za ar ityôtar man ityoughkitaregh man imbusutarimese man imbusutariyan; ka ken a we kua ken tsombor wou je man akuraior a sha won cii aa zua a iveren ye.

1 Utor 4:21

Solomon tema tor sha ityartor cii, hii hen ifi u Uferati zan zan ar hen tar u Mbafiliti, shi ar henpe tar u Igipiti va kighir la; ve lu tan kpandegh, shi ve lu eren Solomon tom sha ayange a a lu uma la cii.

Esera 4:20

Ngise utor mba ageev kpaa lu ken Yerusalem, ve tema tor sha ityar i i lu yande Ifi la cii; i lu tan ve kpandegh, ve lu saven akaa, shi ve ngohol inyaregh ki peren kpaa.

Ekesodu 23:31

Me ver akighir a tar wou á hii hen Zegemnger u Nyian je zan zan á za ar hen zegemnger u Mbafiliti, shi á hii ken desereti zan zan á za ar hen ifi u Uferati, gadia Me gema mba ve tem ken tar la, Me na ve sha ikev you; ú zenda ve sha ishigh you kera.

Ekesodu 34:24

Gadia Me zenda akuraior sha ishigh you kera, shi Me er tar wou u̱ gbanger kpaa; ma or nana tôm tar wou zum u ú zaan hen ishigh ki TER, Aôndo wou, hanma inyom kwa tar la ga.

Duteronomi 12:20

Zum u TER, Aôndo wou, Una seer we tar wou er A tende zwa a we nahan, man ú kaa wer: Me ya inyam–gadia sar u u yan inyam; yô, gba yan ase inyam sha ishima you je tsô.

Duteronomi 19:7

Ka nahan man m kaa u mer: Tsegha agar atar.