Duteronomi 19:4 - ICIGHAN BIBILO

⁴ Kwagh u or u nan woo or man nana yevese nana za ker sha u nana war yô, ka un ne: U nan woo anngô u nan abu man nana vande kôron nan ihom kera kpaa ga;

Duteronomi 19:4 Iomraidhean Croise

Genese 31:2

Yakob kpaa, er a nenge ishigh ki Laban yô, nenge, ki kera lu a na er ngise nahan ga.

2 Samuel 14:11

Tsô a kaa er: Tor shi umbur TER, Aôndo wou, sha er or u oron iyev i awambe, nana̱ de kera ze hemen u timin ior zan zan i̱ va wua wan wam ga; tsô a kaa er: Er TER A lu u uma ne, ma gwarce u sha ityough ki wan wou môm tsô, una gba inya ga.

1 Kroniku 11:2

Sha ayange a tsuaa a Saulu lu tor la je kpaa, lu we je u hemen Iserael, u duen a ve, shi u nyôron a ve kpaa ye; man TER, Aôndo wou, kaa a we er: Ka we ú kuran ior Av Iserael, shi ka we ú lu orhemen u ior Av Iserael kpaa ye.

Yesaia 30:33

Gadia i vande sôron Tofeti ngise je; i sôr un sha ci u utor kpaa; A er un a za man a gbanger kuma sha ci u usu man ikon kpishi je; iôôn i TER ngi er ka ikuwan i sulfur nahan, ngi tsaren un.

Numeri 35:12

Agar la a̱ hingir ne ajiir a waren ker sha ikev i or u oron iyev la, sha er or u nan woo or la nana̱ de kpe ga, saa nana vande tilen sha ishigh ki ior, á ôr nan ijir ve.

Numeri 35:9

TER shi ôr kwagh a Mose A kaa er:

Duteronomi 19:3

Sôr igbenda; pav tar, u TER, Aôndo wou, Una na u er ú ngohol u la, uipaven utar, sha u hanma or u nan woo or yô, nana yevese nana za nyôr ker.

Duteronomi 19:5

er or u nan ze shin ikô a anngô u nan sha u za gberen ikon nahan, nana kende ijembe sha u gberen kon man gbengerjembe la ua tsuwa ken hondo, ua tume anngô u nan la, nana kpe yô, ka nan nana̱ yevese nana̱ za hen u môm u ken agar la, nana war;

Duteronomi 19:6

sha er or u oron iyev sha awambe nana̱ de zende or u nan woo or la, zum u ishima i kende nan la, nana̱ za kohol nan sha ci u gbenda u lihi, nana̱ wua nan ga; gadia nan er kwagh u kuman ku ga, sha ci u nan vande kôron ngula ihom ga yô.

Duteronomi 4:42

Sha er or u nan woo or yô, nana̱ za ta ker; or u nan woo orgen abu man nan vande kôron nan ihom kera kpaa ga, nana̱ yevese nana̱ za ta ken gar môm u ken agar la nana̱ war:

Yosua 3:4

Kpa na nen ian hen atô wen a na, i̱ kuma aseva dubu uhar nahan; de mgbôghom nen a na ga, sha u ne̱ fa gbenda u né ze sha mi yô; gadia ne mba a vande karen hen gbenda ne ga.