Duteronomi 18:10 - ICIGHAN BIBILO

¹⁰ Or u nan er wan u nan u nomso shin u kwase a kar ken usu, i̱ de zough a nan ken a we ga, shin or u kpehen ishor, shin or u eren ahir, shin or u pasen uivande, shin or u lamen ishor,

Duteronomi 18:10 Iomraidhean Croise

Genese 44:5

Kera ka i je man terem a me kwagh a min shi a tsengeôron akaa min kpaa ye gaa? Ne er kwaghbo er ne er nahan yô.

2 Utor 16:3

kpa a zaan sha gbenda u utor mba Iserael, zan zan je yô, a er wan na kar ken atô u usu sha inja i kwaghhôngorough u atôatyev a TER lu zendan a sha ishigh ki Mbaiserael kera la.

2 Utor 17:15

Ve venda akaawan a Na man ikuryan Na i A ya a uter vev kua mbampase Nav mba A pase ve kpaa; ve gema, ve dondo akaagbilinigh zan zan ve hingir dang, ve dondo akuraior a a kase ve la, a TER wa ve tindi sha kwagh ve er, ve̱ de eren er ve nahan ga la.

2 Utor 17:17

Ve er ônov vev mba nomso kua mba kasev, ve kar ken usu, ve kpehe asor, shi ve er ahir, ve tee ayol a ve sha u eren ifer sha ishigh ki TER, bamen Un.

2 Utor 21:6

Shi a er wan na kar ken atô u usu, a eren ahir, man lu veren ishima sha ishor i kpehen, a ver mba ve lu a ujijingi mba mbakpenev kua mbatsenganpasen akaa; a er ifer kpishi sha ishigh ki TER, sha u bamen Un.

2 Utor 23:24

Man shi mba ve lu a ujijingi mba mbakpenev man mba tsengan pasen akaa man uterafim man ieev kua akaa a ihôngorough cii a i nenge a mi ken tar u Yuda, man ken Yerusalem yô, Yoshia due a mi kera, sha u una taver akaaôron a atindigh a i nger ken ruamabera u pristi Hilkia zua a mi ken iyou i TER la.

1 Kroniku 10:13

Kape Saulu kpe sha ci u kwaghbo u a er TER la, man sha ci u a wa imo i TER iko ga, man sha ci u a pine jijingi u orkpen kwagh,

2 Kroniku 28:3

Man shi a nande kwaghhumandoon shin pev u wan u Hinom, a nande ônov nav sha usu sha aeren a hôngorough a atôatyev, a TER lu zenda a sha ishigh ki Mbaiserael kera la.

2 Kroniku 33:6

Man shi a er ônov nav ve kar ken atô u usu shin pev u wan u Hinom; a eren ahir man lu veren ishima sha ishor i kpehen, man a lu a ukurayol; a ver mba ve lu a ujijingi mba mbakpenev, man mba tsengan pasen akaa; a er ifer kpishi sha ishigh ki TER, sha u bamen Un.

Ekesodu 22:17

Aluer ter na una venda gbang gbang u nan nan i yô, nana̱ na inyaregh vough er i kemen anuunaukase nahan.

Ekesodu 22:18

De kera deen kwase u eren ahir a̱ luun uma ga.

Yesaia 47:13

U vôr a mbamhen ou mba kpishiv la; yô, de, mba ve paven Usha, mbanengen asan, mba ve lu ôron we kwagh u á va eren sha iwer iwer la, ve̱ mough ve̱ tile sha, ve̱ yima u sha akaa a á va tser u la.

Yeremia 27:10

Ka aie ve tsengeôron ne ye, sha u karen a ven hen tar wen kera, yemen a ven ca; man sha u M̱ zenda ne ne̱ saa ishe kera yô.

Yeremia 27:9

Nahan ne yô, de veren nen ato sha uprofeti enev, shin sha mbakpehenasor enev, shin sha mnyam ma cien enem, shin sha mbatsenganfan enev, shin sha mbaahiriv enev kpaa ga, mba ve er kwagh aven ve kaa er: sha ikev i tor u Babilon ga la.

Yeremia 32:35

Ve maa ajiir a taven sha a Baal kpaa, a a lu shin pev u Ben-hinom, sha u nan ônov vev mba nomso kua mba kasev ve kar ken usu sha u civir Moleki; kwagh u M ne ve zwa ga, a nyer ken ishima Yam kpaa ga; sha u vea er kwagh u ndôhôrshima ne, vea na Yuda a er isholibo yô.

Yeremia 7:31

Ve maa ajiir a taven sha a Tofeti, u a lu shin Pev u Ben-hinom la, sha u vea nande ônov vev mba nomso kua mba kasev sha usu, kwagh u M ne zwa ga, man shi a nyer ken ishima Yam kpaa ga yô.

Levitiku 19:26

De ye nen ma kwagh kua awambe a na ga; de kpehen nen ishor ga, shi de eren nen ahir kpaa ga.

Levitiku 19:31

De ze nen hen ujijingi mba mbakpenev ga, shin mbatsenganpasen akaa kpaa ga, de keren nen ve sha er né hôngor ayol a en sha ve ga; ka Mo TER M lu Aôndo wen yen.

Levitiku 20:6

Or u nan ze hen ujijingi mba mbakpenev man mbatsenganpasen akaa sha u nana er idya sha u dondon ve yô, Me kera saan ishigh a or la ga, Me dugh nan ken nongo u nan kera.

Mika 5:12

Me tim mbaasorov ken uwegh ough kera, ú kera lu a mbaahiriv ken a we ga;

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Aerenakaa A Mbaapostoli 19:19

Man mbagenev kpishi ken mbaerenahir, ve kohol ityakerada ve, ve va nande sha ishigh ki ior cii, ve ôr ishe i ityakerada ngila, inyaregh kuma agbenger a azurfa dubu akunduahargber,

Aerenakaa A Mbaapostoli 8:9

Kpa orgen vande lun ken gar la, iti na er Shimon, lu eren ahir keregh, lu kpiligh mba ken Samaria iyol, lu kaan er un ngu ma zegekwagh je.

Mbagalatia 5:20

man u civir akombo man ahir a eren man ihom i kôron man iyongo i keren man iwuhe man ishima i nyoon man u wan iyol you iko tseegh, man u hendan akaa, man mbampav,

Duteronomi 12:31

De eren a TER, Aôndo wou, nahan ga; gadia hanma kwagh u a lu TER kwaghhôngorough a vihi Un yô, ve er mbaaôndo vev; gadia ônov vev mba nomso man mba kasev je kpaa, ka ve nande ve sha usu sha ci u mbaaôndo vev.

1 Samuel 15:23

Gadia, u hendan kwagh, ka er ishor i kpehen nahan, man ityough ki taver gema ka er akombo a sôron kua eev mbu civir nahan. Er u vende u ungwan imo i TER yô, Un kpaa A venda u, u shi lun tor.

1 Samuel 28:3

Samuel vande kpen kera ve, Iserael cii vaa ku na, man i ii un ken Rama ken gar na iyol na. Yô, Saulu vande zendan mba ve er kwagh a ujijingi mba mbakpenev man mbatsenganpasen akaa ken tar la kera.

1 Samuel 28:7

Tsô Saulu kaa a mbayev nav er: Kerem nen kwase u a er kwagh a ujijingi mba mbakpenev yô, m̱ za her a nan, m̱ za pine nan kwagh. Mbayev nav kaa a na er: Nenge, kwase u a er kwagh a ujijingi mba mbakpenev yô, ngu ken Endor.

1 Samuel 28:8

Nahan Saulu gema iyol, haa akondo agen, za, un a ior mbagenev uhar a na imôngo, ve va nyôr hen kwase la tugh; a kaa a na er: Shi tsengaôron mo kwagh sha jijingi u orkpen, vam a un u me ter u la.

1 Samuel 28:9

Tsô kwase la kaa a na er: Nenge, u fa kwagh u Saulu a er, er a tim mba ve er kwagh a ujijingi mba mbakpenev, kua mbatsenganpasen akaa ken tar ne, kera yô, man ka nyi u lu hônon uma wam, sha u zan a mo ken kuu?