Duteronomi 17:9 - ICIGHAN BIBILO

⁹ za hen Mbalevi mba ve lu upristi yô, man hen orjir u a tem ijir hen ayange la, za pine, nahan vea tese u mkur u ú kure ijir la yô.

Duteronomi 17:9 Iomraidhean Croise

1 Kroniku 26:29

Ken Mbaisehar yô, i ver Kenania a ônov nav er ve̱ lu mbahemenev man mbaajiriv mba Iserael sha ci u akaa a ken won.

Ekesodu 18:16

Zum u ka vea lu a ma kwagh yô, ve va her a mo; m kure kwagh u or u kwagh a zough nan a orgen yô, m tese ve akaawan a TER kua atindi a Na kpaa.

Ekesodu 22:8

Man aluer á zua a ormbaiv la ga yô, orya la nana̱ za hen Aôndo, nana̱ za bum er nan bende uwegh sha inyaregh ki or la ga yô.

Yeremia 18:18

Tsô ve kaa er: Va, sé hen nen kwagh u sé er Yeremia yô; gadia atindiakaa aa bee hen pristi ga, mhen kpaa una bee hen orfankwagh ga, kwaghôron kpaa una bee hen profeti ga. Va, sé za vihi nen un sha nombor; sé kera ver nen ishima sha ma kwaghôron na môm môm ga.

Esekiel 44:24

Sha kwagh u ayôôso yô, ve̱ lu mbaôron ijir, ve̱ kure ijir sha akaaôron a jirigh a Am; ve̱ waan atindi a Am man akaawan a Am iko ken uiniongo mba M ver la cii, man ve̱ tseghan ayange a memen a Am.

Hagai 2:11

TER u akum a Sha ngu kaan nahan er: Shi pine nen upristi sha kwagh u atindigh, ner:

Sekaria 3:7

TER u akum a Sha ngu kaan nahan er: Aluer ú zenden sha igbenda Yam man ú eren tom u M ne u yô, nahan ú nengen sha ya Wam man shi ú kuran ityembeya Yam, Mo kpaa Me na u ian i nyôron ken mba ve til heen ne.

Sekaria 7:3

ve̱ za pine upristi mba sha iyou i TER u akum a Sha man uprofeti, er: M̱ vaan, man m̱ hôron kwaghyan sha uwer u sha utaan, er m vande eren anyom a a kar kpishi la nahan shinii?

Malaki 2:7

Gadia hemba doon u zwa u pristi ma u kor mfe man ior ma ve ker ityesen ken zwa na, gadia ka ortyom u TER u akum a Sha je.

Duteronomi 16:18

Ver mbaajiriv man mbavesen ken agar a ou cii, a TER, Aôndo wou, Una na u, sha ikwe you yô; ve̱ ôron ior ijir sha mimi.

Duteronomi 17:10

Er sha zwa u ve kur ijir, ve kaa u, hen ijiir i TER Una tsuwa la vough; ver ishima, er sha akaa a ve tese u la cii,

Duteronomi 21:5

upristi, ônov mba Levi ve̱ kporom; gadia ka ve je, TER, Aôndo wou, A tsough ve sha u ve̱ eren Un tom, ve̱ naan iveren ken iti i TER, man ka sha imo ve man á kuren anyiman man hanma gbidiv kpaa ye;

Duteronomi 25:1

Aluer kwagh u anyiman una mough hen atô u nomsombaiorov man vea va hen ijir man i kure ve ijir, i na ormimi la ishô, i gema i na orifer la ibo,

Duteronomi 33:10

Vea tese Yakob akaaôron a Ou a jirigh, vea tese Iserael tindi Wou; Vea ver kwaghhumandoon sha ishigh You, man nagh ku nanden ku jimin sha atse Ou a nanden nagh sha mi la.