Duteronomi 17:8 - ICIGHAN BIBILO

⁸ Aluer ma kwagh una hemba u u ôron ijiir na yô, á lu kwagh u iwooor, shin kwagh u kpelan, shin ivav i gberen, ayôôso a hen agar a ou la, nahan mough za hen ijiir i TER Aôndo wou Una tsuwa la,

Duteronomi 17:8 Iomraidhean Croise

2 Samuel 15:2

Shi Abesalom a mough pepe a tile hen gbenda hen hundagar; nahan aluer hanma or nana va ijir i yilan hen tor yô, Abesalom a yila nan, a pine nan er: U ngu or u ken hanma gara? Nan kaa er: Wanakiriki wou ka u ken kwe ugen u Iserael.

1 Kroniku 26:29

Ken Mbaisehar yô, i ver Kenania a ônov nav er ve̱ lu mbahemenev man mbaajiriv mba Iserael sha ci u akaa a ken won.

Ekesodu 18:15

Tsô Mose kaa a ter na kem er: Ka sha ci u ior ve va her a mo er vea va pine Aôndo kwagh;

Ekesodu 18:26

Ve gba ôron ior ajir ayange ayange, a lu akaa a cimin yô, ve za a mi hen Mose, kpa akaakiriki yô, ve ayol a ve, ve gba kuren a tsô.

Ekesodu 21:20

Aluer or a gbidye kpan u nan shin kpan u nan u kwase sha gbo, man una gema kpe nan sha ave yô, i̱ or iyev la kpee je.

Ekesodu 21:22

Aluer nomsombaiorov vea lu nôngon num man ugen a ta sha kwase uya, je una dugh iyav, kpa kwagh ugen a kera er ga yô, i̱ ya or la zwajirigh kpee je, sha kwagh u nom u kwase la a kaa yô; nana̱ kimbi er mbaajiriv ve rumun la.

Ekesodu 21:28

Aluer bua una kôr nomsoor shin kwase, vea kpe yô, i̱ wua bua la sha awen kpee je, i̱ de ye inyam na ga; kpa or u bua la yô, i̱ de nan.

Ekesodu 22:2

Aluer á kôr ormbaiv iin ave je, man á gbidye nan, nana kpe yô, ibo ia lu sha awambe a nan la ga,

Ekesodu 22:8

Man aluer á zua a ormbaiv la ga yô, orya la nana̱ za hen Aôndo, nana̱ za bum er nan bende uwegh sha inyaregh ki or la ga yô.

Esekiel 44:24

Sha kwagh u ayôôso yô, ve̱ lu mbaôron ijir, ve̱ kure ijir sha akaaôron a jirigh a Am; ve̱ waan atindi a Am man akaawan a Am iko ken uiniongo mba M ver la cii, man ve̱ tseghan ayange a memen a Am.

Hagai 2:11

TER u akum a Sha ngu kaan nahan er: Shi pine nen upristi sha kwagh u atindigh, ner:

Malaki 2:7

Gadia hemba doon u zwa u pristi ma u kor mfe man ior ma ve ker ityesen ken zwa na, gadia ka ortyom u TER u akum a Sha je.

Numeri 35:11

tsuwa nen agar ver nen a̱ lu ne agar a waren ker; sha er or u nan woo or, nan woo or abu yô, nana̱ yevese nana̱ za ta ker yô.

Numeri 35:16

Kpa aluer nana gbidye or sha iyô je nana kpe yô, nan hingir orwuanor ve; orwuanor la, i̱ wua nan kpee.

Duteronomi 1:17

Sha ijirôron kpaa, de hembe wan nen orgen iko a orgen ga, or u ikoogh ga kpaa, waan nen nan iko vough er or u ikoogh nahan, de cie nen or ashe ga, gadia ijir ka i Aôndo; kwagh u a hembe ne yô, va nen a mi her a mo, mo me ungwa un.

Duteronomi 12:11

shighe la ijiir i TER, Aôndo wen, Una tsuwa i, sha u Una ver iti Na i̱ luun ker la, ka ker né zaan a akaa a M kaa ne la cii ye: iniav yenev mbi nanden man iniav yenev mbi sôngon man môm-ken-upue enev man nagh ku kenden sha ku sha uwegh enegh, man uicighan mba uiceghzwa enev mba ne tsegh a TER yô;

Duteronomi 12:14

saa hen ijiir i TER Una tsuwa ken ma kwe wou, ka heregh ú naan iniav you mbi nanden, shi ka heregh kpaa ú eren akaa a M kaa u cii ye.

Duteronomi 12:5

Kpa ijiir i TER, Aôndo wen, Una tsuwa ken ikwe yen cii, sha u Una ver iti Na ker, er i̱ lu ijiir Na i teman yô, ker nen i, vaan nen her;

Duteronomi 19:17

ve mba uhar mba anyiman a lu her atô ve la, ve̱ za tile sha ishigh ki TER sha ishigh ki upristi man mbaajiriv mba ve tem ijir hen ayange la;

Duteronomi 19:4

Kwagh u or u nan woo or man nana yevese nana za ker sha u nana war yô, ka un ne: U nan woo anngô u nan abu man nana vande kôron nan ihom kera kpaa ga;

Duteronomi 21:5

upristi, ônov mba Levi ve̱ kporom; gadia ka ve je, TER, Aôndo wou, A tsough ve sha u ve̱ eren Un tom, ve̱ naan iveren ken iti i TER, man ka sha imo ve man á kuren anyiman man hanma gbidiv kpaa ye;

Duteronomi 25:1

Aluer kwagh u anyiman una mough hen atô u nomsombaiorov man vea va hen ijir man i kure ve ijir, i na ormimi la ishô, i gema i na orifer la ibo,