Duteronomi 17:3 - ICIGHAN BIBILO

³ nana za civir mbaaôndo mbagenev, nana gure ú civir ve, a lu iyange shin uwer, shin hanma kwagh u a lu ken ikum i Sha, u Mo M ne zwa ga,

Duteronomi 17:3 Iomraidhean Croise

Genese 2:1

Nahan i kure u gban Sha man tar, kua akum a ve cii:

2 Utor 21:3

Gadia a shi a maa ajiir a taven sha a ter na Hesekia lu vihi kera la; a ta atse a nanden nagh sha mi imôngo je sha ci u Baal, a er Ashera kpaa, er Ahaba tor u Iserael lu er nahan, a guren civir akum a Sha cii, a waan a iko.

Ekesodu 22:20

Or u nan ne ma aôndo ugen nagh ku sôngon i lu TER tseegh ga yô, i̱ tim nan kera purututu.

Yeremia 19:5

man ve maa ajiir a taven sha a Baal, sha u nanden ônov vev mba nomso sha usu, nan Baal iniav mbi nanden a mi, kwagh u M ne zwa ga, man shi M kaa kpaa ga, man shi a nyer ken ishima Yam kpaa ga yô.

Yeremia 32:35

Ve maa ajiir a taven sha a Baal kpaa, a a lu shin pev u Ben-hinom, sha u nan ônov vev mba nomso kua mba kasev ve kar ken usu sha u civir Moleki; kwagh u M ne ve zwa ga, a nyer ken ishima Yam kpaa ga; sha u vea er kwagh u ndôhôrshima ne, vea na Yuda a er isholibo yô.

Yeremia 7:31

Ve maa ajiir a taven sha a Tofeti, u a lu shin Pev u Ben-hinom la, sha u vea nande ônov vev mba nomso kua mba kasev sha usu, kwagh u M ne zwa ga, man shi a nyer ken ishima Yam kpaa ga yô.

Yeremia 8:2

man vea gbulugh a sha ishigh ki iyange man ki uweregh kua ki akum a Sha cii, a a doo ve ishima man ve eren a tom, shi ve dondo sha a man ve keren a, man ve gur a inya kpaa la; á kohol akuhe la ga, man shi á ii a kpaa ga, aa hingir ihôghonov mbi sôron sule a min hen inya sha tar la.

Esekiel 8:16

Tsô A va a mo ken tembe u ken atô u iyou i TER la; yô, nenge, hen hunda u tempel u TER hen harga u puadwer a atse a nanden nagh sha mi la, ior lu her er ikundu kar utaan nahan, ve na ajime ken tempel u TER, ve ver ishiv sha ityoughkitaregh; ve lu guren iyange inya, veren ishigh sha ityoughkitaregh.

Duteronomi 11:16

Ver nen ishima sha ayol a en sha er i̱ de bum ne er né kaha né hingir u eren mbaaôndo mbagenev tom, guren civir ve, ga;

Duteronomi 17:4

man i kaa u, u ungwa kwagh la yô, tôv sha min kpiligh kpiligh, aluer kwagh la una lu nahan mimi keng je, er i er kwagh u ihôngorough ken Iserael yô,

Duteronomi 4:19

man shi sha er u̱ de kera kenden ashe sha man zum u ú nenge iyange man uwer man asan, akum a sha la cii, ú rumun wer a̱ urugh we zan zan ú gure ú civir a ga; ka akaa a TER, Aôndo wou, A kar kwar a mi A ne akuraior a a lu sha won cii yô.

Yosua 23:16

Aluer nea vihi ikuryan i TER, Aôndo wen, A ye a ven la, né yem né za civir mbaaôndo mbagenev, né gure ve inya yô, ishima ia vihi TER a ven, né tim ken tar u dedoo u A ne u ne, fese je.