Duteronomi 17:2 - ICIGHAN BIBILO

² Aluer á kohol or u ken a we, ken hanma gar wou u TER, Aôndo wou, Una na u la, a lu nomsoor shin kwase nana lu eren ma iferkwagh sha ishigh ki TER, Aôndo wou, nana vihi ikuryan Na,

Duteronomi 17:2 Iomraidhean Croise

2 Utor 18:12

gadia ve wa iko sha imo i TER, Aôndo ve, ga, kpa ve vihi ikuryan Na, ka akaa a Mose wanakiriki u TER wa tindi sha mi cii je la, ve venda u ungwan un man u eren sha mi kpaa.

2 Utor 21:3

Gadia a shi a maa ajiir a taven sha a ter na Hesekia lu vihi kera la; a ta atse a nanden nagh sha mi imôngo je sha ci u Baal, a er Ashera kpaa, er Ahaba tor u Iserael lu er nahan, a guren civir akum a Sha cii, a waan a iko.

Yobu 31:28

ngun kpaa, ka kwaghbo u a kom mtsaha sha ikev i mbaajiriv je; gadia mea er nahan tsô kpaa, m nyiman Aôndo u Sha je ve.

Ekesodu 22:19

Or u nan yav a zendenya yô, i̱ wua nan kpee.

Ekesodu 22:20

Or u nan ne ma aôndo ugen nagh ku sôngon i lu TER tseegh ga yô, i̱ tim nan kera purututu.

Yeremia 31:32

kpa ia kera lu sha inja i ikuryan i M ya a uter vev ayange a M kôr ve uwegh sha u duen a ve ken tar u Igipiti la ga—ikuryan Yam i ve vihi la, shin er M lu ter ve je nahan kpaa, kape TER A kaa ne.

Yeremia 34:18

Me na ior mba ve per atindi a Am, mba ve er sha akaaôron a ikuryan i ve ya sha ishigh Yagh ne ga la, vea hingir er wanbua u ve pav un avegher ahar ve kar her atô u avegher a na la nahan;

Esekiel 16:38

Me ôr u imbajir i ka i ôr kasev mba ve vihi ityendezwa i ivôson sha idya la, man i mba ve hee awambe la, Me va a awambe a iyugh man iwuhe sha a we.

Hosea 6:7

Kpa ve vihi ikuryan er Adam nahan; ka heera ve er a Mo dang ye.

Hosea 8:1

Wa korough sha zwa. Bee iguve ngi shilin sha ya u TER; sha ci u ve vihi ikuryan Yam man ve per tindi Wam.

Levitiku 20:2

Shi kaa Mbaiserael wer: Hanma or u ken Mbaiserael shi u ken ushirmbaiorov mba ve tse ken Iserael, u nana na Moleki wan u nan yô, i̱ wua nan kpee je; ior mba ken tar la je, ve̱ ta nan awen.

Levitiku 26:15

Man aluer nea venda akaawan Am, man akaaôron Am a jirigh aa ndôhôr ne ishima, nea kera eren sha atindi Am ga, shi nea vihi ikuryan Yam kpaa yô;

Levitiku 26:25

Me va a sanker sha a ven, una va or iyev i ikuryan, zum u ne za haa ken agar a en la, Me tindi bouange hen ven, né gema né hingir sha ikev i mbaihomov.

Duteronomi 17:5

due a or la, shin kwase la, u nan er ifer la, hen ihindagar you, or la shin kwase la, ta ve awen ve̱ kpe.

Duteronomi 29:18

sha er i̱ de zuan a nomsoor ker a ven shin kwase shin tsombor shin kweior, u ishima ve i gem nyian sha u undun TER, Aôndo wase, yemen za civir mbaaôndo mba akuraior la ga; sha er ma mise u menden umen megh man kwaghyuan u̱ de lu ken a ven ga yô;

Duteronomi 29:25

Nahan ior vea kaa er: Ka sha ci u ve undu ikuryan i TER, Aôndo u uter vev yô, i A ya a ve, zum u A due a ve ken tar u Igipiti la;

Duteronomi 31:20

Gadia zum u Me va a ve ken tar u M bum a uter vev, tar u dumbur a atumbabua man iyough la, vea yaan, vea iden, vea kehen, nahan vea gema vea za hen mbaaôndo mbagenev vea civir ve, vea laham, vea vihi ikuryan Yam.

Duteronomi 4:23

Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Mbaheberu 10:28

Aluer or nana per tindi u Mose sha apera yô, ka nan kpe sha shiada u ior uhar shin utar, mhôônom ma zungwen ma kera lu ga.

Yosua 23:16

Aluer nea vihi ikuryan i TER, Aôndo wen, A ye a ven la, né yem né za civir mbaaôndo mbagenev, né gure ve inya yô, ishima ia vihi TER a ven, né tim ken tar u dedoo u A ne u ne, fese je.

Yosua 7:11

Iserael er isholibo; een, ve aver ikuryan Yam je, i M ye a ve la; een, ve tôô kwagh sha akaa a i te icin sha mi la; iv kpaa ve ii, icugh kpaa ve tsugh man ve ver un ken ikav vev je.

Yosua 7:15

Tsô or u i tese nan, nan lu a kwagh u i te icin sha mi la, á nande nan sha usu, kua akaa a a lu a nan cii, gadia nan aver ikuryan i TER, shi nan er kwagh u ibume ken Iserael kpaa.

Mbaajiriv 2:20

Nahan ishima vihi TER a Iserael; A kaa er: Er ikurior ne i vende ikuryan Yam i M ya a uter vev la, shi ve we imo Yam iko kpaa ga yô,

Mbaajiriv 6:31

Tsô Yoashi kaa a mba ve mough num a na mbala er: Ne, né nôngo sha ci u Baala? Né yima unu? Or u nan nenge sha ci na yô, á wua nan pepe ne je; aluer una lu aôndo je yô, a̱ nôngo iyol na, sha er i hembe un atse a nanden nagh sha mi yô.