Duteronomi 16:7 - ICIGHAN BIBILO

⁷ Ú jiir un, ú ya hen ijiir i TER, Aôndo wou, Una tsuwa la; kper nan yô, ú gema ú hide hen utenti ou.

Duteronomi 16:7 Iomraidhean Croise

2 Utor 23:23

kpa sha inyom i sha pue kar anigheni i tor Yoshia la yô, i er TER iniongo i Paseka ne ken Yerusalem.

2 Kroniku 35:13

Nahan ve mgbagh Paseka sha usu, sha tindi; kpaa iniav mbi tseghan yô, ve jiidi mbi shin uitye man ilwese kua utasa; ve tôô mbi fefa, ve za na ior mba ken inya.

YOHANE 11:55

Tsô Paseka u Mbayuda mgbôghom, ior kpishi ken tar la kôndo sha Yerusalem er Paseka lu a kuma ga, sha u vea za wanger ayol yô.

YOHANE 2:13

Paseka u Mbayuda mgbôghom yô, Yesu za ken Yerusalem.

YOHANE 2:23

Man er A lu ken Yerusalem sha iniongo i Paseka la yô, ior kpishi na iti Na jighjigh er ve nenge uivande mba A lu eren la yô.

Duteronomi 12:5

Kpa ijiir i TER, Aôndo wen, Una tsuwa ken ikwe yen cii, sha u Una ver iti Na ker, er i̱ lu ijiir Na i teman yô, ker nen i, vaan nen her;

Duteronomi 16:2

Naan TER, Aôndo wou, nagh ku Paseka sha iyôngo man ibua hen ijiir i TER, Aôndo wou, Una tsuwa sha u veren iti Na ker la.

Duteronomi 16:6

saa hen ijiir i TER, Aôndo wou, Una tsuwa sha u Una ver iti Na i̱ lu ker la; ka her man ú na nagh ku Paseka aikighe, sha mmir u iyange, sha shighe u u due ken Igipiti la vough.